Vir iste in populo suo mitissimus apparuit

Congregatae sunt gentes in multitudine ut dimicent contra nos et ignoramus quid agere debeamus domine deus ad te sunt oculi nostri ne pereamus

Aperi oculos tuos domine et vide afflictionem nostram

Tu domine universorum qui nullam habes indigentiam voluisti templum tuum fieri in nobis conserva domum istam immaculatam in aeternum domine

Tu domine cui humilium semper et mansuetorum placuit deprecatio

Aperi caelos tuos domine et vide afflictionem nostram circumdederunt nos gentes ad puniendum nos sed tu domine extende bracchium tuum et libera animas nostras

Congregatae sunt gentes in multitudine ut pugnent contra nos

Dirumpam vincula populi mei dicit dominus et disperdam omnia mala quae induxi super eum et auferam universum laborem a facie terrae et a civitate ista

Ego sum protector tuus qui deleo iniquitates tuas

Revertar ad vos dicit dominus (...)

Ibat Jesus in civitatem quae dicitur Naim et ibant discipuli ejus cum eo et turba copiosa cum autem appropinquaret portae civitatis ecce defunctus efferebatur filius unicus matris suae

Accessit Jesus ad loculum et ait adolescenti tibi dico surge et surrexit qui erat mortuus et coepit loqui alleluia

Accepit autem omnes timor et magnificabant deum dicentes quia propheta magnus surrexit in nobis et quia deus visitavit plebem suam

Propheta magnus surrexit in nobis quia deus visitavit plebem suam

Libera nos deus in mirabilibus tuis et da gloriam nomini tuo

Extende domine bracchium tuum et libera animas nostras ne pereamus

Da pacem domine in diebus nostris quia non est alius qui pugnet pro nobis nisi tu deus noster

Tu domine universorum qui nullam habes indigentiam voluisti templum tuum fieri in nobis conserva domum istam immaculatam in aeternum

Cum intraret Jesus in domum cujus dam principis pharisaeorum sabbato manducare panem et ecce homo quidam hydropicus erat ante illum ipse vero apprehensum sanavit eum ac dimisit

Cum vocatus fueris ad nuptias recumbe in novissimo loco ut dicat tibi qui te invitavit amice ascende superius et erit tibi gloria coram simul discumbentibus alleluia

Omnis qui se exaltat humiliabitur et qui se humiliat exaltabitur

Magister quod est mandatum magnum in lege ait illi Jesus diliges dominum deum tuum ex toto corde tuo alleluia

Quid vobis videtur de Christo cujus filius est dicunt ei omnes David dicit eis Jesus quomodo David in spiritu vocat eum dominum dicens dixit dominus domino meo sede a dexteris meis

Colligite primum zizania et alligate ea fasciculos ad comburendum triticum autem congregate in horreum meum dicit dominus

Et videns Jesus fidem illorum dixit paralytico surge tolle lectum tuum et vade in domum tuam

Dixit dominus paralytico confide fili remittuntur tibi peccata tua

Cum vidisset Jesus fidem illorum dixit paralytico surge tolle lectum tuum et vade in domum tuam

Tulit ergo paralyticus lectum suum in quo jacebat magnificans deum et omnis plebs ut vidit dedit laudem deo

Aspice*

Aspice domine de sede sancta tua*

Vidi dominum sedentem super solium excelsum et plena erat omnis terra majestate ejus et ea quae sub ipso erant replebant templum

In manu tua domine omnes fines terrae

Vidi dominum sedentem super solium excelsum et elevatum et plena erat omnis terra majestate ejus et ea quae sub ipso erant replebant templum

Seraphim stabant super illud sex alae uni et sex alae alteri

Aspice domine de sede sancta tua et cogita de nobis inclina deus meus aurem tuam et audi aperi oculos tuos et vide tribulationem nostram

Respice domine de sanctuario tuo et de excelso caelorum habitaculo

Aspice domine quia facta est desolata civitas plena divitiis sedet in tristitia domina gentium non est qui consoletur eam nisi tu deus

Plorans ploravit in nocte et lacrimae ejus in maxillis ejus

Super muros tuos Jerusalem constitui custodes tota die et nocte non tacebunt laudare nomen domini

Qui reminiscimini domini ne taceatis et ne detis silentium ei

Muro tuo inexpugnabili circumcinge nos domine et armis tuae potentiae protege nos semper libera domine deus Israel clamantes ad te

Erue nos in mirabilibus tuis et da gloriam nomini tuo

Sustinuimus pacem et non venit quaesivimus bona et ecce turbatio cognovimus domine peccata nostra non in perpetuum obliviscaris nos

Peccavimus cum patribus nostris injuste egimus iniquitatem fecimus

Misit dominus angelum suum et conclusit ora leonum et non me contaminaverunt quia coram eo justitia inventa est in me

Misit deus misericordiam suam et veritatem suam animam meam eripuit de medio catulorum leonum

Laudabilis populus quem dominus exercituum benedixit dicens opus manuum mearum tu es hereditas mea Israel

Beata gens cujus est dominus deus ejus populus electus in hereditatem sibi

Angustiae mihi undique et quid eligam ignoro melius est mihi incidere in manus hominum quam derelinquere legem dei mei

Si enim hoc egero mors mihi est si autem non egero non effugiam manus vestras

Redemit dominus populum suum et liberavit eos et venient et exsultabunt in monte Sion et gaudebunt de bonis domini super frumento vino et oleo et ultra non esurient

A fructu frumenti vini et olei sui multiplicati sunt

A facie furoris tui deus conturbata est omnis terra sed tu domine miserere et ne facias consummationem

Converte nos deus salutaris noster et averte iram tuam a nobis

Fluctus tui super me transierunt et ego dixi expulsus sum ab oculis tuis putas videbo templum sanctum tuum

Abyssus vallavit me et pelagus cooperuit caput meum

Indicabo tibi homo quid sit bonum aut quid dominus requirat a te facere judicium et justitiam et sollicitum ambulare cum deo tuo

Spera in domino et fac bonitatem et inhabita terram et pasceris in divitiis ejus

Civitatem istam tu circumda domine et angeli tui custodiant muros ejus exaudi domine populum tuum cum misericordia

Avertatur furor tuus domine a populo tuo et a civitate sancta tua

Praecipita domine omnes operarios iniquitatis et divide linguis eorum quoniam vidi iniquitatem et contradictionem adversus sanctam civitatem tuam Jerusalem muro tuo inexpugnabili circumcinge nos domine deus noster

Tu autem in nobis es domine et nomen tuum super nos invocatum est

Genti peccatrici populo pleno peccato miserere domine deus

Esto placabilis super nequitia populi tui

Qui caelorum continues thronos et abyssos intueris domine rex regum montes ponderas terram palmo concludis exaudi nos deus in gemitibus nostris

Non enim in justificationibus nostris prosternimus preces ante faciem tuam sed in miserationibus tuis multis

Dicite invitatis ecce prandium meum paravi venite ad nuptias dicit dominus

Nuptiae quidem paratae sunt sed qui invitati erant non fuerunt digni ite ad exitus viarum et quoscumque inveneritis vocate ad nuptias dicit dominus

Amice quomodo huc intrasti non habens vestem nuptialem at ille obmutuit rex autem dixit Ligatis manibus et pedibus mittite eum in tenebras exteriores

Super muros tuos Jerusalem constitui custodes tota die et tota nocte non tacebunt laudare nomen domini

Sustinuimus pacem et non venit domine quaesivimus bona et ecce turbatio cognovimus domine peccata nostra non in aeternum irascaris nobis deus Israel

Abeuntes pharisaei consilium inierunt ut caperent Jesum in sermone et mittunt ei discipulos suos cum Herodianis dicentes scimus quia verax es et viam dei in veritate doces alleluia

Magister scimus quia verax es et viam dei in veritate doces alleluia

Interrogatus a Judaeis dominus si licet censum dari Caesari respondit Jesus et dixit reddite ergo quae sunt Caesaris Caesari et quae sunt dei deo alleluia

Qui caelorum contines thronos et abyssos intueris domine rex regum montes ponderas terram palmo concludis exaudi nos domine in gemitibus nostris

Erat quidam regulus cujus filius infirmabatur Capharnaum hic cum audisset quia Jesus veniret in Galilaeam rogabat eum ut sanaret filium ejus

Domine descende ut sanes filium meum priusquam moriatur dicit ei Jesus vade filius tuus vivit alleluia

Reddite ergo quae sunt Caesaris Caesari et quae sunt dei deo alleluia

Cognovit autem pater quia illa hora erat in qua dixit Jesus filius tuus vivit et credidit ipse et domus ejus tota

Dixit autem dominus servo redde quod debes procidens autem servus ille rogabat eum dicens patientiam habe in me et omnia reddam tibi

Patientiam habe in me domine peccavi et omnia reddam tibi

Serve nequam omne debitum dimisi tibi quoniam rogasti me nonne ergo oportuit et te misereri conservi tui sicut et ego tui misertus sum dicit dominus

Dicebat enim intra se si tetigero fimbriam vestimenti ejus tantum salva ero

Cum sublevasset oculos Jesus et vidisset maximam multitudinem venientem ad se dixit ad Philippum unde ememus panes ut manducent hi ipse enim sciebat quid esset facturus

Accepit panes Jesus panes et cum gratias egisset distribuit discumbentibus similiter et ex piscibus quantum volebant

De quinque panibus et duobus piscibus satiavit dominus quinque milia hominum

Si tetigero fimbriam vestimenti ejus salva esse potero ab infirmitate mea

Satiavit dominus quinque milia hominum de quinque panibus et duobus piscibus

Cum vidissent turbae signum quod fecerat Jesus dicebant vere hic est propheta qui venturus est in mundum

Illi homines cum vidissent quod fecerat Jesus signum intra se dicebant quia hic est vere propheta qui venturus est in mundum

Praesta domine ut quisquis hoc templum beneficia petiturus ingreditur cuncta se impetrasse laetetur

Terribilis est locus iste non est hic aliud nisi domus dei et porta caeli vere etenim dominus est in loco isto et ego nesciebam

Vidit Jacob in somnis scalam summitas ejus caelos tangebat et angelos dei descendentes et ascendentes per eam ait

Gloria patri et filio et spiritus sancto

Urbs Beata*

Haec est domus domini*

O quam metuendus est locus iste vere non est hic aliud nisi domus dei et porta caeli alleluia

Templum hoc sanctum ingredientes rex pie exaudi domine

Urbs Beata*

Dominus in templo sancto suo dominus in caelo alleluia