Gloria pie trinitati honor et virtus sit deitati potestas et regnum unitati semper victoria patri et filio et spiritui sancto sicut erat in principio et nunc et semper et in saecula saeculorum amen

Facture plasmator et conditor cunctorum et angelorum sator qui celos cum patre confirmarat cum sanctoque spiritu pro crearat quique tunc hominem patrie factum ymagini similem nunc iungens sibimet retulit hostis quem ceperat

Veritas de terra orta est et justitia de caelo prospexit

Homo natus est in ea ipse fundavit eam altissimus

Laetentur caeli et exsultet terra ante faciem domini quoniam venit

In principio et ante saecula deus erat verbum ipse natus est nobis salvator mundi

Notum fecit dominus alleluia salutare suum alleluia

Nato domino angelorum chori canebant dicentes salus deo nostro sedenti super thronum et agno

Speciosus forma prae filiis hominum*

O magnum mysterium et admirabile sacramentum ut animalia viderent dominum natum jacentem in praesepio beata virgo cujus viscera meruerunt portare dominum Christum

Domine audivi auditum tuum et timui consideravi opera tua et expavi in medio duum animalium

Beata dei genetrix Maria cujus viscera intacta permanent hodie genuit salvatorem saeculi

Beata et venerabilis virgo quae sine tactu pudoris inventa est mater salvatoris

Beata viscera Mariae virginis quae portaverunt aeterni patris filium et beata ubera quae lactaverunt Christum dominum quia hodie pro salute mundi de virgine nasci dignatus est

Dies sanctificatus illuxit nobis venite gentes et adorate dominum

Sancta et immaculata virginitas quibus te laudibus referam nescio quia quem caeli capere non poterant tuo gremio contulisti

Benedicta tu in mulieribus et benedictus fructus ventris tui

Parvulus filius hodie natus est nobis et vocabitur deus fortis alleluia alleluia

Ipse invocavit me pater meus*

Beata et venerabilis virgo quae sine tactu pudoris inventa est mater salvatoris jacebat in praesepio et fulgebat in caelo

Domine audivi auditum tuum et timui consideravi opera tua et expavi in medio duorum animalium

Nesciens mater virgo virum peperit sine dolore salvatorem saeculorum ipsum regem angelorum sola virgo lactabat ubere de caelo pleno

Beata dei genetrix Maria

Confirmatum est cor virginis in quo divina mysteria angelo narrante concepit te formam prae filiis hominum castis concepit visceribus et benedicta in aeternum deum nobis protulit et hominem

Domus pudici pectoris templum repente fit dei intacta nesciens virum

Verbum caro factum est et habitavit in nobis cujus gloriam vidimus quasi unigeniti a patre plenum gratia et veritate

In principio erat verbum et verbum erat apud deum et deus erat verbum

Gloria patri et filio et spiritui sancto sicut erat in principio

Quem ethera et terra atque mare non prevalent totum capere | Asini presepe infans implet celos regens ubera suggens | Factor matris factus hodie est de matre | Creans diem hodie creatur hac in die | Nascitur mundo oriens Gabriel quem vocavit Emmanuel nobiscum deus

Genuit puerpera regem cui nomen aeternum et gaudium matris habens cum virginitatis pudoris nec primam similem visa est nec habere sequentem alleluia

Angelus ad pastores ait annuntio vobis gaudium magnum quia natus est nobis hodie salvator mundi alleluia

Facta est cum angelo multitudo caelestis exercitus laudantium et dicentium gloria in excelsis deo et in terra pax hominibus bonae voluntatis alleluia alleluia

Maria autem conservabat omnia verba haec conferens in corde suo

Benedictus qui venit in nomine domini deus dominus et illuxit nobis

Lapidem quem reprobaverunt aedificantes hic factus est in caput anguli a domino factum est istud et est mirabile in oculis nostris

Benedictus qui venit*

Gloria in excelsis deo et in terra pax hominibus bonae voluntatis alleluia alleluia

Lux orta est super nos quia hodie natus est salvator alleluia

Hodie intacta virgo deum nobis genuit teneris indutum membris quem lactare meruit omnes ipsum adoremus qui venit salvare nos

In sole posuit*

Hodie natus est nobis rex regum dominus hodie venit nobis salus mundi redemptio nostra alleluia

Laetentur caeli*

Gaudeamus omnes fideles salvator noster natus est in mundo hodie processit proles magnifici germinis et perseverat pudor virginitatis

Notum fecit dominus*

Tecum principium in die virtutis tuae in splendoribus sanctorum ex utero ante luciferum genui te

Redemptionem misit dominus populo suo mandavit in aeternum testamentum suum

Exortum est in tenebris lumen rectis corde misericors et miserator et justus dominus

Apud dominum misericordia et copiosa apud eum redemptio

De fructu ventris tui ponam super sedem meam

Verbum caro factum est et habitabit in nobis

Et vidimus gloriam ejus quasi unigeniti a patre

Tecum principium*

Hodie Christus natus est hodie salvator apparuit hodie in terra canunt angeli laetantur archangeli hodie exsultent justi dicentes gloria in excelsis deo alleluia

Stephanus autem plenus gratia et fortitudine faciebat prodigia et signa magna in populo

Virgo hodie fidelis etsi verbum genuit incarnatum virgo mansit et post partum quam laudantes omnes dicemus benedicta tu in mulieribus

Ecce agnus dei qui tollit peccata mundi ecce de quo dicebam vobis qui post me venit ante me factus est cujus non sum dignus corrigiam calciamenti solvere

Hoc est testimonium quod perhibuit Joannes

Qui de terra est de terra loquitur et qui de caelo venit supra omnes est

Continet in gremio caelum terramque regentem virgo dei genetrix proceres comitantur heriles per quos orbis ovans Christo sub principe pollet

Domus pudici pectoris templum repente fit dei intacta nesciens virum verbo concepit filium

Benedictus qui venit*

Lapidem quem reprobaverunt*

Hic qui advenit nemo scit nomen ejus nisi ipse solus vocatur verbum domini habens vestem praeclaram et omnis chori angelorum in albis sequuntur agnum

Ecce advenit dominator dominus et regnum in manu ejus et potestas et imperium

Congratulamini mihi omnes qui diligitis dominum quia cum essem parvula placui altissimo et de meis visceribus genui deum et hominem

Beatam me dicent omnes generationes quia ancillam humilem respexit deus

O regem caeli cui talia famulantur obsequia stabulo ponitur qui continet mundum jacet in praesepio et in nubibus tonat

Domine audivi auditum tuum et timui consideravi opera tua et expavi in medio duum animalium

Genuit puerpera*

Notum fecit dominus*

Verbum caro*

Tecum principium*

Verbum caro*

O regem caeli*

Angelus ad pastores*

Ecce nomen domini*

Quem vidistis pastores dicite annuntiate nobis in terris quis apparuit natum vidimus in choro angelorum salvatorem dominum alleluia

Pastores dicite quidnam vidistis et annuntiate Christi nativitatem infantem vidimus pannis involutum et choros angelorum laudantes salvatorem

Ecce nomen domini Emmanuel quod annuntiatum est per Gabrielem hodie apparuit in Israel per Mariam virginem magnus rex

Verbum caro factum est alleluia et habitabit in nobis alleluia

Verbum caro factum est et habitavit in nobis et vidimus gloriam ejus gloriam quasi unigeniti a patre plenum gratia et veritate alleluia

O regem caeli cui talia famulantur obsequia stabulo ponitur qui continet mundum jacet in praesepio et in nubibus tonat

Natus est nobis deus de deo lumen de lumine quod erat in principio

Natus est nobis hodie salvator qui est Christus dominus in civitate David

Continet in gremio caelum terramque regentem virgo dei genetrix proceres comitantur heriles per quos orbis ovans Christo sub principe pollet

Beatus venter qui te portavit Christe et beata ubera quae te lactaverunt dominum et salvatorem mundi alleluia

Sancta et immaculata virginitas quibus te laudibus referam nescio quia quem caeli capere non poterant tuo gremio contulisti

Nesciens mater virgo virum peperit sine dolore salvatorem saeculorum ipsum regem angelorum sola virgo lactabat ubere de caelo pleno

Virgo dei genetrix quem totus non capit orbis in tua se clausit viscera factus homo vera fides geniti purgavit crimina mundi et tibi virginitas inviolata manet

Virgo verbo concepit virgo permansit virgo peperit regem omnium regum

Regem protomartyris Stephani venite adoremus dominum Jesum Christum

Hesterna die dominus natus est in terris ut hodie Stephanus nasceretur in caelis

Qui enim corpori suo virginis praeparavit uterum ipse martyri suo aperire dignatus est caelum

Praesepis angustia Christum portavit infantem immensitas caeli Stephanum triumphantem suscepit

Stephanus autem plenus gratia et veritate faciebat signa magna in populo

Nemo poterat resistere sapientiae et spiritui qui loquebatur

Omnes intendentes in eum aspiciebant vultum ejus tamquam vultum angeli stantis inter illos

Gloria et honore*

Hesterna die dominus natus est terris ut Stephanus nasceretur in caelis ingressus est dominus mundum ut Stephanus ingrederetur in caelum