O admirabile commercium creator generis humani animatum corpus sumens de virgine nasci dignatus est et procedens homo sine semine largitus est nobis suam deitatem

Benedictus qui venit*

Puer natus est*

Mirabile mysterium declaratur hodie innovantur naturae deus homo factus est id quod fuit permansit et quod non erat assumpsit non commixtionem passus neque divisionem

Quando natus est ineffabiliter ex virgine tunc impletae sunt scripturae sicut pluvia in vellus descendisti ut salvum faceres genus humanum te laudamus deus noster

Rubum quem viderat Moyses incombustum conservatam agnovimus tuam laudabilem virginitatem dei genetrix intercede pro nobis

Germinavit radix Jesse orta est stella ex Jacob virgo peperit salvatorem te laudamus deus noster

Ecce Maria genuit nobis salvatorem quem Joannes videns exclamavit dicens ecce agnus dei ecce qui tollit peccata mundi alleluia

In principio*

Magnum hereditatis mysterium templum dei factus est uterus nesciens virum non est pollutus ex ea carnem assumens omnes gentes venient dicentes gloria tibi domine

In principio*

In principio*

Illuminare*

Illuminans altissimus micantium astrorum globos pax vita lumen veritas Jesu fave praecantibus

Seu mystico baptismate fluenta Jordanis retro conversa quodam tertio praesenti sacraris die

Seu stella partum virginis caelo micans signaveris et hac adoratum die praesepe magos duxeris

Vel hydriis plenis aquae vini saporem infuderis hausit minister conscius quod ipse non impleverat

Aquas colorari videns inebriare flumina mutata elementa stupent transire in usus alteros

Sic quinque milibus viris dum quinque panes dividis edentium sub dentibus in ore crescebat cibus

Multiplicabatur magis dispendio panis suo quis haec videns mirabitur juges meatus fontium

Inter manus frangentium panis rigatur profluus intacta quae non fregerant fragmenta subrepunt viri

Gloria tibi domine*

Omnes de Saba venient R. Aurum et thus deferentes et laudem domino annunciantes

Magi viderunt stellam dixerunt ad invicem hoc signum magni regis est eamus et inquiramus eum et offeramus ei munera aurum thus et myrrham

Christus apparuit nobis venite adoremus

Intende qui regis*

Afferte domino filii dei adorate dominum in aula sancta ejus

Fluminis impetus laetificat alleluia civitatem dei alleluia

Psallite deo nostro psallite psallite regi nostro psallite sapienter

Omnis terra adoret te et psallat tibi psalmum dicat nomini tuo domine

Reges Tharsis et insulae munera offerrent regi domino

Omnes gentes quascumque fecisti venient et adorabunt coram te domine

Omnis terra adoret te deus et psallat tibi R. Psalmum dicat nomini tuo

Hodie in Jordane baptizato domino aperti sunt caeli et sicut columba super eum spiritus mansit et vox patris intonuit hic est filius meus dilectus in quo mihi complacui

Descendit spiritus sanctus corporali specie sicut columba in ipsum et vox de caelo facta est

Omnes de Saba venient aurum et thus deferentes et laudem domino annuntiantes

Reges Tharsis et insulae munera offerrent reges Arabum et Saba dona adducent

Illuminare illuminare Jerusalem venit lux tua et gloria domini super te orta est

Et ambulabunt gentes in lumine tuo et reges in splendore ortus tui

Venit lumen tuum Jerusalem et gloria domini super te orta est et ambulabunt gentes in lumine tuo et reges in splendore ortus tui

Filii tui de longe venient et filiae tuae de latere surgent

Videntes stellam magi gavisi sunt gaudio magno et intrantes domum obtulerunt domino aurum thus et myrrham

Christo datus est principatus et honor regni omnis populus tribus et linguae servient ei in aeternum

Adorate dominum alleluia in aula sancta ejus alleluia

Adorate dominum alleluia omnes angeli ejus alleluia

Vidimus stellam ejus in oriente et venimus cum muneribus adorare eum

Tria sunt munera quae obtulerunt magi domino aurum thus et myrrham filio dei regi magno alleluia

Reges Tharsis et insulae munera offerrent R. Reges*

Interrogabat magos Herodes quod signum vidistis super natum regem stellam magnam fulgentem cujus splendor illuminat mundum et nos cognovimus et venimus adorare eum

Vidimus enim stellam ejus in oriente

Magi veniunt ab oriente Jerusalem quaerentes et dicentes ubi est qui natus est cujus stellam vidimus et venimus adorare dominum

Cum natus esset Jesus in Bethleem Judae in diebus Herodis regis ecce magi ab oriente venerunt Jerusalem dicentes

Stella quam viderant magi in oriente antecedebat eos donec venirent ad locum ubi puer erat videntes autem eam gavisi sunt gaudio magno

Et intrantes domum invenerunt puerum cum Maria matre ejus et procidentes adoraverunt eum

Hic est dies praeclarus in quo salvator mundi apparuit quem prophetae praedixerunt angeli annuntiaverunt cujus stellam magi viderunt et munera ei obtulerunt

Dies sanctificatus illuxit nobis venite gentes et adorate dominum

Lux de luce apparuisti Christe cui magi munera offerunt alleluia alleluia alleluia

Adorate dominum R. In aula sancta ejus

Tria sunt munera pretiosa quae obtulerunt magi domino in die ista et habent in se divina mysteria in auro ut ostenditur regis potentia in thure sacerdotem magnum considera et in myrrha dominicam sepulturam

Salutis nostrae auctorem magi venerati sunt in cunabulis et de thesauris suis mysticas ei munerum species obtulerunt

Dies sanctificatus illuxit nobis venite gentes et adorate dominum quia hodie apparuit lux magna in terris

Gloria in excelsis deo et in terra pax hominibus bonae voluntatis

Videntes stellam magi gavisi sunt gaudio magno et intrantes domum invenerunt puerum cum Maria matre ejus et procidentes adoraverunt eum et apertis thesauris suis obtulerunt ei munera aurum thus et myrrham

Ab oriente magi venerunt in Bethleem adorare dominum

In columbae specie spiritus sanctus visus est paterna vox audita est hic est filius meus dilectus in quo mihi complacui

Caeli aperti sunt super eum et vox patris audita est

Ante luciferum genitus et ante saecula dominus salvator noster hodie mundo apparuit

Reges Tharsis et insulae munera offerrent

Reges Arabum et Saba dona adducent

Illuminans altissimus*

Omnes de saba venient R. Aurum et thus deferentes

Hodie caelesti sponso juncta est ecclesia quoniam in Jordane lavit Christus ejus crimina currunt cum muneribus magi ad regales nuptias et ex aqua facto vino laetantur convivae alleluia

Venit lumen tuum Jerusalem et gloria domini super te orta est et ambulabunt gentes in lumine tuo alleluia

Apertis thesauris suis obtulerunt magi domino aurum thus et myrrham alleluia

Omnis terra adoret te deus et psallat tibi R. Psalmum dicat nomini tuo

Maria et flumina benedicite dominum hymnum dicite fontes domino alleluia

Reges Tharsis et insulae munera offerrent R. Reges Arabum*

Stella ista sicut flamma coruscat et regem regum deum demonstrat magi eam viderunt et Christo regi munera obtulerunt

Adorate dominum R. In aula sancta ejus

Videntes stellam magi*

Vidimus*

Vox de caelis sonuit et vox patris audita est hic est filius meus in quo mihi complacui

Caeli aperti sunt super eum et vox facta est de caelo dicens hic est filius meus dilectus in quo mihi complacui

Dies sanctificatus illuxit nobis

Venite gentes et adorate dominum

Omnes de Saba venient R. Aurum et thus*

Ab oriente venerunt magi in Bethleem adorare dominum et apertis thesauris suis pretiosa munera obtulerunt aurum sicut regi magno thus sicut deo vero myrrham sepulturae ejus alleluia

Christus apparuit nobis venite adoremus

Tria sunt munera*

Lux de luce*

Christo datus*

Omnis terra*

Alleluia*

Reges Tharsis*

Ante luciferum*

Magi viderunt*

Ab oriente venerunt*

Christus apparuit*

Tria sunt munera*

Lux de luce*