Quoniam deus magnus dominus et rex magnus super omnes deos

In principio deus creavit caelum et terram et spiritus domini ferebatur super aquas et vidit deus cuncta quae fecerat et erant valde bona

Igitur perfecti sunt caeli et terra et omnis ornatus eorum

In principio fecit deus caelum et terram et creavit in ea hominem ad imaginem et similitudinem suam

Formavit igitur dominus hominem de limo terrae et inspiravit in faciem ejus spiraculum vitae

Igitur perfecti sunt caeli et terra et omnis ornatus eorum complevitque deus die septimo opus suum quod fecerat et requievit ab omni opere quod patrarat

Et benedixit diei septimo et sanctificavit illum quia in ipso cessaverat

Formavit igitur dominus hominem de limo terrae et inspiravit in faciem ejus spiraculum vitae et factus est homo in animam viventem

In principio fecit deus caelum et terram et plasmavit in ea hominem

Tulit ergo dominus hominem et posuit eum in paradisum voluptatis ut operaretur et custodiret illum

Plantaverat autem dominus deus paradisum voluptatis a principio in quo posuit hominem quem formaverat

Plantaverat autem dominus deus paradisum voluptatis a principio in quo posuit hominem quem formaverat

Produxitque dominus deus de humo omne lignum pulchrum visu et ad vescendum suave lignum etiam vitae in medio paradisi

Dixit dominus deus non est bonum esse hominem solum faciamus ei adjutorium simile sibi

Adae vero non inveniebatur adjutor similis ejus dixit vero deus

Immisit dominus soporem in adam et tulit unam de costis ejus et aedificavit costam quam tulerat de Adam in mulierem et adduxit eam ad adam ut videret quid vocaret eam et vocavit nomen ejus Virago quia de viro suo sumpta est

Hoc nunc os ex ossibus meis et caro de carne mea

Dum deambularet dominus in paradisum ad auram post meridiem clamavit et dixit Adam ubi es audivi domine vocem tuam et abscondi me

Vocem tuam audivi in paradiso et timui eo quod nudus essem

In sudore vultus tui vesceris pane tuo dixit dominus ad Adam cum operatus fueris terram non dabit fructus suos sed spinas et tribulos germinabit tibi

Pro eo quod oboedisti voci uxoris tuae plus quam me maledicta terra in opere tuo

Ecce Adam quasi unus ex nobis factus est sciens bonum et malum videte ne forte sumat de ligno vitae et vivat in aeternum

Cherubim collocavit dominus et flammeum gladium atque versatilem ad custodiendam viam ligni vitae et ait

Ubi est Abel frater tuus dixit dominus ad Cain nescio domine numquid custos fratris mei sum ego et dixit ad eum quid fecisti ecce vox sanguinis fratris tui Abel clamat ad me de terra

Nunc ergo maledictus eris super terram quae aperuit os suum et suscepit sanguinem fratris tui de manu tua

Alleluia*

Adjutor meus esto deus ne derelinquas me

Neque despicias me deus salutaris meus

Dominus regnavit decorem*

Simile est regnum caelorum homini patrifamilias qui exiit primo mane conducere operarios in vineam suam dicit dominus

Alleluia*

Dixit dominus*

Spes mea domine a juventute mea

In te confirmatus sum ex utero de ventre matris meae tu es meus protector

Dirigatur domine oratio mea*

Dixit paterfamilias operariis suis quid hic statis tota die otiosi at illi respondentes dixerunt quia nemo nos conduxit ite in vineam meam et quod justum fuerit dabo vobis

Dixit paterfamilias*

In principio*

Cum turba plurima conveniret ad Jesum et de civitatibus properarent ad eum dixit per similitudinem exiit qui seminat seminare semen suum

Jesus haec dicens clamabat qui habet aures audiendi audiat

Ponam arcum meum*

Vobis datum est nosse mysterium regni dei ceteris autem in parabolis dixit Jesus discipulis suis

Quoniam deus*

Quadraginta dies et noctes aperti sunt caeli et ex omni carne habentem spiritum vitae ingressi sunt in arcam et clausit a foris ostium dominus

Noe vero et filii ejus uxor ejus et uxores filiorum ejus

Aedificavit Noe altare domino offerrens super illud holocaustum odoratus est dominus odorem suavitatis et benedixit eis crescite et multiplicamini et replete terram

Ecce ego statuam pactum meum vobiscum et cum semine vestro post vos

Per memetipsum juravi dicit dominus non adjiciam ultra aquas diluvii super terram pacti mei recordabor ut non perdam aquis diluvii omnem carnem

Ponam arcum meum in nubibus caeli et erit signum foederis inter me et inter terram

Ponam arcum meum in nubibus caeli dixit dominus ad Noe et recordabor foederis mei quod pepigi tecum

Cumque obduxero nubibus caelum apparebit arcus meus in nubibus

Locutus est dominus ad Abraham dicens egredere de terra et de cognatione tua et veni in terram quam monstravero tibi et faciam te crescere in gentem magnam

Benedicens benedicam tibi et multiplicabo te

Dum staret Abraham ad illicem mambre vidit tres viros descendentes per viam tres vidit et unum adoravit

Cumque sublevasset oculos apparuerunt ei tres viri stantes juxta eum

Tentavit deus Abraham et dixit ad eum tolle filium tuum quem diligis Isaac et offerres illum ibi in holocaustum super unum montium quem dixero tibi

Immola deo sacrificium laudis et redde altissimo vota tua

Angelus domini vocavit Abraham dicens ne extendas manum tuam super puerum novi quod timeas dominum

Cumque extendisset manum ut immolaret filium ecce angelus domini clamavit dicens

Deus domini mei Abraham dirige viam meam ut cum salute revertar in domum domini mei

Obsecro domine fac misericordiam cum servo tuo

Veni hodie ad fontem aquae et oravi dominum dicens domine deus Abraham tu prosperum fecisti desiderium meum

Igitur puella cui dixero da mihi aquam de hydria tua ut bibam et illa dixerit bibe domine et camelis tuis potum tribuam ipsa est quam praeparasti domine filio domini mei

Caecus sedebat secus viam transeunte domino et clamabat ad eum ait illi dominus quid vis ut faciam tibi rabboni ut videam lumen

Stans autem Jesus jussit caecum adduci ad se et cum appropinquasset interrogavit eum dicens

Domine puer meus jacet paralyticus in domo et male torquetur amen dico tibi ego veniam et curabo eum

Domine non sum dignus ut intres sub tectum meum sed tantum dic verbo et sanabitur puer meus

Alleluia*

Adjutor*

Caecus sedebat secus viam et clamabat miserere mei fili David

Alleluia*

Dixit dominus*

Spes mea*

Dirigatur*

Stans autem Jesus jussit caecum adduci ad se et ait illi quid vis faciam tibi domine ut videam et Jesus ait illi respice fides tua te salvum fecit et confestim vidit et sequebatur illum magnificans deum

Cum jejunatis nolite fieri sicut hypocritae tristes

Thesaurizate vobis thesauros in caelo ubi nec aerugo nec tinea demolitur

Si vos manseritis in sermone meo vere discipuli mei eritis et cognoscetis veritatem et veritas liberabit vos

Ego enim ex deo processi et veni neque enim a meipso veni sed pater meus ille me misit

Me etenim de die in diem quaerunt et scire vias meas volunt

Quare jejunavimus et non aspexisti humiliavimus animas nostras et nescisti

Cum facis eleemosynam nesciat sinistra tua quid faciat dextera tua

Paradisi portas*

Deus creator*

Angelis suis deus mandavit de te R. Ut custodiat te in omnibus viis tuis

Ecce nunc tempus acceptabile ecce nunc dies salutis in his ergo diebus exhibeamus nos sicut dei ministros in multa patientia in vigiliis in jejuniis et in caritate non ficta

Summi largitor praemii spes una mundi perditi preces intende pauperum ad pedes tuos flentium

Nostra nos conscientia culpis accusat gravibus quam emundes supplicamus ab omnibus piaculis

Si renuis quis tribuet indulge quia mitis es si corde rogamus pio certe debes ex promisso

Ergo accepta mysticum quod sacrasti jejunium uti digne paschalia capiamus sacramenta

Summa nobis hoc conferat in deitate trinitas in qua gloriatur unus per cuncta saecula deus amen

Ploremus coram domino deo nostro qui fecit nos

Domine in virtute*

Dicet domino susceptor meus es tu R. Et refugium meum deus meus sperabo in eum

Ecce nunc tempus acceptabile ecce nunc dies salutis commendemus nosmetipsos in multa patientia in jejuniis multis per arma justitiae virtutis dei

In omnibus exhibeamus nosmetipsos sicut dei ministros in multa patienta

Paradisi portas aperiet nobis jejunii tempus suscipiamus illud orantes et deprecantes ut in die resurrectionis cum domino gloriemur

Per arma justitiae virtutis dei commendemus nosmetipsos in multa patientia

Emendemus in melius quae ignoranter peccavimus ne subito praeoccupati die mortis quaeramus spatium paenitentiae et invenire non possimus attende domine et miserere quia peccavimus tibi

Peccavimus cum patribus nostris injuste egimus iniquitatem fecimus