Dixerunt impii apud se non recte cogitantes circumveniamus justum quoniam contrarius est operibus nostris promittit se scientiam dei habere filium dei se nominat et gloriatur patrem se habere deum videamus si sermones illius veri sint et si est verus filius dei liberet illum de manibus nostris morte turpissima condemnemus eum

Tamquam nugaces aestimati sumus ab illo et abstinet se a viis nostris tamquam ab immunditiis et profert novissima justorum

Circumdederunt me viri mendaces sine causa flagellis ceciderunt me sed tu domine defensor vindica me

Quoniam tribulatio proxima est et non est qui adjuvet

Dominus deus auxiliator meus et ideo non sum confusus

Circumdantes circumdederunt me et in nomine domini vindicabor in eis

Judica causam [meam] defende quia potens [es] domine

Cum angelis et pueris fideles inveniamur triumphatori mortis clamantes hosanna in excelsis

Eripe me de inimicis meis deus meus R. Et ab insurgentibus*

Turba multa quae convenerat ad diem festum clamabat domino benedictus qui venit in nomine domini hosanna in excelsis

Pueri Hebraeorum tollentes ramos olivarum obviaverunt domino clamantes et dicentes hosanna in excelsis

Pueri Hebraeorum vestimenta prosternebant in via et clamabant dicentes hosanna filio David benedictus qui venit in nomine domini

Tibi revelavi causam meam domine defensor vitae meae domine deus meus

Invocabo nomen tuum domine ne avertas faciem tuam a clamore meo

Eripe me domine ab homine malo R. A viro*

Scriptum est enim percutiam pastorem et dispergentur oves gregis postquam autem resurrexero praecedam vos in Galilaeam ibi me videbitis dicit dominus

Viri impii dixerunt opprimamus virum justum injuste et deglutiamus eum tamquam inferus vivum auferamus memoriam illius de terra et de spoliis ejus sortem mittamus inter nos ipsi enim homicidae thesaurizaverunt sibi malum insipientes et maligni oderunt sapientiam et rei facti sunt in cogitationibus suis

Haec cogitaverunt et erraverunt excaecavit illos malitia eorum

Opprobrium factus sum nimis inimicis meis viderunt me et moverunt capita sua adjuva me domine deus meus

Locuti sunt adversum me lingua dolosa et sermonibus odii circumdederunt me

Insurrexerunt in me viri iniqui absque misericordia quaesierunt me interficere et non pepercerunt in faciem meam spuere et lanceis vulneraverunt me et concussa sunt omnia ossa mea ego autem aestimabam me tamquam mortuum super terram

Effuderunt furorem suum in me fremuerunt contra me dentibus suis

Faciem meam non averti ab increpantibus et conspuentibus in me

Framea suscitare adversus eos qui dispergunt gregem meum

Appenderunt mercedem meam triginta argenteis quibus appretiatus sum ab eis

Inundaverunt aquae super caput meum dixi perii invocabo nomen tuum domine deus

Labia insurgentium et cogitationes eorum vide domine

Eripe me*

Non haberes [in me] potestatem nisi desuper datum tibi fuisset

Contumelias et terrores passus sum ab eis qui erant pacifici mei et custodientes latus meum dicentes decipiamus eum et praevaleamus illi sed tu domine mecum es tamquam bellator fortis cadent in opprobrium sempiternum ut videam vindictam in eis quia tibi revelavi causam meam

Judica domine causam animae meae defensor vitae meae

Deus Israel propter te sustinui improperium operui reverentia faciem meam extraneus factus sum fratribus meis et hospes filiis matris meae quoniam zelus domus tuae comedit me

Intende animae meae et libera eam propter inimicos meos eripe me

Synagoga populorum circumdederunt me et non reddidi retribuentibus mihi mala consumetur domine nequitia peccatorum et diriges justum

Judica me domine secundum justitiam meam et secundum innocentiam meam super me

Vide domine et considera quoniam tribulor velociter exaudi me

Discerne causam meam domine ab homine iniquo et doloso eripe me

Dum tribularer clamavi ad dominum de ventre inferi et exaudivit me

Domine vim patior responde pro me quia nescio quid dicam inimicis meis

Dixerunt impii opprimamus virum justum quoniam contrarius est operibus nostris

Ante diem festum paschae sciens Jesus quia venit ejus hora cum dilexisset suos in finem dilexit eos

Potestatem habeo ponendi animam meam et iterum sumendi eam

Locuti sunt adversum me lingua dolosa et sermonibus odii circumdederunt me pro eo ut diligerent me detrahebant mihi ego autem orabam et exaudisti me domine deus meus

Et posuerunt adversum me mala pro bonis et odium pro dilectione mea

Libera me de sanguinibus deus deus meus et exsultabit lingua mea justitiam tuam

Contumelias et terrores passus sum ab eis et dominus mecum est tamquam bellator fortis

Ipsi vero in vanum quaesierunt animam meam introibunt in inferiora terrae

Omnes inimici mei audierunt malum meum domine laetati sunt quoniam tu fecisti

Alliga domine in vinculis nationes gentium et reges eorum in compedibus

Eripe me de inimicis meis*

Simon dormis non potuisti una hora vigilare mecum

Ancilla dixit Petro vere tu ex illis es nam et loquela tua manifestum te facit

Zelus domus tuae comedit me et opprobria exprobrantium tibi ceciderunt super me

Avertantur retrorsum et erubescant qui cogitant mihi mala

Deus meus eripe me de manu peccatoris

Avertantur retrorsum et erubescant R. Qui cogitant mihi mala

In monte oliveti oravi ad patrem pater si fieri potest transeat a me calix iste spiritus quidem promptus est caro autem infirma fiat voluntas tua

Vigilate et orate ut non intretis in tentationem

Tristis est anima mea usque ad mortem sustinete hic et vigilate mecum nunc videbitis turbam quae circumdabit me vos fugam capietis et ego vadam immolari pro vobis

Ecce appropinquabit hora et filius hominis tradetur in manus peccatorum

Ecce vidimus eum non habentem speciem neque decorem aspectus ejus in eo non est hic peccata nostra portavit et pro nobis dolet ipse autem vulneratus est propter iniquitates nostras cujus livore sanati sumus

Vere languores nostros ipse tulit et dolores nostros ipse portavit

Liberavit dominus pauperem a potente et inopem cui non erat adjutor

Cogitaverunt impii et locuti sunt nequitiam iniquitatem in excelso locuti sunt

Exsurge domine et judica causam meam

Deus meus eripe me de manu peccatoris R. Et de manu contra legem agentis et iniqui

Amicus meus osculi me tradidit signo quem osculatus fuero ipse est tenete eum hoc malum fecit signum qui per osculum adimplevit homicidium infelix praetermisit pretium sanguinis et in fine laqueo [se] suspendit

Bonum [erat ei si] natus non fuisset [homo ille]

Judas mercator pessimus osculum petiit [domino ille ut] agnus innocens [non negat] Judae osculum denariorum numero Christum Judaeis tradidit

Melius illi erat si natus non fuisset

Unus ex discipulis meis tradet me hodie vae illi per quem tradar ego melius illi erat si natus non fuisset

Qui intingit mecum manum in parapside hic me traditurus est in manus peccatorum

Dixi iniquis nolite loqui adversus deum iniquitatem

Terra tremuit et quievit dum exsurgeret in judicio deus

In die tribulationis meae deum exquisivi manibus meis

Exsurge domine R. Et judica causam meam

Eram quasi agnus innocens ductus sum ad immolandum et nesciebam consilium fecerunt inimici mei adversum me dicentes venite mittamus lignum in panem ejus et eradamus eum de terra viventium

Omnes inimici mei adversum me cogitabant mala mihi verbum iniquum mandaverunt adversum me dicentes

Una hora non potuistis vigilare mecum qui exhortabamini mori pro me vel Judam non videtis quomodo non dormit sed festinat tradere me Judaeis

Qui dormitis surgite et orate ne intretis in tentationem

Seniores populi consilium fecerunt ut Jesum dolo tenerent et occiderent cum gladiis et fustibus exierunt tamquam ad latronem

Collegerunt pontifices et pharisaei consilium

Justificeris domine in sermonibus tuis et vincas cum judicaris

Dominus tamquam ovis ad victimam ductus est et non aperuit os suum

Contritum est cor meum in medio mei contremuerunt omnia ossa mea

Exhortatus es in virtute tua et in refectione sancta tua domine

Oblatus est quia ipse voluit et peccata nostra ipse portavit

Homo pacis meae in quo sperabam R. Qui edebat panes meos ampliavit adversum me supplantationem

Traditor autem dedit eis signum dicens quem obsculatus fuero ipse est tenete eum

Christus factus est pro nobis oboediens usque ad mortem mortem

Calicem salutaris accipiam et nomen domini invocabo

Cum his qui oderunt pacem eram pacificus dum loquebar illis impugnabant me gratis

Ab hominibus iniquis libera me domine

Custodi me a laqueo quem statuerunt mihi et ab scandalis operantium iniquitatem

Considerabam ad dexteram et videbam et non erat qui cognosceret me

Cenantibus autem accepit Jesus panem benedixit ac fregit deditque discipulis suis

Astiterunt reges terrae et principes convenerunt in unum adversus dominum et adversus Christum ejus

Diviserunt sibi vestimenta mea et super vestem meam miserunt sortem

Insurrexerunt in me testes iniqui et mentita est iniquitas sibi

Diviserunt sibi vestimenta mea R. Et super vestem meam miserunt sortem