Omnes amici mei dereliquerunt me et praevaluerunt insidiantes mihi tradidit me quem diligebam et terribilibus oculis plaga crudeli percutiens aceto potabant me

Inter iniquos projecerunt me et non pepercerunt animae meae

Velum templi scissum est et omnis terra tremuit latro de cruce clamabat dicens memento mei domine dum veneris in regnum tuum

Petrae scissae sunt et monumenta aperta sunt et multa corpora sanctorum qui dormierant surrexerunt

Vinea mea [electa] ego te plantavi quomodo conversa es in amaritudine ut me crucifigeres et Barrabam dimitteres

Saepivi te et lapides elegi ex te et aedificavi turrim

Vim faciebant qui quaerebant animam meam

Confundantur et revereantur qui quaerunt animam meam ut auferant eam

Alieni insurrexerunt in me et fortes quaesierunt animam meam

Insurrexerunt in me testes iniqui R. Et mentita est iniquitas sibi

Tamquam ad latronem existis cum gladiis comprehendere me cottidie apud vos eram in templo docens et non me tenuistis et ecce flagellatum ducitis ad crucifigendum

Cumque injecissent manus in Jesum et tenuissent eum dixit ad eos

Tenebrae factae sunt dum crucifixissent Jesum in dei et circa horam nonam exclamavit Jesus voce magna deus ut quid me dereliquisti et inclinato capite emisit spiritum

Exclamans Jesus voce magna ait pater in manus tuas commendo spiritum meum

Animam meam dilectam tradidi in manus iniquorum et facta est mihi hereditas mea sicut leo in silva dedit contra me voces adversarius dicens congregamini et properate ad devorandum illum posuerunt me in deserto solitudinis et luxit super me omnis terra quia non est inventus qui me agnosceret et faceret bene

Insurrexerunt in me viri absque misericordia et non pepercerunt animae meae

Ab insurgentibus in me libera me domine quia occupaverunt animam meam

Longe fecisti notos meos a me traditus sum et non egrediebar

Captabunt in animam justi et sanguinem innocentem condemnabunt

Locuti sunt adversum me lingua dolosa R. Et sermonibus odii circumdederunt me gratis

Tradiderunt me in manus impiorum et inter iniquos projecerunt me et non pepercerunt animae meae congregati sunt adversum me fortes et sicut gigantes steterunt contra me

Alieni insurrexerunt in me et fortes quaesierunt animam meam

Jesum tradidit impius summis principibus sacerdotum et senioribus populi Petrus autem sequebatur a longe ut viderent finem

Adduxerunt autem eum ad Caipham principem sacerdotum ubi scribae et pharisaei convenerant

Caligaverunt oculi mei a fletu meo quia elongatus est a me qui consolabatur me videte omnes populi si est dolor similis sicut dolor meus

O vos omnes qui transitis per viam attendite et videte

Proprio filio suo non pepercit deus sed pro nobis omnibus tradidit illum

Anxiatus est in me spiritus meus in me turbatum est cor meum

Ait latro ad latronem nos quidem digna factis recipimus hic autem quid fecit memento mei domine dum veneris in regnum tuum

Dum conturbata fuerit anima mea domine misericordiae memor eris

Memento mei domine deus dum veneris in regnum tuum

Collocavit me in obscuris R. Sicut mortuos saeculi

Posuerunt super caput ejus causam ipsius scriptam Jesus Nazarenus rex Judaeorum

Christus factus est pro nobis oboediens usque ad mortem mortem autem crucis

Cum accepisset acetum dixit consummatum est et inclinato capite [emisit] spiritum

[In] pace in idipsum dormiam et requiescam

Habitabit in tabernaculo tuo requiescet in monte sancto tuo

Caro mea requiescet in spe

In pace in idipsum R. Dormiam et requiescam

Sicut ovis ad occisionem ductus est et dum male tractaretur non aperuit os suum traditus est ad mortem ut vivificaret populum suum

Tradidit in mortem animam suam et inter sceleratos reputatus est

Jerusalem surge et exue te vestibus jucunditatis induere cinere et cilicio quia in te occisus est salvator Israel

Deduc quasi torrentem lacrimas per diem et noctem non taceat pupilla oculi tui

Plange quasi virgo plebs mea ululate pastores in cinere et cilicio quia venit dies domini magna et amara valde

Accingite vos sacerdotes et plangite ministri altaris aspergite vos cinere

Elevamini portae aeternales et introibit rex gloriae

Credo videre bona domini in terra viventium

Domine abstraxisti ab inferis animam meam

Tu autem domine miserere mei R. Et resuscitas me et retribuam eis

Recessit pastor noster fons aquae vivae ad cujus transitum sol obscuratus est nam et ille captus est qui captivum tenebat primum hominem hodie portas mortis et seras pariter salvator noster disrupit

Destruxit quidem claustra inferni et subvertit potentias diaboli

O vos omnes qui transitis per viam attendite et videte si est dolor similis sicut dolor meus

Attendite universi populi et videte dolorem meum

Ecce quomodo moritur justus et nemo percipit corde et viri justi tolluntur et nemo considerat a facie iniquitatis sublatus est justus et erit in pace memoria ejus

Tamquam agnus coram tondente se obmutuit et non aperuit os suum de angustia et de judicio sublatus est

Deus adjuvat me et dominus susceptor est animae meae

In pace factus est locus ejus et in Sion habitatio ejus

Factus sum sicut homo sine adjutorio inter mortuos liber

In pace factus est locus ejus R. Et habitatio ejus*

Astiterunt reges terrae et principes convenerunt in unum adversus dominum et adversus Christum ejus

Quare fremuerunt gentes et populi mediati sunt inania

Aestimatus sum cum descendentibus in lacum factus sum sicut homo sine adjutorio inter mortuos liber

Posuerunt me in lacu inferiori in tenebrosis et in umbra mortis

Sepulto domino signatum est monumentum volventes lapidem ad ostium monumenti ponentes milites qui custodirent illum

Accendentes principes sacerdotum ad Pilatum petierunt illum

O mors ero mors tua morsus tuus ero inferne

Plangent eum quasi unigenitum quia innocens dominus occisus est

Attendite universi populi et videte dolorem meum

A porta inferi erue domine animam meam

O vos omnes qui transitis per viam attendite et videte si est dolor sicut dolor meus

Caro mea requiescet in spe R. Et non dabit sanctum tuum videre corruptionem

Mulieres sedentes ad monumentum lamentabantur flentes dominum

Christus factus est pro nobis oboediens usque ad mortem autem crucis

Alleluia alleluia alleluia

Vespere autem sabbati quae lucescit in prima sabbati venit Maria Magdalena et altera Maria videre sepulcrum alleluia

Surrexit dominus vere alleluia

Ego sum qui sum et consilium meum non est cum impiis sed in lege domini voluntas mea est alleluia

Postulavi patrem meum alleluia dedit mihi gentes alleluia in hereditatem alleluia

Ego dormivi et somnum coepi et resurrexi quoniam dominus suscepit me alleluia alleluia

Surrexit dominus de sepulcro alleluia R. Qui pro nobis pependit in ligno alleluia

Angelus domini descendit de caelo et accendens revolvit lapidem et super eum sedit et dixit mulieribus nolite timere scio enim quia crucifixum quaeritis jam surrexit venite et videte locum ubi positus erat dominus alleluia

Et introeuntes in monumentum viderunt juvenem sedentem in dextris coopertum stola candida et obstupuerunt qui dixit illis

Gloria patri et filio et spiritui sancto*

Dum transisset sabbatum Maria Magdalena et Maria Jacobi et Salome emerunt aromata ut venientes ungerent Jesum alleluia alleluia

Et valde mane una sabbatorum veniunt ad monumentum orto jam sole

Gloria patri et filio et spiritui sancto*

Angelus autem domini descendit de caelo et accedens revolvit lapidem et sedebat super eum alleluia alleluia

Et ecce terraemotus [factus] est magnus angelus autem domini descendit de caelo alleluia

Erat autem aspectus ejus sicut fulgur vestimenta autem ejus sicut nix alleluia alleluia

Prae timore autem ejus exterriti sunt custodes et facti sunt velut mortui alleluia

Respondens autem angelus dixit mulieribus nolite timere scio enim quod Jesum quaeritis alleluia

Haec dies quam fecit dominus exsultemus et laetemur in ea

Et valde mane una sabbatorum veniunt ad monumentum orto jam sole alleluia

Et respicientes viderunt revolutum lapidem erat quippe magnus valde alleluia

Surrexit dominus de sepulcro alleluia R. Qui pro nobis pependit in ligno alleluia

Maria Magdalenae et altera Maria ibant diluculo ad monumentum Jesum quem quaeritis non est hic surrexit sicut locutus est praecedet vos in Galilaeam ibi eum videbitis alleluia alleluia

Et valde mane una sabbatorum veniunt ad monumentum orto jam sole et introeuntes viderunt juvenem sedentem in dextris qui dicit illis

Congratulamini mihi omnes qui diligitis dominum quia quem quaerebam apparuit mihi et dum flerem ad monumentum vidi dominum meum alleluia

Recedentibus discipulis non recedebam et amoris ejus igne succensa ardebam desiderio

Jesus junxit se discipulis suis in via et ibat cum illis oculi eorum tenebantur ne eum agnoscerent et increpavit eos dicens o stulti et tardi corde ad credendum in his quae locuti sunt prophetae alleluia