De ore leonis libera*

Non sis mihi tu formidini spes mea in die afflictionis meae

Ne perdas cum impiis deus

Si quis sitit veniat et bibat et de ventre ejus fluent aquae vivae

Erue a framea deus animam meam et de manu canis unicam meam humilitatem meam

Eripe me domine ab homine malo a viro iniquo libera me

Eripe me domine ab homine*

In die magno festivitatis stabat Jesus et clamabat dicens si quis sitit veniat ad me et bibat

Tempus meum nondum advenit tempus autem vestrum semper est paratum

Vos ascendite ad diem festum hunc ego non ascendam quia tempus meum nondum advenit

De ore leonis libera me domine et a cornibus unicornium humilitatem meam

Erue a framea deus animam meam et de manu canis unicam meam

Quidam autem Judaei dicebant quia bonus est alii autem dicebant non sed seducit turbas

Oves meae vocem meam audiunt et ego dominus agnosco eas

Ne perdas cum impiis deus animam meam et cum viris sanguinum vitam meam redime me domine

Eripe me de inimicis meis deus meus et ab insurgentibus in me

Multa bona opera operatus sum vobis propter quod opus vultis me occidere

Magister dicit tempus meum prope est apud te facio pascha cum discipulis meis

Principes persecuti sunt me gratis et a verbis tuis formidavit cor meum laetabor ego super eloquia tua

Quasi qui invenit spolia multa

Desiderio desideravi pascha manducare vobiscum antequam patiar

Appropinquabit autem dies festus et quaerebant principes sacerdotum quomodo Jesum interficerent sed timebant plebem

Usquequo exaltabitur inimicus meus super me respice et exaudi me domine deus meus

Qui tribulant me exsultabunt si motus fuero ego autem in misericordia tua speravi

Principes sacerdotum consilium fecerunt ut Jesum occiderent dicebant autem non in die festo ne forte tumultus fieret in populo

Clarifica me pater apud temetipsum claritate quam habui priusquam mundus fieret

Ingressus Pilatus cum Jesu in praetorium ait illi tu es rex Judaeorum respondit tu dicis quia rex sum exivit ergo Jesus de praetorio portans coronam et vestem purpuream et cum indutus fuisset exclamaverunt omnes crucifigatur quia filium dei se fecit

Tunc ait illis Pilatus regem vestrum crucifigam responderunt pontifices regem non habemus nisi Caesarem

Pater juste mundus te non cognovit ego autem novi te quia tu me misisti

Ipsi vero non cognoverunt vias meas quibus juravi in ira mea si introibunt in requiem meam

In die qua invocavi te domine dixisti noli timere judicasti causam meam et liberasti me deus meus

Deus meus eripe me de manu peccatoris et de manu contra legem agentis et iniqui

Fratres mei elongaverunt a me et noti mei quasi alieni recesserunt a me

Amici mei adversum me appropiaverunt et proximi mei

Attende domine ad me et audi voces adversariorum meorum numquid reddetur pro bono malum quia foderunt foveam animae meae

Homo pacis meae in quo sperabam ampliavit adversum me supplantationem

Salvum me fac deus quoniam intraverunt aquae usque ad animam meam ne avertas faciem tuam a me quoniam tribulor exaudi me deus meus

Intende animae meae et libera eam propter inimicos meos eripe me domine

Noli esse mihi domine alienus parce mihi in die mala confundantur omnes qui me persequuntur et non confundar ego

Confundantur omnes inimici mei qui quaerunt animam meam ut auferant eam

Dominus mecum est tamquam bellator fortis propterea persecuti sunt me et intellegere non potuerunt domine probas renes et corda tibi revelavi causam meam

Et vim faciebant qui quaerebant animam meam et qui inquirebant mala mihi locuti sunt vanitates

De ore leonis*

Libera me domine et pone me juxta te et cujusvis manus pugnet contra me

Opprobrium factus sum nimis inimicis meis viderunt me et moverunt capita sua adjuva me domine deus meus

Persequar inimicos meos et comprehendam illos et non convertar donec deficiant

Deus Israel propter te sustinui improperium operuit reverentia faciem meam extraneus factus sum fratribus meis et hospes filiis matris meae quoniam zelus domus tuae comedit me

Deus deus meus respice in me quare me dereliquisti longe a salute mea

Synagoga populorum circumdederunt me et non reddidi retribuentibus mihi mala consumetur domine nequitia peccatorum et diriges justum

Tu autem domine susceptor meus es gloria mea et exaltans caput meum

Ingrediente domino in sanctam civitatem Hebraeorum pueri resurrectionem vitae pronuntiabant cum ramis palmarum hosanna clamantes in excelsis

Cumque audissent quia venit Jesus Jerusalemam exierunt obviam ei

Dominus deus auxiliator meus et ideo non sum confusus

Circumdantes circumdederunt me et in nomine domini vindicabor in eos

Judica causam meam defende quia potens es domine

Cum angelis et pueris fideles inveniamur triumphatori mortis clamantes hosanna in excelsis

Confundantur qui me persequuntur et non confundar ego domine deus meus

Eripe me*

Turba multa quae convenerat ad diem festum clamabat domino benedictus qui venit in nomine domini hosanna in excelsis

Quid molesti estis huic mulieri opus enim bonum operata est in me

Mittens haec mulier in corpus meum hoc unguentum ad sepeliendum me fecit

Si oportuerit me mori tecum non te negabo domine deus meus

Ancilla dixit Petro vere tu ex illis es nam et loquela tua manifestum te facit

Fulgentibus palmis prosternimur advenienti domino huic omnes occurramus cum hymnis et canticis glorificantes et dicentes benedictus dominus

Occurrunt turbae cum floribus et palmis redemptori domino et victori triumphanti dignae dant obsequium filium dei ore gentes praedicant et in laude Christi voces tonantes jubilant hosanna

Coeperunt omnes turbae descendentium gaudentes laudare deum voce magna super omnibus quas viderant virtutibus dicentes benedictus qui venit rex in nomine domini pax de caelis et gloria in excelsis

Pueri Hebraeorum vestimenta prosternebant in via et clamabant dicentes hosanna filio David benedictus qui venit in nomine domini

Turba multa*

Pueri Hebraeorum tollentes ramos olivarum obviaverunt domino clamantes et dicentes hosanna in excelsis

Cum angelis*

Omnes collaudant nomen tuum et dicent benedictus qui venit in nomine domini

Hosanna filio David benedictus qui venit in nomine domini rex Israel hosanna in excelsis

Ingrediente*

Scriptum est enim percutiam pastorem et dispergentur oves gregis postquam autem surrexero praecedam vos in Galilaeam ibi me videbitis dicit dominus

Amicus meus osculi me tradidit signo quem osculatus fuero ipse est tenete eum hoc malum fecit signum qui per osculum adimplevit homicidium infelix praetermisit pretium sanguinis et in fine laqueo se suspendit

Melius illi erat si natus non fuisset

Judas mercator pessimus osculo petiit dominum ille ut agnus innocens non negat Judae osculum denariorum numero Christum Judaeis tradidit

Melius*

Conclusit vias meas inimicus insidiator factus est mihi sicut leo in abscondito replevit et inebriavit me amaritudine deduxerunt in lacum mortis vitam meam et posuerunt lapides contra me vide domine iniquitatem illorum et judica causam animae meae defensor vitae meae

Omnes inimici mei adversum me cogitabant mala mihi verbum iniquum mandaverunt adversum me

Faciem meam non averti ab increpantibus et conspuentibus in me

Framea suscitare adversus eos qui dispergunt gregem meum

Appenderunt mercedem meam triginta argenteis quos appretiatus sum ab eis

Inundaverunt aquae super caput meum dixi perii invocabo nomen tuum domine deus

Labia insurgentium et cogitationes eorum vide domine

Non haberes in me potestatem nisi desuper datum tibi fuisset

Recordare mei domine tuere me ab his qui persequuntur me

Tibi revelavi causam meam domine defensor vitae meae domine deus meus

Invocabo nomen tuum domine ne avertas faciem tuam a clamore meo

Potestatem habeo ponendi animam meam et iterum sumendi eam

Tanto tempore vobiscum eram docens vos in templo et non me tenuistis modo flagellatum ducitis ad crucifigendum

Ecce turba et qui vocabatur Judas venit et dum appropinquaret ad Jesum ut eum oscularetur Jesus dixit ad eum Juda osculo tradis filium hominis ad crucifigendum

Filius quidem hominis vadit sicut scriptum est de illo vae autem homini illi per quem tradetur

Insurrexerunt in me viri iniqui absque misericordia quaesierunt me interficere et non pepercerunt in faciem meam spuere et lanceis suis vulneraverunt me et concussa sunt omnia ossa mea ego autem aestimabam me tamquam mortuum super terram

Et dederunt in escam meam fel et in siti mea potaverunt me aceto

Dixerunt impii apud se non recte cogitantes circumveniamus justum quoniam contrarius est operibus nostris promittit se scientiam dei habere filium dei se nominat et gloriatur patrem se habere deum videamus si sermones illius veri sint et si est verus filius dei liberet illum de manibus nostris morte turpissima condemnemus eum

Viri impii dixerunt opprimamus virum justum injuste et de spoliis ejus sortem mittamus

Vide domine et considera quoniam tribulor velociter exaudi me

Discerne causam meam domine ab homine iniquo et doloso eripe me

Dum tribularer clamavi ad dominum de ventre inferi et exaudivit me