Domine vim patior responde pro me quia nescio quid dicam inimicis meis

Dixerunt impii opprimamus virum justum quoniam contrarius est operibus nostris

Cottidie apud vos eram in templo docens et non me tenuistis et ecce flagellatum ducitis ad crucifigendum

Replevit et inebriavit me amaritudine inimicus meus

Accepto pane Judas tradidit dominum sicut promiserat principibus sacerdotum

Si male locutus sum perhibe testimonium sui autem bene quid me caedis

Ait Pilatus mundae sunt manus meae a sanguine hujus justi vos videritis

Nemo tollet a me animam meam sed ego pono eam et iterum sumo eam

Tradiderunt me*

Viri impii dixerunt opprimamus virum justum injuste et deglutiamus eum tamquam inferus vivum auferamus memoriam illius de terra et de spoliis ejus sortem mittamus inter nos ipsi enim homicidae thesaurizaverunt sibi mala insipientes et maligni oderunt sapientiam et rei facti sunt in cogitationibus suis

Dixerunt impii apud se non recte cogitantes circumveniamus justum quoniam contrarius est operibus nostris

Contumelias et terrores passus sum ab eis qui erant pacifici mei et custodientes latus meum dicentes decipiamus eum et praevaleamus illi sed tu domine mecum es tamquam bellator fortis cadent in opprobrium sempiternum et videam vindictam in eis quia tibi revelavi causam meam

Omnes inimici mei adversum me cogitabant mala mihi verbum iniquum mandaverunt adversum me

Libera me de sanguinibus deus deus meus et exsultabit lingua mea justitiam tuam

Contumelias et terrores passus sum ab eis et dominus mecum est tamquam bellator fortis

Ipsi vero in vanum quaesierunt animam meam introibunt in inferiora terrae

Omnes inimici mei audierunt malum meum domine laetati sunt quoniam tu fecisti

Alliga domine in vinculis nationes gentium et reges earum in compedibus

Consilium fecerunt inimici mei dicentes conteramus eum de terra viventium

Sepulto domino signatum est monumentum ponentes milites qui custodirent eum

Ululate pastores et clamate aspergite vos cinere quia completi sunt dies domini

Videbunt in quem transfixerunt et plangent super eum omnes tribus terrae

Joseph ab Arimathia petiit corpus Jesu et sepelivit eum in sepulcro suo

Factus Jesus in agonia prolixus orabat et factus est sudor ejus sicut guttae sanguinis decurrentis in terram

Zelus domus tuae comedit me et opprobria exprobrantium tibi ceciderunt super me

Avertantur retrorsum et erubescant qui cogitant mihi mala

Deus meus eripe me de manu peccatoris

Homo pacis meae in quo sperabam R. Ampliavit adversum*

In monte Oliveti oravi ad patrem pater si fieri potest transeat a me calix iste spiritus quidem promptus est caro autem infirma fiat voluntas tua

Verumtamen non sicut ego volo sed sicut tu vis

Tristis est anima mea usque ad mortem sustinete hic et vigilate mecum nunc videbitis turbam quae circumdabit me vos fugam capietis et ego vadam immolari pro vobis

Vigilate et orate dicit dominus

Ecce vidimus eum non habentem speciem neque decorem aspectus ejus in eo non est hic peccata nostra portavit et pro nobis dolens ipse autem vulneratus est propter iniquitates nostras cujus livore sanati sumus

Vere languores nostros ipse abstulit et infirmitates nostras ipse portavit

Liberavit dominus pauperem a potente et inopem cui non erat adjutor

Cogitaverunt impii et locuti sunt nequitiam iniquitatem in excelso locuti sunt

Exsurge domine et judica causam meam

Ab insurgentibus in me libera*

Unus ex discipulis meis tradet me hodie vae illi per quem tradar ego melius illi erat si natus non fuisset

Qui intingit mecum manum in parapsidem hic me traditurus est in manus peccatorum

Eram quasi agnus innocens ductus sum ad immolandum et nesciebam consilium fecerunt inimici mei adversum me dicentes venite mittamus lignum in panem ejus et conteramus eum de terra viventium

Omnes inimici mei adversum me cogitabant mala mihi verbum iniquum mandaverunt adversum me dicentes

Una hora non potuistis vigilare mecum qui exhortabamini mori pro me vel Judam non videtis quomodo non dormit sed festinat tradere me Judaeis

Dormite jam et requiescite ecce appropinquabit qui me traditurus est in manus peccatorum

Dixi iniquis nolite loqui adversus deum iniquitatem

Terra tremuit et quievit cum exsurgeret in judicio deus

In die tribulationis meae deum exquisivi manibus meis

Deus meus eripe me de manu peccatoris

Seniores populi consilium fecerunt ut Jesum dolo tenerent et occiderent cum gladiis et fustibus exierunt tamquam ad latronem

Congregaverunt iniquitatem sibi et egrediebantur foras

Revelabunt caeli iniquitatem Judae et terra adversus eum consurget et manifestum erit peccatum illius in die furoris domini cum eis qui dixerunt domino deo recede a nobis scientiam viarum tuarum nolumus

Fiat mensa eorum coram ipsis in laqueum et in retributiones et in scandalum

O Juda qui dereliquisti consilium pacis et cum Judaeis consiliatus es triginta argenteis vendidisti sanguinem justum et pacis osculum ferebas quod in pectore non habebas

Verax datur fallacibus pium flagellat impius

Justificeris domine in sermonibus tuis et vincas cum judicaris

Dominus tamquam ovis ad victimam ductus est et non aperuit os suum

Contritum est cor meum in medio mei contremuerunt omnia ossa mea

Exhortatus es in virtute tua et in refectione sancta tua domine

Oblatus est quia ipse voluit et peccata nostra ipse portavit

Christus factus est pro*

Traditor autem dedit eis signum dicens quem osculatus fuero ipse est tenete eum

Kyrie eleison Christe eleison Kyrie eleison

Qui prophetice prompsisti ero mors tua o mors

Domine miserere Christus dominus factus est obediens usque ad mortem

Kyrie eleison Christe eleison kyrie eleison

Qui passurus advenisti propter nos

Domine miserere

Qui expansis in cruce manibus traxisti omnia ad te saecula

Domine miserere

Vita in ligno moritur infernus ex morsu despoliatur

Calicem salutaris accipiam et nomen domini invocabo

Cum his qui oderunt pacem eram pacificus cum loquebar illis impugnabant me gratis

Ab hominibus iniquis libera me domine

Custodi me a laqueo quem statuerunt mihi et ab scandalis operantium iniquitatem

Considerabam ad dexteram et videbam et non erat qui cognosceret me

Amici*

Cenantibus autem accepit Jesus panem benedixit ac fregit dedit discipulis suis

Astiterunt reges terrae et principes convenerunt in unum adversus dominum et adversum Christum ejus

Diviserunt sibi vestimenta mea et super vestem meam miserunt sortem

Insurrexerunt in me testes iniqui et mentita est iniquitas sibi

Diviserunt sibi vestimenta mea

Omnes amici mei dereliquerunt me et praevaluerunt insidiantes mihi tradidit me quem diligebam et terribilibus oculis plaga crudeli percutiens aceto potabat me

Et dederunt in escam meam fel et in siti mea

Velum templi scissum est et omnis terra tremuit latro de cruce clamabat dicens memento mei domine dum veneris in regnum tuum

Amen dico tibi hodie mecum eris in paradiso

Vinea mea electa ego te plantavi quomodo conversa es in amaritudinem ut me crucifigeres et Barraban dimitteres

Ego quidem plantavi te vinea mea electa omne semen verum

Vim faciebant qui quaerebant animam meam

Confundantur et revereantur qui quaerunt animam meam ut auferant eam

Alieni insurrexerunt in me et fortes quaesierunt animam meam

Insurrexerunt in me testes iniqui

Tamquam ad latronem existis cum gladiis comprehendere me cottidie apud vos eram in templo docens et non me tenuistis et ecce flagellatum ducitis ad crucifigendum

Filius quidem hominis vadit sicut scriptum est de illo vae autem homini illi per quem tradetur

Tenebrae factae sunt dum crucifixissent Jesum Judaei et circa horam nonam exclamabat Jesus voce magna deus deus ut quid me dereliquisti et inclinato capite emisit spiritum tunc unus ex militibus lancea latus ejus perforavit et continuo exivit sanguis et aqua

Et velum templi scissum est a summo usque deorsum et omnis terra tremuit

Barabbas latro dimittitur et innocens Christus occiditur nam et Judas armiductor sceleris qui per pacem didicit facere bellum osculando tradidit dominum Jesum Christum

Verax datur fallacibus pium flagellat impius

Ab insurgentibus in me libera me domine quia occupaverunt animam meam

Longe fecisti notos meos a me traditus sum et non egrediebar

Captabant in animam justi et sanguinem innocentem condemnabunt