Emitte lucem tuam et veritatem tuam ipsa me deduxerunt et adduxerunt in montem sanctum tuum

Sperent in te omnes qui noverunt nomen tuum domine quoniam non derelinquis quaerentes te psallite domino qui habitat in Sion | quoniam non est oblitus orationem pauperum

Sedes super thronum qui judicas aequitatem increpasti gentes et periit impius judicare populum cum justitia et factus es refugium pauperum

Cognoscetur dominus judicia faciens quoniam patientia pauperum non peribit in finem desiderium pauperum exaudivit deus

Redime me deus Israel ex omnibus angustiis meis

Liberator meus de gentibus iracundis ab insurgentibus in me exaltabis me a viro iniquo eripies me domine

Diligam te domine virtus mea dominus firamentum meum et refugium meum

Exaltabo te domine quoniam suscepisti me nec delectasti inimicos meos super me

Domine deus meus clamavi ad te et sanasti me domine abstraxisti ab inferis animam meam salvasti me a descendentibus in lacum

Eripe me de inimicis meis deus meus et ab insurgentibus in me libera me domine

Quia ecce captaverunt animam meam et irruerunt fortes in me

Quia factus es adjutor meus et refugium meum in die tribulationis meae

Lavabo inter innocentes manus meas et circuibo altare tuum domine ut audiam vocem laudis tuae et enarrem universa mirabilia tua

Omnia quae fecisti nobis domine in vero judicio fecisti quia peccavimus tibi et mandatis tuis non oboedivimus sed da gloriam nomini tuo et fac nobiscum secundum multitudinem misericordiae tuae

Magnus dominus et laudabilis nimis in civitate dei nostri in monte sancto ejus

Tollite hostias et introite in atria ejus adorate dominum in aula sancta ejus

Revelavit dominus condensa et in templo ejus omnes dicent gloriam

Super flumina Babylonis illic sedimus et flevimus dum recordaremur tui Sion

In salicibus in medio ejus suspendimus organa nostra quoniam illic interrogaverunt nos qui captivos duxerunt nos verba canticorum et qui abduxerunt nos hymnum cantate nobis de canticis Sion quomodo cantabimus canticum domini in terra aliena

Si oblitus fuero tui Jerusalem obliviscatur me dextera mea adhaereat lingua mea faucibus meis si tui non meminero

Memento domine filiorum Edom in die Jerusalem qui dixerunt

Memento verbi tui servo tuo domine in quo mihi spem dedisti haec me consolata est in humilitate mea

Miserere mihi domine quoniam tribulor libera me et eripe me de manibus inimicorum meorum et a persequentibus me domine non confundar quoniam invocavi te

In te domine speravi non confundar in aeternum in justitia tua libera me

Pacifice loquebantur mihi inimici mei et in ira molesti erant mihi

Vidisti domine ne sileas ne discedas a me

Benedictus es domine doce me justificationes tuas et non tradas calumniantibus me superbis et respondebo exprobrantibus mihi verbum

Vidi non servantes pactum et tabescebam domine quando facies de persequentibus me judicium

Appropiaverunt persequentes me iniqui confundantur et reverantur quia injuste iniquitatem fecerunt in me

Ne tradideris me domine in animas persequentium me quia insurrexerunt in me testes iniqui et mentita est iniquitas sibi

Domine ne longe facias auxilium tuum a me ad defensionem meam aspice libera me de ore leonis et a cornibus unicornuorum humilitatem meam

Deus deus meus respice in me quare me dereliquisti longe a salute mea*

Tenuisti manum dexteram meam in voluntate tua deduxisti me et cum gloria assumpsisti me

Quam bonus Israel deus rectis corde mei autem pene moti sunt pedes pene effusi sunt gressus mei quia zelavi in peccatoribus pacem peccatorum videns

Deus deus meus respice in me quare me dereliquisti

Longe a salute mea verba delictorum meorum

Deus meus clamabo per diem nec exaudies et nocte et non ad insipientiam mihi

Tu autem in sancto habitas laus Israel

In te speraverunt patres nostri speraverunt et liberasti eos

Ad te clamaverunt et salvi facti sunt in te speraverunt et non sunt confusi

Ego autem sum vermis et non homo opprobrium hominum et abjectio plebis

Omnes qui videbant me aspernabantur me locuti sunt labiis et moverunt caput

Speravit in domino eripiat eum salvum faciat eum quoniam vult eum

Ipsi vero consideraverunt et conspexerunt me diviserunt sibi vestimenta mea et super vestem meam Ipsi vero consideraverunt et conspexerunt me diviserunt sibi vestimenta mea et super vestem meam miserunt sortem

Libera me de ore leonis et a cornibus unicornuorum humilitatem meam

Qui timetis dominum laudate eum universum semen Jacob magnificate eum

Annuntiabitur domino generatio ventura et annuntiabunt caeli justitiam ejus

Populo qui nascetur quem fecit dominus

Improperium exspectavit cor meum et miseriam et sustinui qui simul contristaretur et non fuit consolantem me quaesivi et non inveni et dederunt in escam meam fel et in siti mea potaverunt me aceto

Salvum me fac deus quoniam intraverunt aquae usque ad animam meam

Adversum me exercebantur qui sedebant in porta et in me psallebant qui bibebant vinum

Ego vero orationem meam ad te domine tempus beneplaciti deus in multitudine misericordiae tuae

Pater si non potest hic calix transire nisi bibam illum fiat voluntas tua

Judica domine nocentes me expugna impugnantes me apprehende arma et scutum et exsurge in adjutorium meum domine virtus salutis meae

Effunde frameam et conclude adversus eos qui me persequuntur

Exsurge domine et intende judicium meum deus meus et dominus meus in causam meam

Effunde frameam et conclude adversus eos qui me persequuntur

Eripe me de inimicis meis domine ad te confugi doce me facere voluntatem tuam quia deus meus es tu

Exaudi me in tua justitia et ne intres in judicio cum servo tuo domine

Erubescant et revereantur simul qui gratulantur malis meis induantur pudore et reverentia qui maligna loquuntur adversum me

Nos autem gloriari oportet in cruce domini nostri Jesu Christi in quo est salus vita et resurrectio nostra per quem salvati et liberati sumus

Deus misereatur nostri et benedicat nobis illuminet vultum suum super nos et misereatur nostri

Ego autem dum mihi molesti essent induebam me cilicio et humiliabam in jejunio animam meam et oratio mea in sinu meo convertetur

Judica domine nocentes me expugna impugnantes me apprehende arma et scutum et exsurge in adjutorium mihi

Custodi me domine de manu peccatoris et ab hominibus iniquis eripe me domine

Eripe me domine ab homine malo a viro iniquo libera me

Qui cogitaverunt subplantare gressus meos absconderunt superbi laqueos mihi

Adversum me exercebantur qui sedebant in porta et in me psallebant qui bibebant vinum ego vero orationem meam ad te domine tempus beneplaciti deus in multitudine misericordiae tuae

In nomine domini omne genu flectatur caelestium terrestrium et infernorum quia dominus factus oboediens usque ad mortem mortem autem crucis ideo dominus Jesus Christus in gloria est dei patris

Domine exaudi orationem meam et clamor meus ad te veniat

Ne avertas faciem tuam a puero tuo quoniam tribulor velociter exaudi me

Salvum me fac deus quoniam intraverunt aquae usque ad animam meam infixus sum in limo profundi et non est substantia

Domine exaudi orationem meam et clamor meus ad te veniat

Ne avertas faciem tuam a me in quacumque die tribulor inclina ad me aurem tuam

In quacumque die invocavero te velociter exaudi me

Quia defecerunt sicut fumus dies mei et ossa mea sicut in frixorio confrixa sunt

Percussus sum sicut foenum et aruit cor meum quia oblitus sum manducare panem meum

Tu exsurgens domine misereberis Sion quia venit tempus miserendi ejus

Domine exaudi orationem meam et clamor meus ad te perveniat

Ne avertas faciem tuam ne avertas faciem tuam a me

Quia oblitus sum manducare panem meum

Tu exsurgens misereberis Sion quia tempus miserendi ejus quia venit tempus

Potum meum cum fletu temperabam quia elevans allisisti me et ego sicut foenum arui tu autem domine in aeternum permanes tu exsurgens misereberis Sion quia venit tempus miserendi ejus

Nos autem*

Deus misereatur nostri*

Christus factus est pro nobis oboediens usque ad mortem mortem autem crucis

Propter quod et deus exaltavit illum et dedit illi nomen quod est super omne nomen

Dextera domini fecit*

Dominus Jesus postquam cenavit cum discipulis suis lavit pedes eorum et ait illis scitis quid fecerim vobis ego dominus et magister exemplum dedi vobis ut et vos ita faciatis

Domine audivi auditum tuum et timui consideravi opera tua et expavi

In medio duorum animalium innotesceris dum appropinquaverint anni cognosceris dum advenerit tempus ostenderis

In eo dum conturbata fuerit anima mea in ira misericordiae memor eris

Deus a Libano veniet et sanctus de monte umbroso et condenso

Operuit caelos majestas ejus et laudis ejus plena est terra

Eripe me domine ab homine malo a viro iniquo libera me

Qui cogitaverunt malitias in corde tota die constituebant proelia

Acuerunt linguas suas sicut serpentes venenum aspidum sub labiis eorum

Custodi me domine de manu peccatoris et ab hominibus iniquis libera me

Qui cogitaverunt subplantare gressus meos absconderunt superbi laqueos mihi

Et funes extenderunt in laqueos pedibus meis juxta iter scandalum posuerunt mihi