Tu es Petrus et super

Source

Wroclaw, Biblioteka Uniwersytecka, Ms. R 503

Folio

251v

Sequence

1

Feast

Vincula Petri

Service

X

Mode

6T

Full text as in Source (standardized spelling)

Tu es Petrus et super hanc petram aedificabo ecclesiam | Tu beatus es bar Jona cui aspirat sua dona quasi nato spiritus | Quod caro sanguisque nescit per patrem tibi patescit revelatum caelitus | Tibi claves deus dedit quibus porta caeli cedit praevalentque inferis | Potestate formidanda hic legas illic liganda tuta sunt quae solveris | Te piscantem piscatoris ad capturae melioris usum traxit gratia | Cuncta linquis nave spreta temporalis mundi meta ludices ut omnia | Apostolis principaris dominoque sociaris in tributi pretio | Transformati tu Messiae Moysique et Eliae frueris colloquio | Sicco pede calcas mare Malchum truncas fles amare dum pungit negatio | Sic dejectum patientis et erectum resurgentis redintegrat visio | Ter confessus ter negatum gregem pascis ter donatum vita verbo precibus | Claudus salit et Tabitha iterata calet vita viam paras gentibus | Infirmis umbra mederis defraudantes gravi feris conjunges suplicio | Tu vinculis liber relaxatis portis exis reseratis duce fretus praevio | Caecus videt mutus fatur languor fugit duplex datur salus Antiochiae | Funus surgit magus cadit consecrator Romam vadit crucis et victoriae | Illum sequens pendis cruce scandis caelum quo te duce nobis detur additus | Janitor ingressum pande quo nos lucis non mutande foveat intuitus | Amen

Indexing Notes

txt?? ID?