Inclyta sanctae virginis Catharinae sollemnia suscipiat alacriter sancta mater ecclesia

Felix regina virgo prudens Catharina sponsi caelestis verax invictaque testis nobis indignis precibus succurre benignis

Ut pietas Christi cujus regnum meruisti nos a peccatis mundet jungatque beatis

Gloria patri et filio et spiritus sancto

Catharinae collaudemus*

Audi filia*

Ave gemma claritatis ad instar carbunculi ave rosa paradisi more fragrans balsami Catharina virgo felix gloriosa meritis assistentes tuis festis caeli junge gaudiis

Adoretur virginum rex in saeculorum saecula virgini qui Catharinae contulit caelestia

Jesu corona virginum*

Virginis eximiae Catharinae martyris almae festa celebrare da nobis rex pie Christe

Virgo sancta Catharina Graeciae gemma urbe Alexandrinae costi regis filia

Specie corporis decora nimis enituit sed fide pulchrior sponso superno placuit

Traditur ergo a patre doctoribus praecipius imbuenda literalibus studiis

Haec dominum caeli contemplans mente fideli respuens errorem mundi blandientis amorem

Cum esset adhuc in annis virgo puerilibus caris orbata parentibus mundi renuntiavit opibus

Diffusa est gratia*

Nobilis et pulchra prudens Catharina puella flagrat amore dei spernit vaga gaudia mundi

Cui rex carne pater fuerat reginaque mater

Martyrium sitiens libamina Caesaris horrens exclamat Christum praeter quem nil venerandum

Daemoniis plena sunt haec ait idola templi

Impius hanc Caesar sisti jubet ante tribunal hanc ut pervertat sicut draco vel leo certat

Illa manet constans nec blanda nec aspera curans hanc ut per

Horrendo subdenda rotarum machinamento virgo deum clamat de caelis angelus astat ecce repentinam dat plebsque rotaeque ruinam

Tamquam Chaldaeis quondam fornax Babylonis

Gloria patri et filio et spiritus sancto

Membra redemptoris fidei Maxentius hostis undique caedebat gladius per cuncta furebat

Gloriosam virginem tyrannus flagellari imperat et crucianda fame in carcerem recludi cui escam per columbam Christus facit ministrari

Caesar ut invictam penitus vidit Catharinam ut leo crudelis jubet hanc discerpere poenis

Cum coetu virgineo adveniens salvator sponsus sponsam pie visitat consolatur et roborat constans esto ait filia tecum ego sum nil paveas

Maxentius instat impius dum idolorum cultibus puella voce libera haec sunt clamat daemonia te Christe solum praedicat os virgineum

Caesar electos convocat rhetores et grammaticos adversus illam disputaturos quos vincens virgo Christi fidem docuit et martyres deo dignos exhibuit

Specie tua et pulchritudine*

Haec quinquagenos oratores superatos dirigit ad caelos aurum velut igne probatos

Efficiens testes fidei quos pertulit hostes

Angelus interea descendens virgo beata ne timeas inquit non te pia gratia linquit

Confortans teneram Michael splendore puellam

O quam felices per te sanctissima plures quos jubet occidi pro Christo turbidus hostis

Cum duce Porphyrio fit martyr Caesaris uxor

Salve martyr dei sponsaque summi regis Catharina hostia Christi pro nobis ora poscendo veniam sine mora

Preces admitte pia divinae majestati

Aeternae virgo memoriae quam sibi despondit rex gloriae virginis proles eximiae sponsusque virginis ecclesiae tu gaudens hodie de dono gratiae et cantas in caelo carmen laetitiae te laudantes in terra respice atque nostra clementer suscipe vota

O mater nostra ter sancta quaterque beata cum prece devota famulantum suscipe vota

Jam Christo juncta sponsoque tuo sociata

Gloria patri et filio et spiritus sancto

Ave virgo speciosa clarior sideribus cujus vultum ac decorem concupivit dominus funde preces creatori pro tuis supplicibus

Adjuvabit eam*

Fulcite me floribus stipate me malis quia amore langueo

Adjuro vos filiae Jerusalem si inveneritis dilectum ut annuntietis ei

Virgo flagellatur crucianda fame relegatur carcere clausa manet lux caelica fusa refulget fragrat odor dulcis cantant caeli agmina laudes

Sponsus amat sponsam salvator visitat illam

Surge virgo et nostras sponso preces aperi tua vox est dulcis in aure domini quae pausas sub umbra dilecti ab aestu mundi transfer nos ad amoena paradisi

Pulchrae Sion filia pro mortali tunica agni tecta vellare et corona gloriae

O Christi pietas o virtus atque potestas virginis ex membris sacri fluit unda liquoris unde fides aegris infundit dona salutis

Virginis ob meritum manet hoc memorabile signum

Gloria patri et filio et spiritus sancto

Passionem gloriosae virginis Catharinae devote plebs celebret fidelis quae sui memores deo commendat meritis et juvat beneficiis

Post plurima supplicia martyr alma ad decollandum est ducta ad caelum manus oculos tendens collum pro jugulo orat dans gloriam deo

Exspecto pro te gladium Jesu rex bone tu meum da paradiso spiritum et fac misericordiam meam agentibus memoriam

Vox de caelis intonuit veni dilecta mea veni intra thalamum tui sponsi quae postulas impetrasti pro quibus oras salus erit

Decollata martyre inclyta lac manat de cervice candida in testimonium virginalis innocentiae gloria tibi virginum amator domine

Specie tua et*

Catharinae collaudemus*

Beatae corpus virginis sepultum est ab angelis in vertice montis Sina caelum conscendit anima in sponsi tui thalamo perenni fruens gaudio sancta virgo Catharina pro nobis jugiter ora

Virginis eximiae*

Ave virgo*

Diffusa*

Inclyta sanctae*

Specie tua*

Passionem gloriosae*

Adjuvabit eam*

Post plurima*

Adjuvabit eam*

Catharinae collaudemus*

Audi filia*

Voce cordis et oris in laudem sui redemptoris consurgat omnis fidelis cujus mediante gratia martyr et virgo Catharina facto clamore hora matutina exivit obviam Christo sponso qui sedet super cherubim cuncta videns in absconso ferens sertum rosae et lilii cum triumpho martyrii evasit minas tortorum o beata virgo ora jugiter pro reatibus supplicum tuorum