[Ingressus Raphael archangelus ad Tobiam salutavit eum dicens gaudium tibi semper sit cui Tobias] ait quale mihi gaudium erit quia in tenebris sedeo et lumen caeli [non] video [cui] angelus [dixit] forti [animo esto] a proximo [est ut] a [deo cureris]

LACUNA

Eram quasi agnus innocens ductus sum ad immolandum et nesciebam consilium fecerunt inimici mei adversum me dicentes venite mittamus lignum in panem ejus et eradamus eum de terra viventium

Omnes inimici mei adversum me cogitabant mala mihi verbum iniquum mandaverunt adversum me dicentes

Una hora non potuistis vigilare mecum qui exhortabamini mori pro me vel Judam non videtis quomodo non dormit sed festinat tradere me Judaeis

Quid dormitis surgite et orate ne intretis in tentationem

LACUNA

Custodi me a laqueo quem statuerunt mihi et ab scandalis operantium iniquitatem

Considerabam ad dexteram et videbam et non erat qui cognosceret me

Cenantibus autem illis accepit Jesus panem benedixit ac fregit dedit discipulis suis

Christus factus est pro nobis oboediens usque ad mortem

Mortem autem crucis

Propter quod et deus exaltavit illum et dedit illi nomen quod est super omne nomen

Christus factus est pro nobis oboediens*

Astiterunt reges terrae et principes convenerunt in unum adversus dominum et adversus Christum ejus

Diviserunt sibi vestimenta mea et super vestem meam miserunt sortem

Insurrexerunt in me testes iniqui et mentita est iniquitas [sibi]

LACUNA

JOD Sederunt in terra conticuerunt senes filiae Sion consperserunt cinere capita sua accincti sunt ciliciis abjecerunt in terram capita sua virgines Juda

CAPH Defecerunt prae lacrimis oculi mei conturbata sunt viscera mea effusum est in terra jecur meum super contritionem filiae populi mei cum deficeret parvulus et lactens in plateis oppidi

Jerusalem Jerusalem convertere ad dominum deum tuum

Omnes amici mei dereliquerunt me et praevaluerunt insidiantes mihi tradidit me quem diligebam et terribilibus oculis plaga crudeli percutientes aceto [potabant me]

LACUNA

[MEM Cui comparabo te vel cui assimilabo te filia Jerusalem cui exaequabo te et consolabor te virgo filia Sion magna est enim velut mare contritio tua quis] medebitur tui

NUN Prophetae tui viderunt tibi falsa et stulta nec aperiebant iniquitatem tuam ut te ad paenitentiam provocarent viderunt autem tibi assumptiones falsas et ejectiones

SAMECH Plauserunt super te manibus omnes transeuntes per viam sibilaverunt et moverunt capita sua super filiam Jerusalem haeccine est urbs dicentes perfecti decoris gaudium universae terrae

Jerusalem Jerusalem convertere ad dominum deum tuum

Velum templi scissum est et omnis terra tremuit latro de cruce clamabat dicens memento mei domine dum veneris in regnum tuum

Petrae scissae sunt et monumenta aperta sunt et multa corpora sanctorum qui dormierant surrexerunt

ALEPH Ego vir videns paupertatem meam in virga indignationis ejus

ALEPH Meminavit et adduxit in tenebras et non in lucem

ALEPH Tantum in me vertit et convertit manum suam tota die

BETH Vetustam fecit pellem meam et carnem meam contrivit ossa mea

BETH Aedificavit in gyro meo et circumdedit me felle et labore

BETH In tenebrosis collocavit me quasi mortuos sempiternos

GHIMEL Circumaedificavit adversum me ut non egrediar aggravavit compedem meum

GHIMEL Sed et cum clamavero et rogavero exclusit orationem meam

GHIMEL Conclusit vias meas lapidibus quadris semitas meas subvertit

Jerusalem Jerusalem convertere ad dominum deum tuum

Vinea mea electa ego te plantavi quomodo conversa es in amaritudinem ut me crucifigeres et Barrabam dimitteres

Saepivi te et lapides elegi ex te et aedificavi turrim

Vim faciebant qui quaerebant animam meam

Confundantur et revereantur qui quaerunt animam meam ut auferant eam

Alieni insurrexerunt in me et fortes quaesierunt animam meam

Insurrexerunt in me testes iniqui R. Et mentita est iniquitas sibi

Tamquam ad latronem existis cum gladiis et fustibus comprehendere me cottidie apud vos eram in templo docens et non me tenuisti et ecce flagellatum ducitis ad crucifigendum

Cumque injecissent manus in Jesum et tenuissent eum dixit ad eos

Tenebrae factae sunt dum crucifixissent Jesum Judaei et circa horam nonam exclamavit Jesus voce magna deus meus ut quid me dereliquistis et inclinato capite emisit spiritum

Exclamans Jesus voce magna ait pater in manus tuas commendo spiritum meum

Animam meam dilectam tradidi in manus iniquorum et facta est mihi hereditas mea sicut leo in silva dedit contra me voces adversarius dicens congregamini et properate ad devorandum illum posuerunt me in deserto solitudinis et luxit super me omnis terra quia non est inventus qui me agnosceret et faceret bene

Insurrexerunt in me absque misericordia et non pepercerunt animae meae

LACUNA

Longe fecisti notos meos a me traditus sum et non egrediebar

Captabunt in animam justi et sanguinem innocentem condemnabunt

Locuti sunt adversum me lingua dolosa R. Et sermonibus odii circumdederunt me et expugnaverunt me

Tradiderunt me in manus impiorum et inter iniquos projecerunt me et non pepercerunt animae meae congregati sunt adversum me fortes et sicut gigantes steterunt contra me

Alieni insurrexerunt adversum me et fortes quaesierunt animam meam

LACUNA

[Caligaverunt oculi mei a fletu meo quia elongatus est a me qui consolabatur me videte omnes] populi si est dolor similis sicut dolor meus

O vos omnes qui transitis per viam attendite et videte

Proprio filio suo non pepercit deus sed pro nobis omnibus tradidit illum

Anxiatus est super me spiritus meus in me turbatum est cor meum

Ait latro ad latronem nos quidem digna factis recipimus hic autem quid fecit memento mei domine dum veneris in regnum tuum

Cum conturbata fuerit anima mea domine misericordiae memor eris

Memento mei domine dum veneris in regnum tuum

Collocavit me in obscuris R. Sicut mortuos saeculi

Posuerunt super caput ejus causam ipsius scriptam Jesus Nazarenus rex Judaeorum

Christus factus est pro nobis oboediens usque ad mortem mortem autem crucis

Ecce lignum crucis in quo salus mundi pependit venite adoremus

Popule meus quid fecit tibi aut in quo contristavi te responde mihi quia eduxi te de terra Aegypti parasti crucem salvatori tuo

Agios o theos | Sanctus deus | Agios Ischyros | Sanctus fortis | Agios Athanatos eleison ymas | Sanctus et immortalis miserere nobis

Quia eduxi te per desertum quadraginta annis et manna cibavi te et introduxi te in terram satis optima

Agios o theos | Sanctus et immortalis*

Quid ultra debuit facere tibi et non feci ego quidem plantavi te vineam meam speciosissimam et tu facta es mihi nimis amara aceto namque sitim meam potasti et lancea perforasti latus salvatori tuo

Agios | Sanctus*

Popule meus*

Ego propter te flagellavi Aegyptum cum primogenitis suis et tu me flagellatum tradidisti

Popule*

Ego eduxi te de Aegypto demerso pharaone in mare rubrum et tu me tradidisti principibus sacerdotum

Ego ante te aperui mare et tu aperuisti lancea latus meum

Popule meus*

Ego ante te praeivi in columna nubis et tu me duxisti ad praetorium Pilati

Popule meus*

Ego te pavi manna per desertum et tu me cecidisti alapis et flagellis

Popule meus*

Ego te potavi aqua salutis de petra et tu me potasti felle et aceto

Popule meus*

Ego propter te Chananaeorum reges percussi et tu me percussisti arundine caput meum

Popule meus*

Ego dedi tibi sceptrum regale et tu dedisti capiti meo spineam coronam

Popule meus*

Ego te exaltavi magna virtute et tu me suspendisti in patibulo crucis

Popule meus*

Crucem tuam adoramus domine et sanctam resurrectionem tuam laudamus et glorificamus ecce enim propter lignum venit gaudium in universo mundo

Crux fidelis inter omnes arbor una nobilis nulla silva talem profert fronde flore germine dulce lignum dulces clavos dulce pondus sustinet

Pange lingua gloriosi proelium certaminis et super crucis tropaeo dic triumphum nobilem qualiter redemptor orbis immolatus vicerit

Crux fidelis*

De parentis protoplasti fraude factor condolens quando pomi noxialis morte morsu corruit ipse lignum tunc notavit damna ligni ut solveret

Dulce lignum*

Hoc opus nostrae salutis ordo depoposcerat multiformis proditoris ars ut artem falleret et medelam ferret inde hostis unde laeserat