Domine rex omnipotens in ditione tua cuncta sunt posita et non est qui possit resistere voluntati tuae libera nos propter nomen tuum

Et nunc domine rex Abraham miserere populo tuo quia nolunt nos inimici nostri perdere

Conforta me rex sanctorum principatum tenens et da sermonem rectum et benesonantem in os meum

Converte luctum nostrum in gaudium ut venientes laudemus nomen tuum domine

Spem in alium numquam habui praeter in te deus meus qui irasceris et propitiaris et omnia peccata hominum in tribulatione dimittis

Memento domine et ostende nobis in tempore tribulationis nostrae

Domine rex omnipotens in ditione tua cuncta sunt et non est qui possit resistere voluntati

Adonai domine deus magnus es tu et praeclarus in virtute et quem superare et nemo potest tibi serviat omnis creatura tua qui eripuisti nos de manibus inimicorum nostrorum

Agite diem laetitiae quia dilexit dominus Jerusalem civitatem suam et benedictus deus qui exaltavit eum et sit nomen ejus benedictum in saecula