Vidimus stellam ejus in oriente et venimus cum muneribus adorare dominum

Tecum principium*

Videntes stellam magi gavisi sunt gaudio magno et intrantes domum obtulerunt domino aurum thus et myrrham

Lux de luce apparuisti Christe cui magi munera offerunt alleluia alleluia alleluia

Venient ad te qui detrahebant tibi et adorabunt vestigia pedum tuorum

Baptizat miles regem servus dominum suum Joannes salvatorem aqua Jordanis stupuit columba protestatur paterna vox audita est hic est filius meus

Vox de caelis sonuit et vox patris audita est hic est filius meus in quo mihi complacui ipsum audite

Aqua comburit peccatum hodie apparens liberator et rorat omnem mundum divinitatis ope

Pater de caelis filium testificat spiritus sancti praesentia advenit unum edocens qui baptizatur Christus

Baptizatur Christus et sanctificatur omnis mundus et tribuit nobis remissionem peccatorum aqua et spiritu omnes purificemur

Super ripam Jordanis stabat beatus Joannes indutus est splendore baptizans salvatorem baptiza me Joannes baptiza benedico te et tu Jordanis congaudens suscipe me