Alleluia praeveniamus faciem ejus in confessione qui suos coronat gloria et honore

Beatus vir Georgius cujus viam novit dominus apprehensa vite disciplina non timuit populorum milia dilatatus in tribulatione coronatius est bona voluntate

Georgius fuit nomine cujus caelestis patrie dilectus deo et hominibus in benedictione est memoria ejus

Et nomen ejus requiretur a generatione in generationem alleluia

Signifer caelestis militiae lauro redimitus gratiae qualis adolescens fuerit transiens in virum perfectum docuit alleluia

Quod de virtute in virtutem profecerit

Vir insignis gloriae eo florebat tempore dum amore martyrii triumphabant plurimi alleluia

Quibus vivere Christus erat et mori lucrum

Gloria patri et filio et spiritui sancto

Dilector justitiae dominus sine dolo martyrem praevenit in benedictionibus salvatum de omni tribulatione replevit bonis domus suae bona confessione alleluia alleluia alleluia

Georgius Jesu Christi famulus opes mundi dispergens pauperibus pro Christo pauper factus ditatus est in caelestibus alleluia

Qui elegit abjectus esse in domo domini

Inclytus testis bajulans crucem agni caelestis libens victima claruit qui pro omnibus mori voluit alleluia

Hostiam viventem sanctam deo placentem se illi obtulit

Salve martyr Christi qui deum fontem vite sitisti dum calicem salutaris calicem passionis laetus hausisti alleluia

Mortem mortis amore vicisti

Gloria patri et filio et spiritui sancto

Jesu bone domine omnium dulcissime convenientes in tuo nomine potenti defende munimine dilecti tui Georgii interventione alleluia

Alme patrone Georgi qui vere vitis bona palmes fuisti nos tui gratia maneamus in vite vera alleluia

Plantati in domo domini

Compendio mortis sacrae martyr sanctus triumphato mundi principe possidet senatum vitae laureatus roseo decore alleluia

Praeelectus dei gratia ante tempora saecularia

Victor victori conregna alme Georgi qui patriam caeIi praeda ditavit averni nosquae tuis donis rapiat de fauce leonis

Te qui vincentem super aethera vexit ovantem

Gloria patri et filio et spiritui sancto

Praecinctus dominus fortitudine protexit Georgium a malignantum multitudine alelluia alelluia

Servit Georgius in laetitia intrans domini sui gaudia alleluia

Quam jucunda decoraque laudatio extitit dum Georgium dei dextra suscepit alleluia

Quem laudant cuncta dei opera hunc benedixit Georgius in virtute sua alleluia

Martyrum viri sancti pretiosum laus est dei in ecclesia sanctorum alleluia

Recolentes sancti Georgii sollemnia ejus interventione pia in omnibus necessitatibus nostris sentiamus suffragia alleluia

Per merita sancti Georgii Christe nos exaudi atque ejus precibus nobis succurre miseris alleluia

Sancte Georgii pretiose martyr Christi tuo sancto patrocinio nos famulas tuas ubique tuere gubernando ut tuis precibus concessa venia delictorum placere valeamus militando regi saeculorum alleluia

Contemptor vitae mundi sancte Georgi doce nos desideriorum temporalium habere contemptum allelluia

Suffragantibus sancti Georgii meritis ab imminentibus periculis liberemur et aeternis gaudíís perfrui mereamur alleluia