Adoremus dominum qui fecit nos

Adonai domine deus magne et mirabilis qui dedisti salutem in manu feminae exaudi preces servorum tuorum

Qui regis Israel*

Tribulationes civitatum audivimus quas passae sunt et defecimus timor et hebetudo mentis cecidit super nos et super liberos nostros ipsi montes nolunt recipere fugam nostram domine miserere

Peccavimus cum patribus nostris injuste egimus iniquitatem fecimus

Benedixit te dominus in virtute sua qui per te ad nihilum redegit inimicos nostros ut non deficiat laus tua de ore hominum

Benedictus dominus qui creavit caelum et terram quia hodie nomen tuum ita magnificavit

Recordare mei domine omni potentatui dominans da sermonem rectum et bene sonantem in os meum ut placeant verba mea in conspectu principis everte cor ejus in odium repugnantium nobis et in eos qui consentiunt eis nos autem libera in manu tua deus noster in aeternum

Qui regis Israel intende qui deducis velut ovem Joseph

Nos alium deum nescimus praeter dominum in quo speramus qui non despiciat nos nec amovet salutem suam a genere nostro

Indulgentiam ejus profusis lacrimis postulemus et humiliemus illi animas nostras

Dominator domine caelorum et terrae creator aquarum rex universae creaturae tuae exaudi orationem servorum tuorum

Tu domine cui humilium semper et mansuetorum placuit deprecatio

Domine deus qui conteris bella ab initio eleva bracchium tuum super gentes quae cogitant servis tuis mala et dextera tua glorificetur in nobis

Dirumpe vincula populi tui deus noster et disperde omnia mala quae venerunt super eum

Vos qui in turribus estis aperite portas dominus omnipotens fecit virtutem et victoriam dedit de inimicis nostris

Laudate dominum deum nostrum qui non deseruit sperantes in se

Laudate dominum deum nostrum qui non deseruit sperantes in se et in me adimplevit misericordiam suam quam promisit domui Israel

Laudate dominum omnes gentes et collaudate eum omnes populi

Confitemini illi quoniam bonus quoniam in saeculum misericordia ejus

Adonai domine deus magne et mirabilis qui dedisti salutem in manu feminae exaudi preces servorum tuorum