[Refecti participatione muneris sacri quaesumus domine deus noster ut cujus exsequimur cultum intercedentibus sanctis Fabiano et] Sebastiano martyre tuo salvationis tuae sentiamus augmentum

Omnipotens sempiterne deus qui infirma mundi eligis ut fortia quaeque confundas concede propitius ut qui beatae Agnetis virginis [et] martyris tuae sollemnia colimus ejus apud te patrocinia sentiamus

Hostias domine quas tibi offerrimus propitius suscipe et intercedente beata Agneta martyre tua vincula peccatorum nostrorum absolve

Refecti cibo potuque caelesti deus noster te supplices exoramus ut in cujus haec commemoratione percepimus ejus muniamur et precibus

Adesto quaesumus domine supplicationibus nostris ut qui ex iniquitate nostra reos nos esse cognoscimus beati Vincentii martyris tui intercessione liberemur

Muneribus nostris quaesumus domine precibusque susceptis et caelestibus nos munda mysteriis et clementer exaudi

Quaesumus omnipotens deus ut qui caelestia [alimenta percepimus intercedente beato Vincentio martyre tuo per haec contra omnia adversa muniamur]

LACUNA