Joannes schola virtutum magisterium vitae sanctitatis forma norma justitiae virginitatis speculum pudicitiae titulus castitatis exemplum paenitentium via peccatorum venia fidei disciplina Joannes major homine par angelis legis summa evangelii satio apostolorum vox silentium prophetarum lucerna mundi praecursor judicis Christi metator domini testis totius medius trinitatis hic tantus datur incestui traditur adulterae addicitur saltatrici

Justus florebit in domo domini plantatus gaudeamus et exsultemus in ejus sacra sollemnitate

Deus tuorum militum*

Beati Joannis virtus Herodis feritus cum refertur confusa sunt viscera corda tremuerunt et omnis corporis sensus stupendo aufugerunt

Praecursor Christi Joannes major hominibus par angelis hic tantus datur incestui traditur adulterae

Herodes sicarius in cives occisor filiorum Joannis sanguinem pium in poculo crudelitatis absorbuit

Gloria et honore*

Misit Herodes rex manus ac tenuit Joannem et vinxit eum in carcerem quia metuebat eum propter Herodiadem quam tulerat fratri suo Philippo uxorem

Misso Herodes spiculatore praecepit afferri caput ejus in disco et decollavit eum in carcere

Joannes Baptista arguebat Herodem propter Herodiadem quam tulerat fratri suo philippo uxorem

Herodes enim tenuit et ligavit Joannem et posuit in carcerem

Metuebat Herodes Joannem sciens eum virum justum et sanctum et audito eo multa faciebat et eum custodiebat et libenter audiebat

Manifestum enim factum fuerat nomen ejus ob insignia virtutum propterea verebatur eum

Gloria*

Herodes te petit causa Joannes injuriatur causam custodiae qui requirit in te invenit quod puniat et in Joanne quod doleat

Herodem Joannes sanctus monitis non accusatione pulsabat ut pote amator castitatis quem corrigere voluit non perire

Dicebat Joannes Baptista quod erat legis quod justitiae quod erat salutis certe quod erat non odii sed amoris

Posuisti domine super*

Juravit Herodes dare saltatrici praemium etiam si sui regni peteret dimidium

Postularet quicquid vellet suum ad arbitrium

Illa vero matris suae instinctu nefario caput Joannis Baptistae postulavit illico

Spretis omnibus promissis et regni dimidio

Mox Herodes saevus timens notari perjurio praecepit prophetae caput proferri convivio

Ut saltatrix donaretur hujusmodi praemio

Gloria patri et filio et spiritui sancto

Herodes facibus libidinis ardens cogitabat tradere neci innocentem quo Christo teste in natis mulierum major non surrexit

Allatum est caput beatissimi Joannis in disco qui salutaria monita dabat incestui et illicita prohibebat connubia

Hodie plus quam propheta Joannem ab impio Herode interemptum toto cordis affectu precemur ut triumphans cum angelis assidua prece Christum roget pro nobis

Magna est gloria ejus in salutari tuo*

Misso Herodes spiculatore praecepit amputari caput Joannis in carcere quo audito discipuli ejus venerunt et tulerunt corpus ejus et posuerunt illud in monumento

Accedentes discipuli sancti Joannis Baptistae tulerunt corpus ejus

O nefandum execrandum crudele convivium in quo mors prophetae datur saltatrici praemium

Detestetur omnis orbis tale conventiculum

O beate Joannes corona martyrum lux prophetarum gaudium apostolorum praeco ante dominum suscipe preces fidelium et sic tua sanctissima interventione fac nos contingere gaudia vitae aeternae

Absolve quaesumus delicta populorum qui meruisti digito ostendere Christum

Gloria patri et filio et spiritui sancto

Corona aurea super caput ejus*

Herodes enim tenuit et ligavit Joannem et posuit in carcerem propter Herodiadem

Puellae saltanti imperavit mater nihil aliud petas nisi caput Joannis

Domine mi rex da mihi in disco caput Joannis Baptistae

Da mihi in disco caput Joannis Baptistae et contristatus est rex propter jusjurandum

Misit rex incredulus ministrum detestabilem et amputari jussit caput Joannis in carcere

Non fuit vasti*

Corona aurea super caput ejus*

Misso Herodes spiculatore praecepit amputari caput Joannis in carcere quo audito discipuli ejus venerunt et tulerunt corpus ejus et posuerunt illud in monumento

Herodes enim tenuit*

Non fuit vasti*

Corona aurea*

Inter natos mulierum nemo sacratissimo major natus est Joanne caeli regis praemio cujus ope delictorum condonetur venia et perennis vitae summa capiamus praemia