Laudemus Christum regem dominum qui beatum levitam Vincentium sui nominis confessorem hodie suscepit in gloria feliciter triumphantem

Sanctus Vincentius a pueritia studiis litterarum traditus superna sibi providente clementia gemina scientia efficacissime claruit

Sanctitate quoque insignis diaconii arce suscepta vices pontificis diligenter exsequebatur

Valerius igitur episcopus et levita Vincentius spe fruendi victoria divinitus subnixi in confessione deitatis alacriter cucurrerunt

Gloria et honore*

Sacram praesentis diei sollemnitatem humili celebremus devotione qua invictus Christi martyr Vincentius tyranno devicto insignem victoriae palmam caelo gaudens intulit