Constitutus a deo praedicator praeceptorum ejus in timore sancto illi servire studuit officioque fideliter peracto in monte sancto ejus ascendere dignus fuit

In tribulatione lapidum se prementium positus milia populi se circumdantis non timuit quia susceptorem suum ihesum ut eum saluum faceret exurgere in celum uidit

Gloria et honore coronasti eum domine*

Stephanus autem plenus gratia et fortitudine faciebat prodigia et signa magna in populo

Surrexerunt autem quidam de synagoga disputantes cum Stephano et non poterant resistere sapientiae et spiritui qui loquebatur

Videbant omnes Stephanum qui erant in concilio et intuebantur vultum ejus tamquam vultum angeli stantis inter illos

Plenus gratia et fortitudine faciebat prodigia et signa magna in populo

Impetum fecerunt unanimes in eum et ejecerunt eum extra civitatem invocantem et dicentem domine accipe spiritum meum

Stephanus dei gratia plenus erat in plebe multa signa faciebat caelos apertos aspiciebat Jesum stantem videbat a dextris dei et dicebat

Gloria deo patri sit summo ejusque propli unigenito ac utriusque flamini sacro sicut in principio et nunc et semper et in saecula amen

Lumine vultus tui domine insignitus protomartyr Stephanus sacrificium justitiae seipsum tibi sacrificavit ideoque in laetitia cordis in pace obdormiens requiescit

Benedictionis tuae domine munere justificatus et scuto tuae protectionis in passione munitus nominis sui coronam Stephanus a te percipere meruit

O quam admirabile est nomen tuum domine deus noster pro quo beatus Stephanus passus gloria et honore a te est coronatus et super caelos dono tuae magnificentiae exaltatus

Laetabitur justus in domino

Intuens in caelum beatus Stephanus vidit gloriam dei et ait ecce video caelos apertos et filium hominis stantem a dexteris virtutis dei

Cum autem esset Stephanus plenus spiritu sancto intendens in caelum ait

Lapidabant Stephanum invocantem et dicentem domine Jesu Christe accipe spiritum meum et ne statuas illis hoc peccatum

Positis autem genibus clamavit voce magna dicens

Lapides torrentis illi dulces fuerunt ipsum secuntur omnes animae justae

Mortem enim quam salvator dignatus est pro omnibus pati hanc ille primus reddidit salvatori

In domino deo suo confisus fortis athleta Stephanus lapidum fortiter sustinuit ictus et idcirco ad montem virtutum transmigravit victoriosus

Sine macula beatus Stephanus ingressus est domine in tabernaculo tuo et quia operatus est justitiam requiescet in monte sancto tuo

Domine virtus et laetitia rectorum quoniam tu praevenisti dilectum tibi Stephanum dono gratuitae benedictionis te primum secutus est morte passionis gloriosae unde cum corona martyrii dedisti ei vitam in saeculum saeculi

Corona aurea super caput ejus

Filiae Jerusalem*

Ave senior Stephane ave martyr paradoxe qui inter agmina plebis judaicae firmus in Christi fide velut lampas ardentissima apparuisti domino nunc sidus inter sidera caelestis aulae succurre huic familiae gratissima tua interventione

Hesterna die dominus natus est in terris ut Stephanus nasceretur in caelis ingressus est dominus mundum ut Stephanus ingrederetur in caelum

Heri enim rex noster trabea carnis indutus de aula uteri virginalis egrediens visitare dignatus est mundum

Sancte dei pretiose protomartyr Stephane qui virtute caritatis circumfultus undique dominum pro inimico exorasti populo funde preces pro devoto tibi nunc collegio

Ut tuo propitiatus interventu dominus nos purgatos a peccatis jungat caeli civibus

Sancte Stephane protomartyr Christi pro nostra omnium quae salute intercede

Assistens gemma martyrum in conspectu domini

Stephanus vidit caelos*

Lapidaverunt Stephanum et ipse invocabat dominum dicens ne statuas illis hoc peccatum

Lapides torrentis illi dulces fuerunt ipsum secuntur omnes animae justae

Adhaesit anima mea post te quia caro mea lapidata est pro te deus meus

Stephanus vidit caelos apertos vidit et introivit beatus homo cui caeli patebunt

Sepelierunt Stephanum viri timorati et fecerunt planctum magnum super eum

Sancte dei pretiose*

Posuisti domine*

Intuens in caelum beatus Stephanus vidit gloriam dei et ait ecce video caelos apertos et filium hominis stantem a dexteris dei

Virgo hodie*

Verbum caro*

Agnoscat*

Gloria et honore*

Laetabitur*

Corona aurea*

Tecum principium*

Sancte dei*

Posuisti*

Hodie sanctus Joannes pontifex cum maximo cleri plebisque tripudio pretiosas protomartyris Stephani reliquias in sanctam transtulit ecclesiam Sion ubi quondam archidiaconi functus est officio cujus pia apud deum sit pro nobis quaesumus intercessio

Exsultet caelum*

In visione dei vidi et ecce ventus turbinis veniebat ab aquilone nubesque magna et ignis involvens splendorque in circuitu ejus et ex medio eorum similitudo quattuor animalium et aspectus hominis erat in eis

De medio autem ejus quasi species electri hoc est de medio ignis

In omnem terram*

Ecce ego Joannes vidi ostium apertum in caelo et ecce sedes posita erat in eo et in medio sedis et in circuitu ejus quattuor animalia plena oculis ante et retro et dabant gloriam et honorem et benedictionem sedenti super thronum viventi in saecula saeculorum

Adoremus regem apostolorum qui privilegio amoris Joannem dilexit apostolum

Joannes apostolus et evangelista virgo est electus a domino atque inter ceteros magis dilectus

Supra pectus domini recumbens evangelii fluenta de ipso sacro dominici pectoris fonte potavit

Quasi unus ex paradisi fluminibus evangelista Joannes verbi dei gratiam in toto terrarum orbe diffudit

In omnem terram exivit sonus eorum

Valde honorandus est beatus Joannes qui supra pectus domini in cena recubuit cui Christus in cruce matrem virginem virgini commendavit

Virgo est electus a domino atque inter ceteros magis dilectus

Virgo est electus a domino atque inter ceteros magis dilectus qui supra pectus ejus recumbens evangelii fluenta de ipso sacro dominici pectoris fonte potavit et verbi dei gratiam in toto terrarum orbe diffudit

Spiritus sancti gratia debriatus ceteris altius divinitatis patefecit arcanum

In visione*

Hic est discipulus qui testimonium perhibet de his et scripsit haec et scimus quia verum est testimonium ejus

Fluenta evangelii de ipso sacro dominici pectoris fonte potavit

In ferventis olei dolium missus Joannes apostolus divina se protegente gratia intactus exivit

Propter insuperabilem evangelizandi constantiam exsilio relegatus divinae visionis et allocutionis meruit crebra consolatione relevari

Occurrit beato Joanni ab exsilio revertenti omnis populus virorum ac mulierum clamantium et dicentium benedictus qui venit in nomine domini

Constitues eos principes super omnem terram

Qui vicerit faciam illum columnam in templo meo dicit dominus et scribam super eum nomen meum et nomen civitatis novae Jerusalem

Vincenti dabo edere de ligno vitae quod est in paradiso dei mei

In illa die suscipiam te servae meus et ponam te sicut signaculum in conspectu meo quoniam ego elegi te dicit dominus

Esto fidelis usque ad mortem et dabo tibi coronam vitae

Quattuor animalia*

Iste est Joannes qui supra pectus domini in cena recubuit beatus apostolus cui revelata sunt secreta caelestia

Fluenta evangelii de ipso sacro dominici pectoris fonte potavit

Apparuit caro suo Joanni dominus Jesus Christus cum discipulis suis et ait illi veni dilecte meus ad me quia tempus est ut epuleris in convivio meo cum fratribus tuis

Expandens manus suas ad deum dixit invitatus ad convivium tuum venio gratias agens quia me dignatus es domine Jesu Christe ad tuas epulas invitare sciens quod ex toto corde meo desiderabam te

Adeptus est sedem apostolici culminis qui retia carnalis contempserat genitoris

Nimis honorati sunt*

Hic est beatissimus evangelista et apostolus Joannes qui privilegio amoris praecipue ceteris altius a domino meruit honorari

Hic est discipulus quem diligebat Jesus qui supra pectus domini in cena recubuit

Diligebat autem eum Jesus quoniam specialis praerogativae castitatis ampliori dilectione fecerat dignum quia virgo electus ab ipso virgo in aevum permansit

In cruce denique dominus moriturus huic matrem suam virginem virgini commendavit

In medio ecclesiae aperuit os suum et implevit eum dominus spiritu sapientiae et intellectus

Jucunditatem et exsultationem thesaurizavit super eum

Valde honorandus*

Hic est discipulus ille qui testimonium perhibuit et scimus quia verum est testimonium ejus

Hic est discipulus meus sic eum volo manere donec veniam

Ecce puer meus electus quem elegi posui super eum spiritum meum

Sunt de hic stantibus qui non gustabunt mortem donec videant filium hominis in regno suo

Sic enim volo manere donec veniam tu me sequere alleluia

Ortu Phoebi*

Annuntiaverunt opera dei

Domine suscipe me ut cum fratribus meis sim cum quibus veniens invitasti me aperi mihi januam vitae et perduc me ad convivium epularum tuarum tu es enim Christus filius dei vivi qui praecepto patris mundum salvasti tibi gratias referimus per infinita saeculorum saecula

Valde honorandus est beatus Joannes qui supra pectus domini in cena recubuit

Sanctorum meritis*