Concede nobis domine quaesumus veniam delictorum et intercedentibus sanctis quorum hodie sollemnia celebramus talem nobis tribue devotionem ut ad eorum pervenire mereamur societatem

Adjuvent nos eorum merita quos propria impediunt scelera excuset intercessio accusat quos actio et qui eis tribuisti caelestis palmam triumphi nobis veniam non deneges peccati

Justorum animae in manu dei sunt

Innocentes pro Christo infantes occisi sunt ab iniquo rege lactentes interfecti sunt ipsum secuntur agnum sine macula et dicunt semper gloria tibi domine

Hodie intacta*

Lapides torrentis*

Innocentiae auctorem dominum adoremus Christum nobis natum

Herodes videns quia illusus esset a magis misit in Bethleem et occidit omnes pueros qui erant in ea et in omnibus finibus ejus

Christus infans non despexit suos coaetaneos milites sed provexit quibus dedit ante triumphare quam loqui

Arridebat parvulus occisori gladio adjocabatur infantulus nutricis loco attendebat lactens percussoris horrorem

Justorum animae*

Sub altare dei audivi voces occisorum dicentium quare non defendis sanguinem nostrum et acceperunt divinum responsum adhuc sustinete modicum tempus donec impleatur numerus fratrum vestrorum

Vidi sub altare dei animas interfectorum propter verbum dei et propter testimonium quod habebant et clamabant voce magna dicentes

Adoraverunt viventem in saecula saeculorum mittentes coronas suas ante thronum domini dei sui

Et ceciderunt in conspectu throni in facies suas et adoraverunt viventem in secula

Concede*

Effuderunt sanguinem sanctorum velut aquam in circuitu Jerusalem et non erat qui sepeliret

Posuerunt mortalia servorum tuorum escas volatilibus caeli carnes sanctorum tuorum bestiis terrae

Norunt infantes laudare deum qui loqui non noverunt fiunt periti laude qui fuerant imperiti sermone

Erigitur itaque infantium aetas in laudem quae delictorum non noverat crimen

Dignus a dignis laudatur et innocens Innocentium testimonio comprobatur

Exsultent justi*

Isti sunt sancti qui passi sunt propter te domine vindica eos quia clamant ad te tota die

Vindica domine sanguinem sanctorum tuorum qui effusus est

Cantabant sancti canticum novum ante sedem dei et agni et resonabat terra in voces illorum

Sub throno dei omnes sancti clamant vindica sanguinem nostrum deus noster

Isti sunt sancti qui non inquinaverunt vestimenta sua ambulabunt mecum in albis quia digni sunt

Hi sunt qui cum mulieribus non sunt coinquinati virgines enim sunt

Dicunt infantes laudes domino trucidati ab Herode occisi praedicant quod vivi non poterant

Licuit sanguine loqui quibus lingua non licuit miscent cum domino colloquia quibus humana negata sunt verba

Vindica domine sanguinem sanctorum tuorum qui effusus est

Laetamini in domino*

Coronavit eos dominus corona justitiae quia passi sunt pro domino et secuntur agnum

Laverunt stolas suas et dealbaverunt eas in sanguine agni

Ecce vidi agnum stantem supra montem Sion et cum eo sanctorum milia et habebant nomen ejus et nomen patris ejus scriptum in frontibus suis

Cantabant sancti canticum novum ante sedem dei et agni

Hi sunt qui cum mulieribus non sunt coinquinati virgines enim sunt

Centum quadraginta quattuor milia qui empti sunt de terra hi sunt qui cum mulieribus non sunt coinquinati virgines enim permanserunt ideo regnant cum deo et agnus dei cum illis

Hi empti sunt ex hominibus primitiae deo et agno et in ore ipsorum non est inventum mendacium

Justi autem in perpetuum*

Herodes iratus occidit multos pueros in Bethleem Judae civitate David

A bimatu et infra occidit multos pueros Herodes propter dominum

Vox in Rama audita est ploratus et ululatus multus Rachel plorans filios suos

Sub throno dei omnes sancti clamant vindica sanguinem nostrum deus noster

Cantabant sancti canticum novum ante sedem dei et agni et resonabat terra in voces illorum

Rex gloriose*

Gloriosus deus in sanctis suis

Splendet Bethleemiticus campus precandidata turba infantium pretiosa corpora pro Christo caesa jacent sub Herode alleluia

Justorum animae*

Exsultent just*

Laetamini in domino*

Clamant clamant clamant dominum Innocentes resonat luctus a multis matribus in excelsis gaudet ecclesia super martyres alleluia

Praesulum decus*

Vir inclytus*

Gloria et honore*

Martyr Thoma martyr dei pretiose qui lavisti stolam tuam in agni dei cruore alleluia filiorum ad te clamantium voces admitte et quos honorasti tua sancta passione adjuva pia intercessione alleluia

Exsultemus domino summi regis filio qui sancto Thomae palmam dedit et coronam

Ardore fervens divino Thomas in pontificio sprevit viam peccantium legis dei tenens statum

Verbo potens et actibus divinae legis deditus praevaricantes increpans praecepta vitae intonans

Dei praeventus gratia occultat vitae merita Thomas indutus clanculo cuculla sub cilicio

Gloria et honore coronasti*

Sacrat Thomas primordia praesulatus cum gratia carnem terit cilicio destinatam martyrio vita et veste monachus mores informat artius

Ex tunc Christo vivere Christo parere studuit verbo affectu et opere

Vir invictae constantiae deo disponens vivere seipsum opponit murum contra incursus hostium ne subvertant ecclesiam dei cujus agit causam

Qui nec frangi novit minis nec molliri blanditis

Instabant modis variis ut jus ecclesiae regis conferret in arbitrium sed Thomas illudens dolum adjecit dei honorem salvum et suum ordinem

O praedicanda saeculis o miranda sacerdotis confessio cujus praefulget merito martyrium in numero

Gloria patri et filio et spiritui sancto

Lactentium proscriptio patris Thomae martyrio laudis adauxit titulum quo stravit adversarium

Arcum tetendit impius pium petendo fraudibus utrumque sed justissimus interrogabat rex deus

Thomae fides et actio formam dedere proximo per quem malignum sternere Christumque posset cernere

Patris dum crebrescunt prodigia nova prole gaudet ecclesia Thomae preces funduntur et vota Thomas sanat mentes et corpora

Dantur aegris certa remedia claudis gressus et caecis lumina

Testantur tria pro martyre spiritus aqua cum sanguine nam sancto praestante flamine Thomae sanguis in potu aquae mortuos restituit vitae

Excitae gentes undique miraculorum fulgure concurrunt offerentes munera vota preces

Ex summa rerum laetitia summus fit planctus in ecclesia de tanti patroni absentia sed cum redeunt miracula redit populo laetitia

Cucurrit turba languidorum et consequitur gratiam beneficiorum

Gloria patri et filio et spiritui sancto

Preces Thomae cum fletibus infunde dei auribus reductum ab exsilio dignum reddunt martyrio

Pro sancti Thomae martyris meritis caecus videt surdus audit claudus currit lepra fugit redduntur vitae mortui

Montem virtutum scandere Thomam fideles cernite mentes manus attollite illum sequi contendite

Ad sedandam tyrannorum superbiam ostendit Thomas signorum potentiam et statim fide firmata pace gaudet ecclesia

Deus sanctum suum mirificavit quem victorem in caelis coronavit

Quam pulchra quam sancta sunt beatae tua praeconia tuis meritis ignis accensus exstinguitur exstinctus accenditur terra quos praemit non opprimit ventus quiescit mare obedit

Quoniam te fideliter subjecisti creatori deo mirabiliter tibi servit creatura

Ut constaret omnibus quod sit Thomas palma dignus ensis fractus in lapide signum dedit victoriae Christus petra justitiae arma fregit malitiae

Ut staret libertas ecclesiae occurrit praesul gladiis sponte jus lapsum redempturus sanguine

Gloria patri et filio et spiritui sancto

O Thoma martyr praepotens jam pace Christi perfruens ornas polum presentia terris ades potentia

Consummatus in gloria planxisti morte invida solutus carnis vincula sed vivis per miracula

Digne conjunctus es martyrum Christi consortio qui hostia viva esse studuisti spontaneo martyrio

Auxilio divino fortis superasti principem mortis nos pater infirmos adversus illum robora et ut vincamus adjuva

Portas mortis et inferni nesciant tui servuli sed portas paradisi resera potestate tibi tradita

Praesulum decus*

In paradiso ecclesiae et virtutum dulcedine fragrantiam caelestium spirat Thomas aromatum

Gloria in excelsis deo quia granum frumenti cadens in terra mortuum est ne solum regnaret in caelo cujus munere Thome per sanctum sanguinem libertas ecclesiae est redempta gloria in excelsis deo alleluia

Christum natum*

Intuens in caelum beatus Stephanus vidit gloriam dei et ait ecce video caelos apertos et filium hominis stantem a dexteris virtutis dei

Cum autem esset Stephanus plenus spiritu sancto intendens in caelum ait

Patefactae sunt januae caeli Christi martyri beato Stephano qui in numero marytum inventus est primus et ideo triumphat in caelis coronatus