In omnem terram*

Dum perambularet dominus juxta mare secus littus Galilaeae vidit Petrum et Andream retia mittentes in mare vocavit eos dicens venite post me faciam vos piscatores hominum

Erant enim piscatores et ait illis

Venite post me faciam vos piscatores hominum at illi relictis retibus et navi secuti sunt dominum

Dum perambularet dominus supra mare secus littus Galileae vidit duos fratres Petrum et Andream et vocavit eos

Mox ut vocem domini praedicantis audivit beatus Andreas relictis retibus quorum usu actuque vivebat aeternae vitae secutus est praemia largitorem

Ad unius jussionis vocem Petrus et Andreas relictis retibus secuti sunt redemptorem

Homo dei ducebatur ut crucifigerent eum populus autem clamabat voce magna dicens innocens hujus sanguis sine causa damnatur

Cumque carnifices ducerent eum et crucifigeretur factus est concursus populorum clamantium et dicentium

Salve crux quae in corpore Christi dedicata es et ex membris ejus tamquam margaritis ornata

Recipe me ab hominibus et redde me magistro meo ut per te me recipiat qui per te redemit me alleluia

Biduo vivens pendebat in cruce pro Christi nomine beatus Andreas et docebat populum

Andreas Christi famulus dignus deo apostolus germanus Petri et in passione socius

Dignum sibi dominus computavit martyrem quem vocavit apostolum dum esset in mari alleluia

Dilexit Andream dominus in odorem suavitatis alleluia

Constitues eos principes*

Cum vidisset beatus Andreas crucem exclamavit et dixit salve crux quamdiu fatigaris exspectans me sicut exspectasti dominum et magistrum meum

Exspecta me sancta crux humilem propter dominum

Salve crux quae in corpore Christi dedicata es et ex membris ejus tamquam margaritis ornata suscipe discipulum ejus qui pependit in te

O bona crux diu desiderata et jam concupiscenti animae praeparata

O bona crux quae decorem et pulchritudinem de membris domini suscepisti accipe me ab hominibus et redde me magistro meo ut per te me recipiat qui per te me redemit

Salve crux quae in corpore Christi dedicata es et ex membris ejus tamquam margaritis ornata

Doctor bonus et amicus dei Andreas ducitur ad crucem aspiciens a longe vidit crucem salve crux suscipe discipulum ejus qui pependit in te magister meus Christus

Cum vero pervenisset ad locum ubi crux parata erat videns eam a longe exclamavit voce magna dicens

Concede nobis hominem justum redde nobis hominem sanctum ne interficias hominem deo carum justum mansuetum et pium

Nimis honorati sunt*

Oravit sanctus Andreas dum respiceret caelos voce magna clamavit et dixit tu es deus meus quem vidi ne me patiaris ab impio judice deponi quia virtutem sanctae crucis agnovi

Tu es magister meus Christe quem dilexi quem cognovi quem confessus sum tantummodo in ista voce exaudi me

Expandi manus meas tota die in cruce ad populum non credentem sed contradicentem mihi qui ambulat vias non bonas sed post peccata sua

Deus ultionum dominus deus ultionum libere egit exaltare qui judicas terram redde retributionem superbis

Vir iste in populo suo mitissimus apparuit sanctitate autem et gratia plenus iste est qui assidue orat pro populo et pro civitate ista

Pro eo ut me diligerent detrahebant mihi ego autem orabam

Dilexit Andream dominus in odorem suavitatis dum penderet in cruce dignum sibi computavit martyrem quem vocavit apostolum dum esset in mari et ideo amicus dei appellatus est

Elegit eum dominus et excelsum fecit illum

Salve crux pretiosa suscipe discipulum ejus qui pependit in te magister meus Christus

Non me permittas domine famulum tuum a te separari tempus est ut commendes terrae corpus meum

Beatus Andreas orabat dicens domine rex aeternae gloriae suscipe me pendentem in patibulo

Qui persequebatur justum demersisti eum domine in infernum et in ligno crucis dux justi fuisti

Maximilla Christo amabilis tulit corpus apostoli optimo loco cum aromatibus sepelivit

Constitues eos principes*

Exorta a Bethsaida*

Annuntiaverunt opera*

Videns Andreas crucem cum gaudio dicebat quia amator tuus semper fui et desideravi amplecti te o bona crux

Doctor bonus*

Unus ex duobus*

Domine Jesu Christe magister bone suscipe spiritum meum in pace quia jam tempus est ut veniam desiderans te videre

Biduo vivens*

Dilexit Andream*

Salve crux*

Non me permittas*

Beatus Andreas*

Maximilla*

Nimis honorati sunt*

Annuntiaverunt opera dei*

Cum pervenisset beatus Andreas ad locum ubi crux parata erat exclamavit et dixit o bona crux diu desiderata et jam concupiscenti animo praeparata securus et gaudens venio ad te ita ut et tu exsultans suscipias me discipulum ejus qui pependit in te

Biduo vivens*

Summe dei*

Beatus Nicolaus*

Plaudat*

Ecce sacerdos*

O pastor aeterne o clemens et bone custos qui dum devoti gregis preces attenderes voce lapsa de caelo praesuli sanctissimo dignum episcopatu Nicolaum ostendisti tuum famulum

Confessorum regem adoremus qui caelestis regni meritum et gloriam contulit sancto suo Nicolaum

Confessor dei*

Nobilissimis siquidem natalibus ortus velut lucifer Nicolaus emicuit

Postquam domi puerilem decursat aetatem cunctis mundi hujus spretis oblectationibus Christi se jugo subiciens documentis sanctis suum praebuit auditum

Pudore bono repletus dei famulus sumptibus datis stupri nefas prohibuit

Auro virginum incestus auro patris earum inopiam auro prorsus utrorumque detestabilem infamiam dei servus ademit Nicolaus

Innocenter puerilia jura transcendens evangelicae institutionis discipulus effectus est

Gloriam mundi sprevit cum suis oblectationibus et ideo meruit provehi ad summum sacerdotii gradum

Justum deduxit*

Confessor dei Nicolaus nobilis progenie sed nobilior moribus ab ipso puerili aevo secutus dominum meruit divina revelatione ad summum provehi sacerdotium

Erat enim valde compatiens et super afflictos pia gestans viscera

Operibus sanctis Nicolao humiliter insistente revelatione divina provectus est ad summum sacerdotii gradum

Voce quippe de caelo lapsa quidam insinuat praesuli dignum episcopatu Nicolaum

Juravit dominus et non paenitebit*

Quadam die tempestate saevissima quassati nautae coeperunt sanctum vocare Nicolaum et statim cessavit tempestas

Mox illis clamantibus apparuit quidam dicens eis ecce adsum quid vocastis me

Pontifices almi divina revelatione laetificati Nicolaum tunc praesulem devotissime consecraverunt

Sanctus quidem triticum quod a nautis postulaverat acceptum et sagacitate distribuere et augeri precibus impetravit

Muneribus datis neci sunt juvenes innocenter addicti quibus domini servus fuit vitae praesidium festinanter

O mira caritas quae ita miserias doluit alienas

Opus bonum decenter exercuit et summam praemii a deo exspectabat

Omnibus se invocantibus benignus adest sanctus Nicolaus gloria tibi trinitas deus

Audiens Christi confessor trium juvenum innocentium necem praecucurrit quantocius ad locum quo fuerant plectendi et liberavit eos

Statimque solutos a vinculis usque ad praetorium consulis secum adduxit

Tres principes rex (...)

Clara quippe voce coram omnibus dignum referebant illum dei famulum

Ecce vere Israelita*

Beatus Nicolaus jam triumpho potitus novit suis famulis praebere caelestia commoda qui toto corde poscunt ejus petitiones illi nimirum tota nos devotione oportet committere

Ut apud Christum ejus patrociniis adjuvemur semper

Gloria patri et filio et spiritus sancto

Summe dei praesul Nicolae per quem multi noscuntur liberati nos peccatores tuis laudibus promptissime instantes semper tuere

Amavit eum*

Ex ejus tumbae marmore sacrum resudat oleum quo liniti sanatur caeci surdis auditus redditur et debilis quisque sospes resiliet

Catervatim ruunt populi cernere cupientes quae per eum fiunt mirabilia

Laudemus dominum in beati antistitis Nicolai meritis gloriosis ad sepulcrum ejus aegri veniunt et sanatur

Gaudeamus omnes in domino diem festum celebrantes beatissimi Nicolai

Summe dei praesul Nicolae tuam catervam protege namque credimus tuis precibus nos semper esse salvandos

Qui tres pueros morti deditos illaesos abire fecisti tuis laudibus instantem conserva plebem

Dum Myrensium quidam antistes pulsus ob invidiam esset de sede sua stillicidium manare statim olei sacri desivit