Quem virginalis uterus super montana vexit nunc adoretur dominus Jesus qui nos dilexit

Quam gloriosam et admirabilem in universa terra fecit deus ancillam humilem

Caeli stupent in Maria cui tot singularia sunt collata donaria

Felix est terra domini venter sacratae virginis qui thesaurum fert hominis nostrae parem imaginis

Verbum bonum virgo paris manens expers omnis maris fecundaris pneumatae

Torrens sacratae fluminis urbem dei laetificat dum Maria vi numinis ore deum magnificat

O dilecta civitas dei rei poscimus qui te noscimus ora pro nobis deum

Surge propera amica mea formosa mea et veni jam enim hiems transiit imber abiit et recessit

Audi filia et vide et inclina aurem tuam

En dilectus meus loquitur mihi intra praecordia mea dat vocem suam

Quam dulcia faucibus meis eloquia tua domine super mel ori meo

Ecce iste venit saliens in montibus transiliens colles similis est dilectus meus hinnulo caprae aeque cervorum

Exsultavit ut gigas ad currendam viam a summo caelo egressio ejus

Ibo ad montem myrrhae festinanter et videbo verbum hoc quod factum est in auribus meis ab angelo salutante

Viam mandatorum tuorum cucurri juxta verbum tuum

Et beata quae credidisti quoniam perficientur in te quae dicta sunt tibi a domino

Vox turturis audita est in turribus Jerusalem veni amica mea surge aquilo et veni auster perfla hortum meum et fluent aromata illius

Magna mirabilia in filia quam sibi elegit terrae marisque dominus caeli nihilominus signanter peregit

Exsultet terra propere multae laetentur insulae en nubem caelito rore replevit spiritus sanctus

Bonum tibi virgo canticum decantamus ut per te vitae viaticum habeamus

Redemptoris mater pia spes reorum o Maria ave plena gratia ad te flentes suspiramus te gements invocamus in hac valle misera eia mater gloriosa tuis sacris precibus interventric gratiosa sis pro nobis omnibus

Felices matres sed nati feliciores et quae gessere felicia facta fuere

Felix domus felix familia quibus sunt visa tot mirabilia

Speciosas filias cumulantes divitias thesauro ventris gravidi transcendit mater domini

Exsulta et lauda habitatio Sion quia magnus in medio tui sanctus Israel

Vox turturis audita est surge propera amica mea et veni columba mea in foraminibus petrae in caverna maceriae ostende mihi faciem tuam sonet vox tua in auribus meis

Vox enim tua dulcis et facies tua decora

O dies omni voto recolenda o dies omni studio veneranda in qua tot misero fulserunt gaudia mundo

Haec est dies quam fecit dominus exsultemus et laetemur in ea

Gaude Maria mater Christi quae singulari privilegio meruisti portate Christum dominum lumen ad revelationem gentium

Ait autem Maria fecit mihi magna qui potens est et sanctum nomen ejus

Et misericordia ejus a progenie in progenies timentibus eum

Magnificat anima mea dominum et exsultavit spiritus meus in deo salutari meo quia respexit humilitatem ancillae suae

Ecce enim ex hoc beatam me dicent omnes generationes

Suscepit Israel puerum suum recordatus misericordiae suae sicut locutus est ad patres nostros Abraham et semini ejus in saecula

Juravit dominus David veritatem de fructu ventris tui in ponam super sedem tuam

O praeclara stella maris virgo mater singularis quae cognatam visitasti Joannem illuminasti prole praeclarissima te precamur in hoc festo sis solamen omni maesto fuga mortem confer sortem nobis in caeli patria

Ad te clamant omnes rei larga datrix sanctae spei o fons indeficiens

In Mariae virginis utero parata sedes tua deus a saeculo

Jubilet deo omnis terra et caelestis hierarchia serviat ei

Fecit dominus potentiam in bracchio suo dispersit superbos mente cordis sui

Deposuit potentes de sede et exaltavit humiles

Esurientes implevit bonis et divites dimisit inanes

Benedictus dominus deus Israel quia visitavit et fecit redemptionem plebis suae sicut locutus est per os sanctorum

Diem festum Annae sanctae celebrans in gloria militans cum triumphante jubilet ecclesia

Manum suam Anna misit ad fortia et digiti ejus apprehenderunt fusum

Manum suam aperuit inopi et palmas suas extendit ad pauperem

Fortitudo et decor indumentum ejus et ridebit in die novissimo

Annae vita vitans piacula larga manus mens carens macula dignam reddunt laude per saecula

Annae tres sunt filiae caelitus collatae cujus sunt trifarie opes erogatae

Templo servientibus de rebus donavit partem dans pauperibus partem domum pavit

Anna florens clara prosapia juxta nomen abundans gratia generavit reginam virginum quae cunctorum portavit dominum

Digna quidem caelesti titulo stellam maris produxit saeculo

Stirps Aaron sanctam cum stirpe David dedit Annam quam genus et mores commendant claraque proles

Produxit ex Anna vas portans nobile manna

Te felix domina sublimat filia trina prima deum caeli genuit credens Gabrieli

Sed alienatos genuerunt atque beatos

Regnum caeli et vitae coronam possidet jam Anna fruens dulcore domini nostri Jesu Christi quem videt in decore cujus pascitur in amore

Gloriatur in conspectu magni dei laudes canens jugiter summo regi

Os suum aperuit sapientiae et lex clementiae in lingua ejus

Consideravit semitas domus suae et panem otiosa non comedit

Date ei de fructu manuum suarum et laudent eum in portis opera ejus

Anna mater cum filia matre dei Maria regnat metens in patria quod saevit hic in via

Ego quasi terebinthus extendi ramos meos et rami mei honoris et gloriae

Ego quasi vitis fructificavi suavitatem odoris et flores mei fructus honoris et honestatis

Anna nupta Joachim deo servivit sedulo quae produxit stellam maris naufraganti saeculo

Stirpe nobilis virtute spectabilis largiens omni grata populo

Oriunda ex Bethleem clara amaduxit originem exalta regum sanguinem et summorum sacerdotum

Tam praeclarum magnis virtutibus venustavit et sanctis operibus

Induit me dominus*

Anna floret ut lilium in summi regis curia tronum adepta regium cum immortali gloria inter matronas rutilans ut sol mundum illuminans

Jam cum sanctis gaudebit in patria summi boni fruens praesentia

O radix viva mirae pietatis oliva ex qua cunctorum processit origo bonorum tu nos Anna pia benedic cum prole Maria

Dilexisti*

Felix Anna cujus tres filiae sic preventae sunt dono gratiae ut felices prae cunctis ceteris sint jam in liberis

Prima igitur regem gloriae sex sanctos praecipuos aliae

O mater Anna nobilis oliva pulchra fertilis alta fructu fecunda beata cujus ubera suxit virgo puerpera ab omni labe munda

Anna mater egregia conserva dei gratia a morte nos secunda

Regnum mundi*

Trinitati laus aeterna Anna die hodierna tendit ad superna gaudia regnat et exsultat cum beatis cujus sacratissimi ventris fructus amabilis factus est reclinatorium aureum trinitatis

Speciosa facta es et suavis in deliciis tuis

Anna Christi thalamum intrans cum honore cinnamomum balsamum superat odore

Pulso mentis nubilo deterso merore conspicit in jubilo regem in decore

Vigilans et sitiens haec quaesivit deum larga dona largiens sic invenit eum

Benedicant omnia deum qui donavit Annae talem filiam quae Jesum lactavit

Aulam caeli curiae Anna jam ingressa laudat regem gloriae voce indefessa

Benedictus deus qui divisit nos sua clementia et ad caelos jam transmisit Annam cum laetitia cujus sacris det precibus pacem nostris temporibus et veniam reatibus

Adoremus regem magnum dominum qui in sanctis suis semper est mirabilis

Luciano venerabili presbytero quiescenti in stratu suo de revelatione sanctarum reliquiarum protomartyris Stephani talis divinitus ostensa est visio

Dum adhuc paene vigilaret vir venerandus tamquam in excessu mentis repente est effectus

Vidit igitur assistere sibi virum aetate senem statura procerum vultu decorum

Vir dei Gamaliel ait Luciano non mei solummodo causa sollicitus sum sed potius pro illis qui mecum sunt

Isti etenim maximo digni sunt honore venerari in terris quos in caelo rex regum immensa cumulavit gloria

Cum ergo sint apud deum meritis excelsi apud homines loco tenetur humili

Beatus Gamaliel doctoris gentium Pauli didascalus apparuit Christi sacerdoti Luciano in vestitu candido amictus pallio et virgam manu gestabat auream

Calciatus caligis in superficie deauratis quasi deambulans coram eo

Igitur dissimulata Gamaliel deambulatione venit ad eum et virga quam manu tenebat tetigit illum vocans eum tertio Luciane Luciane Luciane surge

Cui sacerdos respondit quis es domine at ille dixit ad eum

Vade Luciane et dic Joanni episcopo Jerusalemitano usquequo clausi sumus usquequo non aperis nobis tuis etenim temporibus revelandi sumus

Aperi nobis velocius ut per nos ostium misericordiae suae humano generi aperiat deus