Stephanus autem plenus*

In jejuniis et orationibus constituto apparuit iterum sanctus Gamaliel Luciano presbytero dicens quare dissimulasti frater et non retulisti quae dicta sunt tibi Joanni episcopo

Nonne vides quanta sit siccitas et tribulatio in toto mundo et tu negligenter agis

Surge ergo et vade dic Joanni episcopo ut aperiat nobis et faciat locum orationis ut per nostram intercessionem misereatur dominus populo suo

Videbant omnes Stephanum qui erant in concilio et intuebantur vultum ejus tanquam vultum angeli stantis inter illos

Stephanus servus dei quem lapidabant Judaei vidit caelos apertos vidit et introivit beatus homo ille cui caeli patebunt

Sepelierunt Stephanum viri timorati et fecerunt planctum magnum super eum

Lucianus presbyter dixit domine tu quis es et qui sunt tecum at ille ego sum Gamaliel Pauli quondam doctor apostoli qui autem juxta me quiescit ipse est domnus Stephanus

Qui a Judaeis Jerusalem lapidatus ad lacerandum bestiis et avibus expositus per dei providentiam permansit intactus

Cum scirem ego Gamaliel sanctitatem Christi athletae Stephani fidem ejus ac devotionem credens me in resurrectione partem habiturum cum eo feci eum sepelire in monumento meo novo

Auditor domini Nicodemus ibidem sepultus est et Abibas filius meus mecum est repositus ubi jacet beatus Stephanus

Sacerdos dei Lucianus prostravit se in oratione laudans deum et dicens domine Jesu Christe si est haec visio ex te praesta ut iterum et tertio manifestetur mihi

Ut confisus fiducialiter annuntiem revelationem servorum tuorum

Patefactae sunt*

Saule quid persequeris martyrem meum Stephanum ego te faciam servum meum

Sanctus Gamaliel in visu dixit Luciano diligenter animadverte quae dico et statim deposuit coram eo tres calathos aureos et quartus argenteus plenus erat croco

Unus ex tribus calathis rubentes habebat rosas tamquam sanguinem alii vero duo referti erant rosis albis

Vides o frater Luciane hos calathos hic rosas habens pulcherrimas loculus est pretiosi martyris Stephani qui solus ex nobis martyrio meruit coronari

Introgressus ostium sepulcri invenies eum in parte orientali

Sanctus Joannes episcopus lacrimatus prae gaudio benedixit deum et dixit ad Lucianum presbyterum oportet me inde transferre beatum protomartyrem Stephanum qui tamquam angelus apparuit positus in contione hominum

Qui primus apud Judaeos dominica bella peregit et Jesum a dextris virtutis dei stantem videre promeruit

Sanctissimi martyris Christi Stephani sollemnitatem celebrantes te domine supplices exoramus ut quem tuae gloriae consortem credimus pro nostris erratibus intercedere sentiamus Sanctissimi patris nostri N. solemnitatem celebratu rite domine supplices exoramus ut quem tuae gloriae consortem credimus pro nostris erratibus intercedere sentiamus

Tuis ergo gaudiis copulatus nostri quo memor sit exoramus

Regressus Lucianus a sancto Joanne episcopo jussit ut consurgerent omnes diluculo et foderent in acervo illo ubi putabant esse corpora sanctorum

Apparuit sanctus Gamaliel cuidam monacho Migetio innocenti et simplici viro dicens ad illum vade et dic Luciano in vanum laboras in acervo illo non ibi sumus modo

Ibi olim positi fuimus exsequiarum tempore planctus nunc quaere nos in illo loco qui dicitur bonorum virorum possessio

Audiens ergo Lucianus sacerdos verba monachi Migetii benedixit dominum quia inventus est et alius testis in revelatione sanctorum

Dum inventum esset sacratissimum beati Stephani corpus statim terraemotus factus est magnus atque omnes qui aderant odor perfudit suavissimus

Stephanus autem*

Ex odoris mira fragrantia sanitas aegrotis emanavit maxima septuaginta namque et tres tunc a variis languoribus curati sunt homines in inventione corporis Stephani dilecti sui martyris deum benedicentes

Hodie sanctus Joannes pontifex cum maximo cleri plebisque tripudio pretiosas protomartyris Stephani reliquias in sanctam transtulit ecclesiam Sion ubi quondam diaconi functus est officio cujus pia apud deum sit pro nobis quaesumus intercessio

O quam laudanda hujus sancti sollemnia quem ob virtutum insignia caelorum laudant agmina o Pirmini divino junge lumini cunctos hic gregatos

Ut apud te in patria fruamur dei gloria

O lumen splendidum sancte praesul Pirmini o lucerna lucens in conspectu domini o gemma sacerdotii tu pater monachorum qui patris Benedicti regulam bene norunt omnes nos trahe propere ad gaudia caelorum quos tibi cernis psallere hos plausus canticorum

Voce cordis resonemus regem regum adoremus qui sanctum hunc Pirminium choris junxit caelestium

Beatus vir Pirminius in via peccatorum non stetit sed in seminatione verbi divini viam dissuasit peccandi

Constitutus praesul iste ad verbum dei praedicandum genti adhuc in fide hebeti ne iterum traderetur ritui gentili quo fremebant

Deus caput ejus exaltavit qui non solum apud aulicos verum etiam apud egenos peregrinosque longe ac late innotuit

Sanctum suum mirificavit dominus quem in domorum dei constructionibus devotum fecit et sedulum

Introivit in domum tuam sanctus dei cultor et melliflua praedicatione populum sedulo attrahebat

Omnia ejus pedibus nonne erant subjecta cum ex insula Augia vocitata horrenda portenta variorum atque inauditorum vermium de altera parte serpendo sua praesentia stagni gurgitem petierunt

Laudemus dominum in beati antistitis meritis gloriosis qui in hac vita sub Theodorico rege Francorum Melcis castello pastoralis curae episcopatum egregie retinebat

Beatus enim homo qui inventus est sine macula

Deus enim super cuncta illius opera disponebat ejus nam sacrum officium et mysticum ad vota ministerium dirigebat

Quoniam diligentibus deum omnia cooperantur in bonum

Vir nobilis nomine Sintlas genere Alemannus per multa sancta loca et sacra caenobia humilesque et deo dignas orationes usque ad locum pervenit in quo sanctum invenit Pirminium qui ab eo honorifice susceptus est

Justum deduxit dominus per vias rectas et ostendit illi regnum dei

Cunctis igitur necessariis rite peractis noctem sanctam in divinis transiere colloquiis et crastino insignis dei praesul uberrima sparsit populo documenta

Utramque linguam Romanam scilicet et Francorum optime sciebat

Curam pastoralem sine crimine is tenebat et in tabernaculo domini frequentius habitabat requiescitque in monte sancto ejus

Cultum divinum dei servus intentius affectabat idcirco desiderio magno quod dominus ei tribuebat decem non cessavit monasteria ordinare

Inclytus vir Sintlas dixit ad beatum praesulem insula quam cernis vermibus plena scaturit idcirco nunquam homo in illam ausus est intrare qui respondens ait domini est terra et plenitudo ejus

Insula ista ex quo die intravit in eam Christi praesul facta est salubris aere jucunda flumine terra fecunda arboribus nemorosa et vineis uberrima quoniam non est inopia timentibus deum

Flumen dei repletum est aquis dum sanctus dei praesul gratiam a deo sibi praestitam in alios copiosius effundebat

Magnificata sunt opera domini nam unde tanta monstra diabolici figmenti ilico evanescere faciebat postea inde multa milia animarum in amoenissimos hortos caelestis Jerusalem usque in ultimum diem non desinit advocare

Audiens vir nobilis Sintlas praesulem beatum Pirminium salubrem doctrinam populo exhibere ubertim lamentans quod in sua patria tali non gauderet pastore

Igitur sanctum Pirminium obnixe rogabat ut aliquantum temporis in sua conversari patria dignaretur

Vere felicem praesulem qui dum orabat baculum suum nulli materiae acclivem in limpido erectum statuit pavimento quem interim aeris obsequia ad firmandam plebis fidem immobilem tenuerunt

Donec eum manus ab oratione surgentis episcopi inclinaverunt

Tali Romanus episcopus percussus miraculo citissime misit se ad vestigia sancti antistitis veniam deprecans de verbis quae ignoranter protulit erga illum quia ante signum factum talis non aestimabatur qualis postea dei nutu est ostensus

In alternos se inclinaverunt amplexus amantes osculoque sancto

Inclytus vir Sintlas nimium laetus deo gratias egit qui illi tantum talemque ostendit patronum

Non est inventus similis illi qui conservaret legem excelsi

Gaude felix Augia cum laude fac sollemnia sancto tuo Pirminio qui motus zelo nimio radicitus te paravit ad laudem dei te formavit ut consors tu sis omnium deo laudem canentium ergo jugi laude psalle ut te deus hac de valle per sanctum hunc Pirminium jungat choris caelestium

Erat insula quam Sintlasowa vocabat diris repleta serpentibus quam vir dei Pirminius manibus propriis aliisque juvantibus in tribus diebus pulchrum campum perfecit

In hac postea vivo deo et vero amoenam aedificavit domum et suorum alumnorum contubernium dimisit jucundum

Locus iste ex quo die intravit in eum Christi praesul factus est salubris aere terra fecundus vineis uberrimus et arboribus nemorosus ideoque delectat in eo vivere qui ibi deo regulariter debent servire

Mirabilis deus in sanctis suis in loco isto mira atque miranda peregit

Wernharius vir nobilis alta ortus Francorum prosapia audito rumore sancti viri eum ad se accersiri praecepit ei spondens ut ubicumque eligeret ibi proprium locum ei daret ad servitium dei perpetualiter prosequendum

Multa loca propria in circuitu jacentia ei coepit monstrare

Christi servus Pirminius jam sibi cernens tempus imminere quo agonum suorum praemia in caelis reciperet venit in locum quem vocant Augmundium ubi post multas virtutum operationes laborum suorum aeterna adeptus est praemia

Haec requies mea in saeculum saeculi hic habitabo

Factum est ut multitudo populi ad virum dei confluerent sacrae confirmationis rogans manus impositionem quam et prolixe agebat ut ampullis exhaustis oleum sanctum deficeret

Videns venerabilis vir dei oleum deficere curre inquit ministro velocissime ad monasterium plus nobis de sancto oleo allaturus

Minister vero volens ejus jussa adimplere apprehendens ampullas et intuens in eas vidit ipsas oleo sancto repletas

Tunc ampullarum portitor recurrens ad episcopum ait non est necesse senior dilecte ad caenobium reverti quia lecythi cuncti sancto oleo sunt referti

Misericordia igitur omnipotentiae divinae per incrementum visibilis chrismatis ostendit quod vivifica sancti spiritus unctio per manus tanti sacerdotis invisibiliter emanavit

O inter caeli curiae tuae nunc fulgent atria nam sanctum nostrum praesulem qui mundum liquit exulem ad te traxisti hodie o Pirmini juva pie

O Christi pietas quam investigabiles sunt viae tuae largifluae pietatis qui nostrum sanctum Pirminium non solum in caelis speciali privilegio decorasti etiam in terris dulcem dilectum ac affabilem omnibus praebuisti

Ecce tu pulchra es amica mea ecce tu pulchra oculi tui columbarum

Sicut lilium inter spinas sic amica mea inter filias

Favus distillans labia tua sponsa et odor vestimentorum tuorum sicut odor thuris

Emissiones tuae paradisus malorum punicorum cum pomorum fructibus

Ave Maria gratia plena dominus tecum

Benedicta tu in mulieribus et benedictus fructus ventris tui

Sicut myrrha electa odorem dedisti suavitatis sancta dei genetrix

Speciosa facta es suavis in deliciis tuis sancta dei genetrix

Ante torum hujus virginis frequentate nobis dulcia cantica dramatis

Super salutem et omnem pulchritudinem dilecta es a domino sancta dei genetrix

Optimam partem elegit sibi Maria quae non auferetur ab ea in aeternum

Salve porta poli per quam lux splenduit orbi

Fer pia tu genetrix auxilium famulis

Sicut cedrus exaltata sum in Libano et sicut cypressus in monte Sion quasi myrrha electa dedi suavitatem odoris

Et sicut cinnamomum et balsamum aromatizans

Quam pulchra es amica mea quam pulchra es et decora oculi tui columbarum absque eo quod intrinseco latet

Sicut coccinea labia tua et eloquium tuum dulce

Benedicta et venerabilis virgo Maria cujus viscera meruerunt portare dominum Christum

Benedicta tu in mulieribus et benedictus fructus ventris tui