Benedicens*

Multi enim*

Adoremus dominum*

Dixit dominus ad Noe finis universae carnis venit coram me repleta est terra iniquitate eorum et ego disperdam eos cum terra

Fac tibi arcam de lignis laevigatis mansiunculas in ea facies

Noe vir justus atque perfectus cum deo ambulavit et fecit omnia quaecumque praecepit ei deus

Et fecit sibi arcam Noe ut salvaretur universum semen

Quadraginta dies et noctes aperti sunt caeli et ex omni carne habentem spiritum vitae ingressi sunt in arcam et clausit a foris ostium dominus
1---f--hk--kkk--kh---hjk-lkj-jklkl--lk---lK---khkk--lj-kkh-kg-hggf---f--ghgh--h---hkhg-ghijhg---fg-hgfg--gf---f---f---f--hk---kjkl-mlK--lk---k--k--lm---lm--kl--kjH---hjk-lkj-jklkl--lk---3---lK--kkj--hg---h---hk---kijjhj--jh---fh---k--kj---h---hjk-lkj-jklkl--lk---lkkjhgh--h--hkhg-ghijhg---f--fg-hgfg--gf---4

Noe vero et uxor ejus filii ejus et uxores filiorum ejus
1---k--k---k--kl-kk-hijh---kh---hl--jk---kjklkl--lk---f--h--k---kL--k---k---k--kl--k---k--kIj-kj--kh--kl---kijklkjhj--jh---3

Emisit Noe columbam de arca ut videret si jam cessassent aquae diluvii quae ad eum reversa est ad vesperam portans ramum olivae virentem in ore suo

Intellexit ergo Noe quod cessassent aquae super terram cum reversa est ad eum columba

Egresso Noe de arca pepigit dominus deus foedus cum eo sicut homo cum homine solet amicus amico quod non ultra deleret a quis diluvii omnem animam viventem super terram

Immolatis itaque pacificis hostiis super altare quod construxerat ad immolandum pacto firmissimo promisit ei dominus

Aedificavit Noe altare domino offerrens super illud holocaustum odoratus est dominus odorem suavitatis et benedixit eis crescite et multiplicamini et replete terram

Ecce ego statuam pactum meum vobiscum et cum semine vestro post vos

Ponam arcum meum in nubibus caeli dixit dominus ad Noe et recordabor foederis mei quod pepigi tecum

Cumque obduxero nubibus caelum apparebit arcus meus in nubibus

Per memetipsum juravi dicit dominus non adjiciam ultra aquas diluvii super terram pacti mei recordabor ut non perdam aquis diluvii omnem carnem

Ponam arcum meum in nubibus caeli et jurabo per dexteram meam

Benedicens ergo deus Noe ait nequaquam ultra maledicam terrae propter hominem ad imaginem quippe dei factus est homo

Hoc erit signum foederis inter me et terram arcum meum ponam in nubibus caeli

Secundum magnam misericordiam tuam miserere mei deus

Si mihi dominus salvator fuerit non timebo quid faciat mihi homo

In velamento clamavi valde diluculo deus deus meus ad te de luce vigilo

Hymnum dicamus alleluia domino deo nostro alleluia

In tympano et choro in chordis et organo laudate deum

Cum turba plurima conveniret ad Jesum et de civitatibus properarent ad eum dixit per similitudinem exiit qui seminat seminare semen suum

Exiit qui seminat seminare semen suum et dum seminat aliud cecidit in terram bonam et fecit fructum centuplum

Semen cecidit in terram bonam et obtulit fructum in patientia

Semen cecidit in terram bonam et obtulit fructum aliud centesimum et aliud sexagesimum

Jesus haec dicens clamabat qui habet aures audiendi audiat

Vobis datum est nosse mysterium regni dei ceteris autem in parabolis dixit Jesus discipulis suis

Quod autem cecidit in terram bonam hi sunt qui in corde bono et optimo verbum dei retinent et fructum afferent in patientia

Qui verbum dei retinet corde perfecto et optimo fructum afferet in patientia

Si vere fratres divites esse cupitis veras divitias amate

Si culmen veri honoris quaeritis ad illam caelestem patriam quantocius properate

Si gloriam dignitatum diligitis in superna angelorum curia adscribi festinate