Christus natus est*

Agnoscat*

O regem caeli cui talia famulantur obsequia stabulo ponitur qui continet mundum jacet in praesepio et in nubibus tonat

Domine audivi auditum tuum et timui consideravi opera tua et expavi in medio duorum animalium

Continet in gremio caelum terramque regentem virgo dei genetrix proceres comitantur heriles per quos orbis ovans Christo sub principe pollet

Domus pudici pectoris templum repente fit dei intacta nesciens virum verbo concepit filium

Maternis vehitur qui matrem vexerat ulnis Bisseni comites quem stipant agmine fido

Confirmatum est cor virginis in quo divina mysteria angelo narrante concepit te formam prae filiis hominum castis suscepit visceribus et benedicta in aeternum deum nobis protulit et hominem

Domus pudici pectoris templum repente fit dei intacta nesciens virum verbo concepit filium

Genuit*

Christe redemptor*

Benedictus qui venit*

Pastores loquebantur ad invicem transeamus Bethleem et videamus hoc verbum quod dominus ostendit nobis alleluia

O beata infantia per quam nostri generis reparata est vita o gratissimi delectabilesque vagitus per quos aeternos ploratus evasimus o felices panni quibus peccatorum sordes extersimus o praesepe splendidum in quo non solum jacuit foenum animalium sed cibus inventus est angelorum

Beatus venter qui te portavit Christe et beata ubera quae te lactaverunt dominum et salvatorem mundi alleluia