Christus natus est nobis venite adoremus

Agnoscat*

Dominus dixit ad me filius meus tu ego hodie genui te

Tamquam sponsus dominus procedens de thalamo suo

Diffusa est gratia in labiis tuis propterea benedixit te deus in aeternum

Tamquam sponsus*

Hodie nobis caelorum rex de virgine nasci dignatus est ut hominem perditum ad regna caelestia revocaret gaudet exercitus angelorum quia salus aeterna humano generi apparuit

Gloria in excelsis deo et in terra pax hominibus bonae voluntatis

Gloria patri*

Hodie nobis de caelo pax vera descendit hodie per totum mundum melliflui facti sunt caeli

Gloria in excelsis deo et in terra pax hominibus bonae voluntatis

Gloria*

Descendit de caelis deus verus a patre genitus introivit in uterum virginis nobis ut appareret visibilis indutus carne humana protoparentis edita et exivit per clausam portam deus et homo lux et vita conditor mundi

Tamquam sponsus dominus procedens de thalamo suo

Gloria patri et filio et spiritus sancto

Facturae plasmator et conditor | Cunctorum et angelorum sator | Qui caelos cum patre confirmarat | Cum sanctoque spiritu crearat | Quique tunc hominem patrie factum magnum similem | Hunc jungens sibimet retulit hostis quae coeperat

Suscepimus deus misericordiam tuam in medio templi tui

Orietur diebus domini abundantia pacis et dominabitur

Veritas de terra orta est et justitia de caelo prospexit

Speciosus forma*

Quem vidistis pastores dicite annuntiate nobis in terris quis apparuit natum vidimus in choro angelorum salvatorem dominum

Natus est nobis hodie salvator qui est Christus dominus in civitate David

Dicite quidnam vidistis et annuntiate Christi nativitatem

O magnum mysterium et admirabile sacramentum ut animalia viderent dominum natum jacentem in praesepio beata virgo cujus viscera meruerunt portare dominum Christum

Domine audivi auditum tuum et timui consideravi opera tua et expavi in medio duum animalium

Beata dei genetrix Maria cujus viscera intacta permanent hodie genuit salvatorem saeculi

Beata et venerabilis virgo quae sine tactu pudoris inventa est mater salvatoris

Ipse invocabit me*

Laetentur caeli et exsultet terra ante faciem domini quoniam venit

Notum fecit dominus alleluia salutare suum alleluia

Ipse invocavit me*

Sancta et immaculata virginitas quibus te laudibus referam nescio quia quem caeli capere non poterant tuo gremio contulisti

Benedicta tu in mulieribus et benedictus fructus ventris tui

Beata viscera Mariae virginis quae portaverunt aeterni patris filium et beata ubera quae lactaverunt Christum dominum quia hodie pro salute mundi de virgine nasci dignatus est

Beata et venerabilis virgo*

Verbum caro factum est et habitavit in nobis cujus gloriam vidimus quasi unigeniti a patre plenum gratia et veritate

In principio erat verbum et verbum erat apud deum et deus erat verbum

Gloria patri et filio et spiritus sancto

Puer natus est nobis et filius datus est nobis

Quem aethera et terra atque mare non prevalet totum capere | Asine praesepe infans implet caelos regens ubera sugens | Factor matris factus hodie est de matre | Creans diem hodie creatus in die | Nascitur mundo oriens Gabriel | Quem vocavit Emmanuel nobiscum deus

Quem vidistis pastores dicite annuntiate nobis in terris quis apparuit natum vidimus in choro angelorum salvatorem dominum alleluia alleluia

Genuit puerpera regem cui nomen aeternum et gaudium matris habens cum virginitate pudoris nec primam similem visa est nec habere sequentem alleluia

Angelus ad pastores ait annuntio vobis gaudium magnum quia natus est nobis hodie salvator mundi alleluia

Facta est cum angelo multitudo caelestis exercitus laudantium et dicentium gloria in excelsis deo et in terra pax hominibus bonae voluntatis alleluia

Parvulus filius hodie natus est nobis et vocabitur deus fortis alleluia alleluia

Christe redemptor*

Benedictus qui venit*

Gloria in excelsis deo et in terra pax hominibus bonae voluntatis alleluia alleluia

Lux orta est super nos quia hodie natus est salvator alleluia

Virgo hodie fidelis etsi verbum genuit incarnatum virgo mansit et post partum quem laudantes omnes dicemus benedicta tu in mulieribus

Speciosus forma prae filiis hominum

Diffusa est gratia in labiis tuis

Notum fecit dominus*

Gaudeamus omnes fideles salvator noster natus est in mundo hodie processit proles magnifici germinis et perseverat pudor virginitatis

Notum fecit dominus salutare suum

In conspectu gentium revelavit justitiam suam

Benedictus qui venit*

Hodie intacta virgo deum nobis genuit teneris indutum membris quem lactare meruit omnes ipsum adoremus qui venit salvare nos

Benedictus qui venit in nomine domini

Deus dominus et illuxit nobis

Ipse invocavit me pater meus*

Tecum principium in die virtutis tuae in splendoribus sanctorum ex utero ante luciferum genui te

Redemptionem misit dominus populo suo mandavit in aeternum testamentum suum

Exortum est in tenebris lumen rectis corde misericors et miserator et justus dominus

Apud dominum misericordia et copiosa apud eum redemptio

De fructu ventris tui ponam super sedem meam

Verbum caro*

A solis ortus*

Tecum principium*

Hodie Christus natus est hodie salvator apparuit hodie in terra canunt angeli laetantur archangeli hodie exsultent justi dicentes gloria in excelsis deo alleluia

Continet*

Virgo verbo*

Continet in gremio caelum terramque regentem virgo dei genetrix proceres comitantur heriles per quos orbis ovans Christo sub principe pollet

Puer Jesus*