Gloria patri et filio et spiritus sancto

Sex struxit in Sicilia vir clarus monasteria et infra urbem septimum in quo se fecit monachum

His sane monasteriis praedia large tribuit reliqua tandem vendidit et egenis distribuit

Qui solebat in sericis procedere induviis post in abjectis vestibus servit pauper pauperibus

Sanctus papa Gregorius vir totus apostolicus postquam praesedit cathedrae pervigil apostolicae carne solutus hodie adivit regem gloriae

Innocens manibus et mundo corde qui non accepit in vano animam suam

Hodie praeclarissimus deo dignus episcopus et Anglorum apostolus a terrenis separatus conjunctus est caelestibus cum gloria Gregorius

Ecce vere Israelita in quo dolus non est

O pastor apostolice Gregori beatissime tuo posce precamine incrementum ecclesiae tuo rigatae dogmate ac defensatae opere

Memor esto congregationis catholicae et dextera dei plantatae vineae

Gloria patri et filio et spiritus sancto

Gregorius vigiliis confectus et jejuniis etsi marcebat corpore ex spe vigebat animae

Lentis quidem sed jugibus hic aestuabat febribus Podagrae necnon syncopis pulsabatur incommodis

Caelesti cinctus verbere vir mirae innocentiae praesumebat se diligi quod merebatur argui

Bissenos nummos angelo hic dedit quasi naufrago huic scutellam argenteam quam sibi vidit reliquam

Virginum tria milia Romae pavit sub regula exceptis dei famulis longe vel prope positis

Christi fidelis famulus prudens quoque Gregorius post quam suo in tempore vixit ejus familiae caelo reddidit animam terrae carnis materiam

Martyris*

O Gregori dulcissimum sancti spiritus organum atque virtutum speculum posce nobis suffragium ut hoc possimus consequi Quo te gaudemus perfrui

Praeclarum late tibi vir sine fine beate nomen non fictae fidei manet o Benedicte

Membra specu claudis quo factus es hostia laudis carnem districte dum frenas o Benedicte

Instar tu Christi patiens ad cuncta fuisti pacis et indictae cultor pius o Benedicte

Hic probris actus tumidisque peripsimam factus jam noys invictae palmam geris o Benedicte

O quanta plenus gratia qui respectu rumpit vincula sedens curvat imperia Benedictus per saecula

Ecce jam cari noscite*

Magna semper et praeclara deum decent praeconia cujus igne spernens mundum fulges in turba caelitum o confessor Benedicte vota servorum suscipe

Ut Christo celebri jubilemus laudes venite qui dedit aeternae Benedicto gaudia vitae

Iste confessor*

Benedictus tam nomine quam gratiarum munere e nursia progenitus claris fulsit parentibus

Hic ergo Romae traditus disciplinis scholaribus nil scire duxit commodum nisi crucis mysterium

Mundum suis cum floribus scienter sprevit nescius Jesuque ferens stigmata speluncae petit abdita

Florem mundi periturum despexit tamquam aridum ut floreat in aeternum Benedictus ante deum

Pennas sumens ut columbae recessit gaudens requie

Puer fletum subsecutae consolatus nutriculae vas ubi prece solidat fugit ne laude pereat

Elongatus a nutrice mansit in solitudine

Agnosce dei famule surrexit Christus hac die assunt quas misit epulae cujus amore percipe

Haec dies quam fecit deus in qua jubet exsultemus

Gloria patri et filio et spiritus sancto

Sanctum Romanus habitum dat illi fert subsidium sed magister invidiae saevit in illum lapide

In specu sub quo latitat dei miles se cruciat sed rex mundi cui militat hunc sacerdotem visitat

Athleta dei gravibus poenis ardens exterius hostis in mente jacula igne restrinixit ignea

Servus dei Benedictus stetit misertus illius qui clamitabat o meum o redde redde filium

Orans jacentem suscitat reddit patri qui clamitat

Benedictus quam devotas deo solvebat gratias ire videns ut columbam caelo sororis animam

Uterque duxit gaudia soror caelo hic in cella

Alme pater qui praescius tui sacrati transitus hunc praenotasti fratribus tuere nostros exitus

Per te ducem clarissimum ut transeamus a deum

Gloria patri et filio et spiritus sancto

Jam latius innotuit quasi lampas emicuit fit Benedictus celebris frequentatus a populis

Ejus ergo sub tramite multi dum certant vivere locis florent duodenis fulget ipse miraculis

Hic non impar Eliseo ciet ferrum de profundo sensus et corda perspicit praesens absentes arguit

Electo grex mortiferum patri ferebat poculum sed vir dei signo vitae vas rupit tamquam lapide

Intenderunt arcum suum ut perderent innoxium

O Israelita verus cor in deum dilatatus qui infra se angustatam vidit omnem creaturam

Caelo quoque ferri sanctam Germani cernens animam

Gloria Christe tuo tibi personet in Benedicto quem faciens tecum sanctis regnantibus aequum

Nos ejus norma rege serva terge reforma

Gloria patri et filio et spiritus sancto

Grandi pater fiducia morte stetit pretiosa qui elevatis manibus caelos scandit in precibus

Fecit Christe quod jussisti te secutus spe praemii

Fratribus illuxit Benedictus quae via duxit usque polum surgens et multa lampade fulgens

Virque super cadens micuit quae sit via pandens

Ecce jam cari noscite quam claro scandit tramite Benedictus ad sidera qui hic reliquit omnia

Accepit ergo centuplum et vitam in perpetuum

Gloria patri et filio et spiritus sancto

Armis praecinctus verae fidei Benedictus idola dum stravit sedem tibi Christe paravit

Huic jubilate quo pater iste par fit Eliae par quoque Moysi dum lapis illi flumina fundit corvus obaudit

Quemquam non laesit post te dominator adhaesit utque David doluit hostis ut occubuit

Laus puerilis hunc benedicite qui puerorum per Benedictum corpora vitae trinus et unus trina reformat

Tympana laeta chori mens consona concinet ori ac dominum laudet quo servus in aethere gaudet

Benedictus es domine qui Benedicti animae dum caeli confers gaudia glorificas terris membra dum et specu quo latuit per te virtus emicuit

Armis*

Maurus verbo currens patris Petri fertur vestigiis super liquens elementum mersumque trahit Placidum

Favent cuncta Benedicto vas sponte manat oleo fugit vita spernit terra ejus privatum gratia

Benedictum propheticis condecoremus canticis qui tam fulsit prophetia quam et doctrinae gratia

O caelestis norma vitae doctor et dux Benedicte cujus cum Christo spiritus exsultat in caelestibus gregem pastor alme serva sancta prece corrobora via caelos clarescente fac te duce penetrare

Missus est*

Salve nobilis virga Jesse salve flos campi Maria ex te ortum est lilium convallium

Odor tuus super cuncta pretiosa unguenta favus distillans labia tua mel et lac sub lingua tua

Gloria patri et filio et spiritus sancto

Ave maris*

Ave Maria*

Ingressus angelus ad Mariam ait ave gratia plena dominus tecum

Ave Maria gratia plena dominus tecum

Quem terra*

Missus est angelus Gabriel a deo in civitatem Nazareth ad virginem desponsatam viro cui nomen Joseph

Ingressus angelus ad Mariam ait ave gratia plena dominus tecum

Maria turbatur in sermone angeli et cogitabat qualis esset haec salutatio

Ingressus angelus ad Mariam ait ave Maria gratia plena dominus tecum

Benedicta tu in mulieribus et benedictus fructus ventris tui

Maria ut audivit turbata est in sermone angeli et cogitabat qualis esset ista salutatio

Quomodo fiet istud quoniam virum non cognosco

Quomodo fiet istud respondens ait Maria quia virum non cognosco angelus ad haec spiritus sanctus superveniet in te et virtus altissimi obumbrabit tibi

Ideoque quod nascetur ex te sanctum vocabitur filius dei

Gloria patri et filio et spiritus sancto

Respondens angelus dixit ad Mariam ne timeas Maria invenisti enim gratiam apud dominum

Ecce concipies et paries filium et vocabis nomen ejus Jesum hic erit magnus et filius altissimi vocabitur

Dabit illi deus sedem David patris ejus et regnabit in domo Jacob in aeternum et regni ejus non erit finis

Dixit angelus ad Mariam ne timeas Maria invenisti gratiam apud deum

Ecce concipies et paries filium et vocabis nomen ejus Jesum