Ecce jam veniet plenitudo temporis in quo misit deus filium suum in terris natum de virgine factum sub lege ut eos qui sub lege erant redimeret

Prope est ut veniat tempus ejus et dies ejus non elongabuntur

Virgo Israel revertere in civitates tuas usquequo dolens averteris generabis dominum salvatorem oblationem novam in terra ambulabunt homines in salvationem

A solis ortu et occasu ab aquilone et mari

Juravi dicit dominus ut ultra jam non irascar super terram montes enim et colles suscipiant justitiam meam et testamentum pacis erit in Jerusalem

Juxta est salus mea ut veniat et justitia mea ut reveletur

A solis ortu*

Non discedimus a te vivificabis nos domine et nomen tuum invocabimus ostende nobis faciem tuam et salvi erimus

Domine deus virtutum converte nos

Intuemini quantus sit iste qui ingreditur ad salvandas gentes ipse est rex justitiae cujus generatio non habet finem

Et dominabitur a mari usque ad mare

Canite tuba in Sion quia prope est dies domini ecce veniet ad salvandum nos alleluia alleluia

Ecce veniet desideratus cunctis gentibus et replebitur gloria domus domini alleluia

Erunt prava in directa et aspera in vias planas veni domine et noli tardare alleluia

Dominus veniet occurrite illi dicentes magnum principium et regni ejus non erit finis deus fortis dominator princeps pacis alleluia alleluia

Omnipotens sermo tuus domine a regalibus sedibus veniet alleluia

Ave Maria gratia plena dominus tecum benedicta tu in mulieribus alleluia

Ex quo facta est vox salutationis tuae in auribus meis exsultavit in gaudio infans in utero meo alleluia

Ecce deus noster exspectavimus eum et salvabit nos alleluia

Ecce virgo concipiet et pariet filium et vocabitur nomen ejus Emmanuel

In tuo adventu erue nos domine

Surgite vigilemus venite adoremus quia nescimus horam quando veniet dominus

Clama in fortitudine qui annuntias pacem in Jerusalem dic civitatibus Judae et habitatoribus Sion ecce deus noster quem exspectabamus adveniet

Ecce dominator dominus*

Super montem excelsum ascende tu qui evangelizas Sion exalta in fortitudine vocem tuam

Orietur stella ex Jacob et exsurget homo de Israel et confringet omnes duces alienigenarum et erit omnis terra possessio ejus

Et adorabunt eum omnes reges omnes gentes servient ei

Modo veniet dominator dominus et nomen ejus Emmanuel vocabitur

Ecce dominator*

Orietur*

LACUNA

Rorate caeli desuper et nubes pluant justum aperiatur terra et germinet salvatorem

Emitte agnum domine dominatorem terrae de petra deserti ad montem filiae Sion

Ut cognoscamus domine in terra viam tuam in omnibus gentibus salutare tuum

Da mercedem domine sustinentibus te ut prophetae tui fideles inveniantur

Lex per Moysen data est gratia et veritas per Jesum Christum facta est

Tu Bethleem terra Juda non eris minima ex te enim exiet dux qui regat populum meum Israel

Ecce ancilla domini fiat mihi secundum verbum tuum

Maria autem conservabat omnia verba haec conferens in corde suo

Surgite vigilemus quia veniet rex

Emitte agnum domine dominatorem terrae de petra deserti ad montem filiae Sion

Ex Sion species decoris ejus deus noster manifeste veniet

Rorate caeli desuper et nubes pluant justum aperiatur terra et germinet salvatorem

Emitte agnum domine dominatorem terrae de petra deserti ad montem filiae Sion

Germinaverunt campi eremi germen odoris Israel quia ecce deus noster cum virtute veniet et splendor ejus cum eo

Ecce dominator dominus cum virtute veniet

Nolite timere quinta enim die veniet ad vos dominus vester

Propter Sion non tacebo donec egrediatur ut splendor justus ejus

Prophetae praedicaverunt nasci salvatorem de virgine Maria

Spiritus domini super me evangelizare pauperibus misit me

Ecce veniet dominus ut sedeat cum principibus et solium gloriae teneat

Annuntiate populis et dicite ecce deus salvator noster veniet

Missus est Gabriel angelus ad Mariam virginem desponsatam Joseph

Ecce venit plenitudo temporis in quo misit deus filium suum natum de virgine factum sub lege venite adoremus

Egredietur virga de radice Jesse et flos de radice ejus ascendet et erit justitia cingulum lumborum ejus et fides cinctorium renum ejus

Rorate caeli desuper et nubes pluant justum aperiatur terra et germinet salvatorem

Annuntiatum est per Gabrielem archangelum ad Mariam virginem de introitu regis et ingressus est per splendidam regionem aurem virginis visitare palatium uteri et regressus est per auream portam virginis

Ave Maria*

Nascetur nobis parvulus et vocabitur deus fortis ipse sedebit super thronum David patris sui et imperabit cujus potestas super humerum ejus

Ecce advenit dominator dominus et regnum in manu ejus et potestas et imperium

De Sion veniet dominus omnipotens ut salvum faciat populum tuum

Convertere domine aliquantulum et ne tardes venire ad servos tuos

De Sion veniet qui regnaturus est dominus Emmanuel magnum nomen ejus

Ecce deus meus et honorabo eum deus patris mei et exaltabo eum

Dominus legifer noster dominus rex noster ipse veniet et salvabit nos

Intuemini quantus sit gloriosus iste qui ingreditur ad salvandos populos

Populus Sion ecce veniet qui venturus est venite adoremus eum

Radix Jesse qui exsurget judicare gentes in eum gentes sperabunt et erit nomen ejus benedictum in saecula

Ex Sion species decoris ejus deus noster manifeste veniet

Montes Israel ramos vestros expandite et florete et fructus facite prope est ut veniat dies domini

Rorate*

Ecce dominus veniet et omnes sancti ejus cum eo tunc aperientur oculi caecorum et aures surdorum audient tunc ascendent claudus quasi cervus et absolutae erunt linguae mutorum

Ecce dominus in fortitudine veniet et bracchium ejus dominabitur

Gloria patri et filio et spiritus sancto

Constantes estote videbitis auxilium domini super vos

Ad te domine levavi animam meam veni et eripe me domine ad te confugi

Veni domine et noli tardare relaxa facinora plebis tuae Israel

Deus a Libano veniet et splendor ejus sicut lumen erit

Ego autem ad dominum aspiciam et exspectabo deum salvatorem meum

Ex quo facta*

Populus Sion*

Egredietur virga*

Annuntiatum est*

Nascetur nobis*

Ponam in Sion*

Ponent domino*

Consolamini*

Exspectetur*

Laetamini*

Omnis vallis*

Vigilate animo in proximo est dominus deus noster

De illa occulta habitatione sua egressus est filius dei descendit visitare et consolari omnes qui eum de toto corde desiderabant

Ex Sion species decoris ejus deus noster manifeste veniet

Gloria patri et filio et spiritus sancto

Conditor*

Rorate caeli*

Hodie scietis quia veniet dominus et mane videbitis gloriam ejus

Sanctificamini hodie et estote parati quia die crastina videbitis majestatem dei in vobis

Hodie scietis quia veniet dominus et mane videbitis gloriam ejus

Constantes estote videbitis auxilium domini super vos Judaea et Jerusalem nolite timere cras egrediemini et dominus erit vobiscum