Laudate dominum deum nostrum qui non deseruit sperantes in se

Laudate dominum deum nostrum qui non deseruit sperantes in se et in me adimplevit misericordiam suam quam promisit domui Israel

Confitemini ei coram omnibus viventibus quia fecit nobiscum misericordiam suam

Benedixit te deus in virtute sua qui per te ad nihilum redegit inimicos nostros ut non deficiat laus tua de ore hominum

Benedictus dominus qui creavit caelum et terram qui nomen tuum hodie ita magnificavit

Adonai domine deus magne et mirabilis qui dedisti salutem in manu feminae exaudi preces servorum tuorum

Benedictus es domine qui non derelinquis praesumentes de te et de sua virtute gloriantes humilias

Domine rex omnipotens in ditione tua cuncta sunt posita et non est qui possit resistere voluntati tuae libera nos propter nomen tuum