Confitemini ei coram omnibus viventibus quia fecit nobiscum misericordiam suam

Tribulationes civitatis audivimus quas passae sunt et defecimus timor et hebetudo mentis cecidit super nos et super liberos nostros ipsi montes nolunt recipere fugam nostram domine miserere

Nos alium deum nescimus praeter dominum in quo speramus qui non despiciet nos nec amovet salutem suam a genere nostro

Exspectemus humiles consolationem eius et exquiret sanguinem nostrum de manu omnium inimicorum nostrorum

Domine deus qui conteris bella ab initio eleva bracchium tuum super gentes quae cogitant servis tuis mala et dextera tua glorificetur in nobis

Tu domine cui humilium semper et mansuetorum placuit deprecatio

Vos qui in turribus estis aperite portas dominus omnipotens fecit virtutem et victoriam dedit de inimicis nostris