Confessor domini Augustine astantem plebem corrobora sancta intercessione ut qui vitiorum pondere premimur beatitudinis tuae gloriae sublevemur et te duce aeterna praemia consequamur

Iste sanctus digne in memoriam vertitur hominum qui ad gaudium transiit angelorum quia in hac peregrinatione solo corpore constitutus cogitatione et aviditate in illa aeterna patria conversatus est

Ecce sacerdos magnus qui in diebus suis placuit deo ideo jurejurando fecit illum dominus crescere in plebem suam

Benedictionem omnium gentium dedit illi et testamentum suum confirmavit super caput ejus

Juravit dominus et non paenitebit eum tu es sacerdos in aeternum secundum ordinem Melchisedech