Adoremus victoriosissimum regem Christum qui victorem per crucis tropaeum coronavit beatum Andream apostolum

Christum regem regum adoremus dominum qui martyrio crucis beatum glorificavit Andream apostolum

Dum perambularet dominus juxta mare galileae vidit Petrum et Andream et vocavit eos

Vidit dominus Petrum et Andream et vocavit eos

Venite post me dicit dominus faciam vos fieri piscatores hominum

In omnem*

Dum perambularet dominus juxta mare secus littus Galilaeae vidit Petrum et Andream retia mittentes in mare et vocavit eos dicens venite post me faciam vos piscatores hominum

Erant enim piscatores et ait illis Jesus

Mox ut vocem domini praedicantis audivit beatus Andreas relictis retibus quorum usu actuque vivebat aeternae vitae secutus est praemia largitorem

Ad unius jussionis vocem Petrus et Andreas relictis retibus secuti sunt eum

Dignum sibi dominus computavit martyrem quae vocavit apostolum dum esset in mare secus littus galilaeae et secuti sunt eum

Unus ex duobus qui secuti sanctum dominum erat Andreas frater Simonis Petri

Relictis retibus suis secuti sunt dominum Jesum Christum

Unus ex duobus qui secuti sunt dominum erat Andreas frater Simonis Petri alleluia

Andreas apostolus domini magnum operatus est misterium verbum dei praedicando jugiter convertit populum Myrmidonem

Homo dei ducebatur ut crucifigerent eum populus autem clamabat voce magna dicens innocens ejus sanguis sine causa damnatur

Cumque carnifices ducerent eum et crucifigeretur factus est concursus populorum clamantium et dicentium

Doctor bonus et amicus dei Andreas ducitur ad crucem aspiciens a longe vidit crucem salve crux suscipe discipulum ejus qui pependit in te magister meus Christus

Cum vero pervenisset ad locum ubi crux parata erat videns eam a longe exclamavit dicens

Cum pervenisset beatus Andreas ad locum ubi crux parata erat exclamavit et dixit o bona crux diu desiderata et jam concupiscenti animo praeparata securus et gaudens venio ad te ita ut tu exsultans suscipias me discipulum ejus qui pependit in te

Amator tui semper fui et disideravi te amplecti

Andreas Christi famulus dignus deo apostolus germanus Petri et in passione socius

Dilexit Andream dominus in odorem suavitatis alleluia

Dignum sibi dominus computavit martyrem quem vocavit apostolum dum esset in mari alleluia

Salve crux quae in corpore Christi dedicata es et ex membris ejus tamquam margaritis ornata suscipe discipulum ejus qui pependit in te

O bona crux quae decorem et pulchritudinem de membris domini suscepisti

O bona crux quae decorem et pulchritudinem de membris domini suscepisti accipe me ab hominibus et redde me magistro meo ut per te me recipiat qui per te me redemit

Salve crux quae in corpore Christi dedicata es et ex membris ejus tamquam margaritis ornata

Videns crucem Andreas exclamavit dicens o crux admirabilis o crux inerrabilis o crux quae per totum mundum fulgida suscipe discipulum ejus non me dimittas errantem sicut ovem non habentem pastorem

Biduo vivens pendebat in cruce pro Christi nomine beatus Andreas et docebat populum dicens

Gloria patri et filio et spiritui sancto

Lux mundi machina vitia

Dilexit Andream dominus in odorem suavitatis dum penderet in cruce dignum sibi computavit martyrem quem vocavit apostolum dum esset in mari et ideo amicus dei appellatus est

Elegit eum dominus et excelsum fecit illum

Vir iste in populo suo mitissimus apparuit sanctitate autem et gratia plenus iste est qui assidue orat pro populo et civitate ista

Pro eo ut me diligerent ego autem orabam

Oravit sanctus Andreas dum respiceret caelos voce magna clamavit et dixit tu es deus meus quem vidi ne me pasciaris ab impio judice deponi quia virtutem sanctae crucis agnovi

Tu es magister meus Christe quem dilexi quem cognovi quem confessus sum

Christus me misit ad istam provinciam ubi non parvum populum acquisivi

Ego si patibulum crucis expavescerem crucis gloriam non praedicarem

Beatus Andreas orabat dicens domine rex aeternae gloriae suscipe me pendentem in patibulum

Biduo vivens pendebat in cruce pro Christi nomine beatus Andreas et docebat populum

Non me permittas domine famulum tuum ad te separari tempus est ut commendes terrae corpus meum

Concede nobis hominem justum redde nobis hominem sanctum ne interficias hominem deo carum justum mansuetum et pium

Dum pervenisset beatus Andreas ad locum ubi crux parata erat exclamavit et dixit o bona crux diu desiderata et jam concupiscenti animo praeparata securus et gaudens venio ad te ita ut et tu exsultans suscipias me discipulum ejus qui pependit in te

Salve crux pretiosa suscipe discipulum ejus qui pependit in te magister meus Christus

Salve crux quae in corpore Christi dedicata es et ex membris ejus tamquam margaritis ornata

Qui persequebatur justum demersisti eum domine in profundo et in ligno crux dux justi fuisti

Videns crucem Andreas cum gaudio dicebat quia amator tuus semper fui et desideravi amplecti te o bona crux

Maximilla Christo amabilis tulit corpus apostoli optimo loco cum aromatibus sepelivit

Exsultet aula*

Ora pro nobis*

O pastor aeterne o clemens et bone custos qui dum devoti gregis preces attenderes voce lapsa de caelo praesuli sanctissimo dignum episcopatu Nicolaum ostendisti tuum famulum

Adoremus regem saeculorum in quo vivit Nicolaus honor sacerdotum

Nobilissimis siquidem natalibus ortus velut lucifer Nicolaus emicuit

Postquam domi puerilem decurrit aetatem cunctis mundi hujus spretis oblectationibus Christi se jugo subiciens documentis sanctis suum praebuit auditum

Pudore bono repletus dei famulus sumptibus datis stupri nefas prohibuit

Confessor dei Nicolaus nobilis progenie sed nobilior moribus ab ipso puerili aevo secutus dominum meruit divina revelatione ad summum provehi sacerdotium

Erat enim valde compatiens et super afflictos pia gestans viscera

Operibus sanctis Nicolaus humiliter insistens revelatione divina provectus est ad summum sacerdotii gradum

Voce quippe de caelo lapsa quidam insinuat praesuli dignum episcopatu Nicolaum

Quadam die tempestate saevissima quassati nautae coeperunt sanctum vocare Nicolaum et statim cessavit tempestas

Mox illis clamantibus apparuit quidam dicens illis ecce adsum quid vocastis me

Auro virginum incestus auro patris earum inopiam auro prorsus utrorumque detestabilem infamiam dei servus ademit Nicolaus

Innocenter puerilia jura transcendens evangelicae institutionis discipulus effectus est

Gloria mundi sprevit cum suis oblectationibus et ideo meruit provehi ad summum sacerdotii gradum

Audiens Christi confessor trium juvenum innocentium necem praecucurrit quantocius ad locum quo fuerant plectendi et liberavit eos

Statimque solutos a vinculis usque ad praetorium consulis secum adduxit

Qui cum audissent sancti Nicolai nomen statim expandunt manus utrasque ad caelum salvatoris laudantes clementiam

Clara quippe voce coram omnibus dignum referebant illum dei famulum

Beatus Nicolaus jam triumpho potitus novit suis famulis praebere caelestia commoda qui toto corde poscunt ejus largitiones illi nimirum tota nos devotione oportet committere

Ut apud Christum ejus patrociniis adjuvemur semper

Pontifices almi divina revelatione laetificati Nicolaum praesulem devotissime consecraverunt

Sanctus quidem triticum quod a nautis postulaverat acceptum et sagacitate distribuere augeri precibus impetravit

Muneribus datis neci sunt juvenes innocentes addicti quibus domini servus fuit vitae praesidium festinanter

Summe dei confessor Nicolae te venerantes protege namque credimus tuis precibus nos posse salvari

Qui tres pueros morti addictos illaesos abire fecisti tuis laudibus instantem conserva plebem

Servus dei Nicolaus auri pondo trium virginum redemit pudorem earumque patris impudicam remenso auro fugavit inopia

Affluens itaque misericordiae visceribus metallo duplicato propulsavit earum infamiam

Ex ejus tumbae marmore sacrum resudat oleum quo liniti sanantur caeci surdi auditus redditur et debilis quisque sospes regreditur

Catervatim ruunt populi cernere cupientes quae per eum fiunt mirabilia

Sospitati dedit aegros olei infusio | Nicolaus naufragantum affuit praesidio | Revelavit a defunctis defunctum in bivio | Baptizatur auri videns Judaeus indicio | Vas in mari mersum patri redditur cum filio | O quam probat sanctum dei farris augmentatio | Ergo laudes Nicolao concinat haec contino | Nam qui corde poscit illum propulsato vitio

Beatus Nicolaus adhuc puerulus multo jejunio macerabat corpus

Ecclesiae sanctae frequentans limina sacri pectori condebat mandata

Juste et sancte vivendo ad honorem sacerdotii meruit promoveri divinitus

Amicus dei Nicolaus pontificali decoratus infula omnibus se amabilem exhibuit

O per omnia laudabilem virum cujus meritis ab omni clade liberantur qui ex toto corde quaerunt illum

Nicolae pontifex*

Ora pro*

Copiosae caritatis Nicolae pontifex qui cum deo gloriaris in caeli palatio condescende supplicamus ad te suspirantibus ut exuto gravi carne pertrahas ad superos

O Christi pietas omni prosequenda laude qui sui famuli Nicolai merita longe lateque declarat nam ex tumba ejus oleum manat cunctosque languidos sanat

Columna es immobilis Lucia sponsa Christi quia omnis plebs te exspectat ut accipias coronam regni alleluia

Speciosa facta es venite adoremus ipsum regem qui concupivit speciem tuam

Haec est quem nescivit torum in delicto habebit fructum in respectione animarum sanctarum

Cum esset rex in accubitu suo nardus mea dedit odorem suavitatis

Vidi speciosam quasi columbam et circumdabant eam flores rosarum et lilium convallium

Specie tua et pulchritudine tua intende prospere procede et regna

Adjuvabit eam deus vultu suo deus in medio ejus non commovebitur

Nigra sum sed formosa filia Jerusalem ideo dilexit me rex et introduxit me in cubiculo suo

O quam pulchra es casta generatio cum caritate