Gyrum caeli*

Dominus possedit me in initio viarum suarum antequam quicquam faceret a principio necdum erant abyssi et ego parturiebar quando praeparabat caelos aderam cum eo componens omnia

Omnis sapientia a domino deo est et cum illo fuit semper et est ante aevum

Ego in altissimis habitavi et thronus meus in columna nubis

Sapientia aedificavit sibi domum excidit columnas septem subdidit sibi gentes superborumque et sublimium colla propria virtute calcavit

Sapientia clamitat in plateis si quis diligit sapientiam ad me declinet et eam inveniet et eam dum invenerit beatus est si tenuerit eam

In principio deus antequam terram faceret priusquam abyssos constitueret priusquam produceret fontes aquarum antequam montes collocarentur ante omnes colles generavit me dominus

Ego in altissimis habitavi et thronus meus in columna nubis

Gyrum caeli circuivi sola et in fluctibus maris ambulavi in omni gente et in omni populo primatum tenui superborum et sublimium colla propria virtute calcavi

Quando certa lege et gyro vallabat abyssum praeparabat caelos aderam quando aethera affirmabat sursum et librabat fontes aquarum

Emitte domine sapientiam de sede magnitudinis tuae ut mecum sit et mecum laboret ut sciam quid acceptum sit coram te omni tempore

Da mihi domine sedium tuarum assistricem sapientiam

Da mihi domine sedium tuarum assistricem sapientiam et noli me reprobare a pueris tuis quoniam servus tuus sum ego et filius ancillae tuae

Mitte illas a sede magnitudinis tuae ut mecum sit et mecum laboret

Dominus defensor*

Super salutem et omnem pulchritudinem dilexi sapientiam et proposui pro luce habere illam venerunt mihi omnia bona pariter cum illa

Dixi sapientiae soror mea es et prudentiam vocavi amicam meam

Verbum iniquum et dolosum longe fac a me domine divitias et paupertas ne dederis mihi sed tantum victui meo tribue necessaria

Ne forte satiatus evomam illud et perjurem nomen dei mei

Domine pater et deus vitae meae ne derelinquas me in cogitatu maligno extollentiam oculorum meorum ne dederis mihi et desiderium malignum averte a me domine aufer a me concupiscentiam et animae irreverenti et infrunitae ne tradas me domine

Verbum iniquum et dolosum longe fac a me domine divitias et paupertatem ne dederis mihi

Ne derelinquas me domine pater et dominator vitae meae ut non corruam in conspectu adversariorum meorum ne gaudeat de me inimicus meus

Apprehende arma et scutum et exsurge in adjutorium mihi

Magna enim sunt judicia tua domine et inenarrabilia verba tua magnificasti populum tuum et honorasti

Deduxisti sicut oves populum tuum in manu Moysi et Aaron

Quae sunt in corde hominum oculi tui vident domine et in libro tuo omnia scribentur homo videt in facie deus autem in corde

Omnia enim corda scrutatur et universas mentium cogitationes intellegit

Initium sapientiae timor domini intellectus bonus omnibus facientibus eum laudatio ejus manet in saeculum saeculi

Dispersit dedit pauperibus justitia ejus manet in saeculum saeculi

Fili noli deficere a disciplina domini et ne fatigeris dum ab eo argueris quem enim diligit dominus corripit et quasi pater in filio complacet sibi

Audi fili mi disciplinam patris tui et ne dimittas legem matris tuae

Praebe fili cor tuum mihi et oculi tui vias meas custodiant ut addatur gratia capiti tuo

Attende fili mi sapientiam meam et ad eloquium meum inclina aurem tuam

Audi fili mi disciplinam patris tui et ne dimittas legem matris tuae ut multiplicentur tibi anni vitae tuae

Honora dominum de tua substantia et de primitiis frugum tuarum da pauperibus

Aversio parvulorum interficiet eos et prosperitas stultorum perdet eos qui autem me audierit absque terrore quiescet

O viri ad vos clamito et vox mea ad filios hominum

In principio*