Ascendente*

Ascendente*

Ave praesul*

Alme confessor*

Sancti per*

Praesul insignis*

Sancte Wulstane*

Ave pater Wulstane pastor egregie dirige nos in viam justitiae refove in loco caelestis pascue ut cum sponso cubantes in meridie introduci mereamur in hortum gloriae

Psallentes Christo Christum veneremur in isto qui sanctis donat quod in ipsis ipse coronat

Praeclara festivitas quam celebramus hodie circumcinxit gaudio orbem brittanniae

In Wulstano cujus aetas adhuc lactis particeps virginalis vite metas tenuit et deinceps

Quem parentes litterarum tradidere studiis ne quid esset quo dolerent indulgentem ociis

Florem mundi adolescens spernens ut deciduum totum sibi danti totum vite dat residuum

Relinquens Wulstanus pallium Aegyptiae regularis ritu vestis militat justitiae

Vita verbo est Wulstanus speculum in populis scriba doctus ad astellas os retorquens turturis

Amavit eum dominus*

Celebremus diem istum in Wulstano nobis venerabilem qui in Christo transmigravit ad locum admirabilem sanctificatis sanctificandis sanctis habitabilem

Est ubi vera quies perpes sine murmure merces

Ecce virum a virtute virum plenum gratia fides cujus de salute bene sibi conscia hunc de mundo absolute levant ad caelestia

Seminavit in benedictionibus et ecce metit vitam aeternam

Naufragantis carnis pudor ubi sexus frangitur in spinetum egit virum ubi dolor carpitur numquam flecti lenocinio sic Wulstanus meruit aspirante domino

Causa salutis erant spinae que causa doloris

Pro te Jesu Christe morte afficitur tota die sanctus iste diebus in hebdomada tribus non manducans ceteris paucis vitam sustentans inde domine consigna meritum qui se sic mactavit vivum ut vivat tecum

A domino factum est istud et est mirabile in oculis nostris

Gloria patri et filio et spiritui sancto

Quam salubre invocatum Wulstani nomen fuerit norunt illi fervor maris fere quos absorbuit

Febres fugat tactu manus caecus videt claudus sanus surgit ejus meritis

Reddit muto consonantis verbum quod amiserat et contractae linguae motum sono vocis reparat

De sublimi praeceps lapsus membris ne quid conteri quia sanctus benedixit et subtraxit funeri

Dum oraret sanctus vigil lucis in crepusculo dolens hostis ejus pedem fodit ignis jaculo

Perseverans ulcus illud multos visu teruit et hostilis lucte sancto argumentum prebuit

Justum deduxit dominus*

Puer trimus amne mersus sed refusus sancti invocato nomine non mergiturtet et rapitur a flumine vehitur quasi solido in liquido donec patre remige abstractus est naufragio

Vectus amne spatio non modico mergi nequit assistente sancti viri merito

Praesul Christi Wulstanus praeelectus a deo promissionis filius felix vita felicior fine sanctissimus percepcione glorie sine fine

Dignis ergo veneremur laudibus quem ascripsit deus civem in caelestibus

O mirae pietatis homo Wulstanus in orbe fert misero tribuit peccanti servat amico auxilium veniam continuamque fidem

Offenditur ultro condonat cernit tristia compatitur

Consecrandus ad altare stans Wulstanus singulare meruit prognosticum quod ab ore salvatoris Nathanaelis dudum exstitit praeconium

Ecce vere Israelita in quo dolus non est

Gloria patri et filio et spiritui sancto

Decantemus domino canticum laetitiae qui Wulstano contulit clavem sapientiae suis qua aperuit apothecam gloriae

Posui adjutorium super*

Beatus Wulstanus domini minister sedulus indefessus crucis Jesu bajulus [nil] scire ducens commodum nisi Jesum et hunc crucifixum

Verbum frequens in ore viri mihi absit gloriari nisi in cruce Jesu Christi

Stans in aede quam ad casum moles inclinaverat sistit sanctus tectum cujus pars corruerat quo egresso est collapsum totum quod supererat

Astantes cives clamore valido laudavere dominum qui sic operabatur in sancto suo

Regis iram non formidans baculum non tradidit apud regem sed defunctum baculum deposuit quem jacentis virtus servat reddit ut Wulstanus voluit

Viri usque gloria meritum et gratia cunctis hinc innotuit

Ad occasum vergens aetas inclinata senio psalmis hymnis praemunita sacroque viatico carnis molem exuit et Wulstanus caeli luce perfusus occubuit

Assis nobis pater bone interventu in agone ut percepta venia quies nobis tecum sit in gloria

Gloria patri et filio et spiritui sancto

Benedictus sit dominus die cottidie qui beatum Wulstanum induit caelestis stola gloriae

Nomine aeterno haereditavit illum ut in altis gloria in terris refulgeat signorum gratia

Ad te deus de luce vigilavit per te Wulstanus mundum triumphavit inde demum in pace requievit

Sancte sacerdos domini pro nobis in ara caelesti offer libamina precum

Rex virtutum assis nobis sanctorum spes et requies cujus jam Wulstanum sic oblectat facies ut beata visione vultus tui in supernis saties

Jesu redemptor*

Fatiscens corpus febribus defectu fatigatur divinis tamen laudibus fortius animatur sic accensa lampade sponsum praestolatur lucis ut deivide regnum consequatur

Benedictus*

Recolentes*

Sancte sacerdos*

Rex virtutum*

Praeclara*

In Wulstano*

Quem parentes*

Florem mundi*

Consecrandus*

Iste confessor*

Ora pro nobis*

Quam jucunda et suavis Wulstani est memoria cujus vita sanctitatis mores et praeconia illustravit orbem terrae signorum frequentia nobis pater sis patronus in caelorum curia ubi regnat deus ipse sanctorum spes et gloria

Praeclara*

Ad te deus*

In Wulstano*

Sancte sacerdos*

Quem parentes*

Ad te deus*

Vita verbo*

Benedictus*

Relinquens*

Praeclara*

O beate pater Wulstanus*

Alme confessor*