Hebraeorum gens perfida morte Christi sanguinea in Stephanum malivola perfecerunt consilia quem occiderunt nequiter lapidando crudeliter

Beatus Stephanus levita magnificus sicut ante alios dominicae passionis et pietatis enituit imitator sic domine apud te pro nobis sit perpetuus intercessor

Hodie intacta*

Tamquam sponsus*

Iste est Joannes*

Joannes hic theologus quem debriavit spiritus aquila volans caelitus palam fecit mortalibus Christus mariae filius quod sit verbum dei deus

Valde honorandus est Joannes*

Adoremus regem apostolorum qui privilegio amoris Joannem dilexit apostolum

Joannes apostolus et evangelista virgo est electus a domino atque inter ceteros magis dilectus

Supra pectus domini Jesu recumbens evangelii fluenta de ipso sacro dominici pectoris fonte potavit

Quasi unus de paradisi fluminibus evangelista Joannes verbi dei gratiam in toto terrarum orbe diffudit

In ferventis olei dolium missus Joannes apostolus divina se protegente gratia illaesus exivit

Propter insuperabilem evangelizandi constantiam exsilio relegatus divinae visionis et allocutionis meruit crebra consolatione relevari