Gloria patri et filio et spiritui sancto
Benedictus dominus deus Israel qui facit mirabilia solus et benedictum nomen majestatis ejus in aeternum
Replebitur majestate ejus omnis terra fiat fiat
Quis deus magnus sicut deus noster tu es deus qui facis mirabilia
Notam fecisti in gentibus virtutem tuam redemisti in bracchio tuo populum tuum
Magnus dominus et magna virtus ejus sapientiae ejus non est numerus
Magnus dominus et laudabilis valde et magnitudinis ejus non est finis
Caritas pater est gratia Christus communicatio spiritus o beata trinitas
Verax est pater veritas filius veritatis spiritus o beata trinitas
Una igitur pater logos paraclitusque substantia est o beata trinitas
In patre manet aeternitas in filio aequalitas in spiritu sancto aeternitatis aequalitatisque connexio
Ex quo omnia per quem omnia in quo omnia ipsi gloria in saecula
Sanctus sanctus sanctus dominus deus omnipotens qui erat et qui est et qui venturus est