Veni dilecte mi egrediamur in agrum commoremur in vallibus mane surgamus ad vineas videamus si floruit vinea si flores fructus parturiunt si floruerunt mala punica ibi dabo tibi ubera mea

Sexaginta sunt reginae et octoginta concubinae et adolescentularum non est numerus una est columba mea perfecta mea una est matris suae electa genetrici suae

Aperi mihi soror mea amica mea columba mea immaculata mea quia caput meum plenum est rore et cincinni capitis mei guttis noctium

Ferculum fecit sibi rex Salomon de lignis Libani columnas ejus fecit argenteas reclinatorium aureum ascensum purpureum media caritate constravit propter filias Jerusalem

Soror nostra parvula est et ubera non habet quid faciemus sorori nostrae in die quando adloquenda est si murus est aedificemus super eum propugnacula argentea si ostium est conpingamus illud tabulis cedrinis

Benedicam dominum in omni tempore

Semper laus ejus in ore meo

Gloria*

Alleluia*