Doleo super te frater mi Jonatha amabilis valde super amorem mulierum sicut mater unicum amat filium ita te diligebam sagitta Jonathae numquam abiit retrorsum nec declinavit clipeus ejus de bello et hasta ejus non est aversa

Rex autem David cooperto capite incedens lugebat filium dicens Absalon fili me fili mi Absalon quis mihi det ut ego moriar pro te fili mi Absalon

Adoremus dominum qui fecit nos

Nocte surgentes*

Domine in virtute*

Deus omnium exauditor est ipse misit angelum suum et tulit me de ovibus patris mei et unxit me unctione misericordiae suae

Dominus qui eripuit me de ore leonis et de manu bestiae liberavit me

Dominus qui eripuit me de ore leonis et de manu bestiae liberavit me ipse me eripiet de manibus inimicorum meorum

Misit deus misericordiam suam et veritatem suam animam meam eripuit de medio catulorum leonum

Praevaluit David in Philistaeo in funda et lapide in nomine domini agminum dei Israel

Ut sciat omnis terra quia est deus in Israel quia neque in hasta nec in gladio salvat dominus

Montes Gelboe nec ros nec pluvia veniant super vos ubi ceciderunt fortes Israel

Omnes montes qui in circuitu ejus sunt visitet dominus a Gelboe autem transeat