Antequam comedam suspiro et tamquam inundantis aquae sic rugitus meis quia timor quem timebam evenit mihi et quod verebar accidit nonne dissimulavi nonne silui et jam quievi et venit super me indignatio tua domine

Nolo multa fortitudine contendas mecum nec magnitudinis tuae mole me premas aequitatem proponas contra me

Utinam appenderentur peccata mea quibus iram merui et calamitas quam patior in statera

Quasi harena maris haec gravior appareret unde et verba mea dolore sunt plena

Quare detraxistis sermonibus veritatis ad increpandum verba componitis et subvertere nitimini amicum vestrum verumtamen quod cogitastis explete

Militia est vita hominis super terram et sicut dies mercennarii dies ejus

Induta est caro mea putredine et sordibus pulveris cutis mea aruit et contracta est memento mei domine quia ventus est vita mea

Dies mei sicut umbra declinaverunt et ego sicut fenum arui

Memento mei deus quia ventus est vita mea nec aspiciat me visus hominis