Congregatae sunt gentes in multitudine ut dimicent contra nos et ignoramus quid agere debeamus domine deus ad te sunt oculi nostri ne pereamus

Tu scis quae cogitant in nos quomodo poterimus subsistere ante faciem illorum nisi tu adjuves nos

Impetum inimicorum ne timueritis memores estote quomodo salvi facti sunt patres nostri et nunc clamemus in caelum et miserebitur nostri deus noster

Mementote mirabilium ejus quae fecit pharaoni et exercitui ejus in mari Rubro

Congregati sunt inimici nostri et gloriantur in virtute sua contere fortitudinem illorum domine et disperge illos ut cognoscant quia non est alius qui pugnet pro nobis nisi tu deus noster

Disperge illos in virtute tua et destrue eos protector noster domine

Ornaverunt faciem templi coronis aureis et dedicaverunt altare domino et facta est laetitia magna in populo

In hymnis et confessionibus benedicebant dominum

In hymnis et confessionibus benedicebant dominum qui magna fecit in Israel et victoriam dedit illis dominus omnipotens

Ornaverunt faciem templi coronis aureis et dedicaverunt altare domino