Beatus es egregie dei doctor sanctissime Paule
Sancte Paule apostole praedicator veritatis et doctor gentium intercede pro nobis ad deum qui te elegit
Ut digni efficiamur gratia ejus
Celebremus*
Celebremus conversionem sancti Pauli apostoli quia hodie ex persecutore effectus est vas electionis
Gaudent angeli atque laetantur archangeli exsultant sancti et congratulantur martyres
Ego plantavi Apollo rigavit deus autem incrementum dedit alleluia
Unusquisque propriam mercedem accipiet secundum suum laborem
Libenter gloriabor in infirmitatibus meis ut inhabitet in me virtus Christi
Quando enim infirmor tunc fortior sum et potens
Gratia dei in me vacua non fuit sed gratia ejus semper in me manet
Gratia dei sum id quod sum
Damasci praepositus gentis Aretae regis voluit me comprehendere a fratribus per murum sum missus in sporta et sic evasi manus ejus in nomine domini