In lege domini Oswaldus fixit meditationem cordis die ac nocte unde cathedram pontificalem meruit conscendere
Servivit domino beatus Oswaldus in cordis timore timorem pio Christi decoravit amore
Exaltasti domine caput servi tui Oswaldi in benedictione pontificali vocemque ejus de monte sancto tuo clementius exaudisti
Signatus est beatus Oswaldus lumine vultus tui cujus gratia laetitiam adeptus est cordis in regno caelesti
Intellexit deus clamorem sui Oswaldi et exaudivit eum orantem corde supplici
In universa terra nomen tuum deus est mirabile qui servum tuum Oswaldum mirificasti in oris praedicatione
Amavit eum dominus*
Celebremus sollemniter Oswaldum festinum dei praeconem ut pium coram deo mereamur habere intercessorem
Dignissime namque devotis precibus tantum veneramus doctorem
Excellenti prosapia ortus Oswaldus puer clarae indolis nobilem lineam carnis prosecutus est nobilioribus actis
Patruum imitans Odonem archipraesulem virum summi honoris et sanctitatis
Auditor legis non surdus carnea spernens commoda post habuit obsequiis animae