Erat Joannes in deserto praedicans baptismum paenitentiae

Descendit angelus domini ad Zachariam dicens accipe puerum in senectute tua et habebit nomen Joannes Baptista

Ne timeas Zacharia exaudita est oratio tua et Elisabeth uxor tua pariet tibi filium

Gabriel angelus apparuit Zachariae dicens nascetur tibi filius nomen ejus Joannes vocabis et multi in nativitate ejus gaudebunt

Erit enim magnus coram domino vinum et siceram non bibet

Ipse praeibit ante illum in spiritu et virtute Eliae ut convertat corda patrum in filios et incredulos ad prudentiam justorum parare domino plebem perfectam

Erit enim magnus coram domino et spiritu sancto replebitur

Posuit os meum dominus quasi gladium acutum sub umbra manus suae protexit me

Formans me ex utero servum sibi dominus in lucem gentium ut sim salus ejus ab extremis terrae

Reges videbunt et consurgent principes et adorabunt dominum deum tuum qui elegit te

Tu puer propheta altissimi vocaberis praeibis ante dominum parare vias ejus

Ipse praeibit ante illum in spiritu et virtute Eliae parare domino plebem perfectam

Inter natos mulierum non surrexit major Joanne Baptista

Iste puer*

Elisabeth Zachariae magnum virum genuit Joannem Baptistam praecursorem domini qui viam domino praeparavit in eremo