Reposita est mihi corona justitiae quam reddet mihi dominus

Libenter gloriabor*

Bonum certamen certavi cursum consummavi fidem servavi

De cetero reposita est mihi corona justitiae

Ter virgis caesus sum semel lapidatus sum ter naufragium pertuli pro Christo domino

Nocte ac die in profundo maris fui

Saulus qui et Paulus magnus praedicator a deo confortatus convalescebat et confundebat Judaeos

Ostendens quia hic est Christus filius dei vivi

Ne magnitudo revelationum extollat me datus est mihi stimulus angelus Satanae qui me colaphizet propter quod ter dominum rogavi ut auferetur a me et dixit mihi dominus sufficit tibi Paule gratia mea

Nam virtus in infirmitate perficitur

Reposita est mihi corona justitiae quam reddet mihi dominus in illa die justus judex

Cooperante gratia spiritus sancti

Vos qui secuti estis me sedebitis super sedes judicantes duodecim tribus Israel dicit dominus

Cum sederit filius hominis in sede majestatis suae

Reposita est mihi corona justitiae quam reddet mihi dominus in illum diem justus judex

Scio cui credidi et certus sum quia potens est depositum meum servare

Mihi vivere Christus est et mori lucrum gloriari me oportet in cruce domini mei Jesu Christi

Per quem mihi mundus crucifixus est et ego mundo