Hodie nata est beata virgo Maria ex progenie David per quam salus mundi credentibus apparuit cujus vita gloriosa lucem dedit saeculo

Gloriosae virginis Mariae ortum dignissime recolamus

Beatissimae virginis Mariae nativitatem devotissime celebremus ut ipsa pro nobis intercedat ad dominum Jesum Christum

Cum jucunditate nativitatem beatae Mariae celebremus

Gloriosae virginis Mariae ortum dignissimum recolamus cujus domino humilitatem respiciente angelo nuntiante concepit redemptorem mundi

Beatissimae virginis Mariae nativitatem cum gaudio celebremus

Ad nutum domini nostrum ditantis honorem sicut spina rosam genuit Judaea Mariam

Ut vitium virtus operiret gratia culpam

Gloria patri et filio et spiritui sancto

Nativitas gloriosae virginis Mariae ex semine Abrahae orta de tribu Juda clara ex stirpe David cujus vita inclyta cunctas illustrat ecclesias

Nativitas est hodie sanctae Mariae virginis

Nativitas est hodie sanctae Mariae virginis cujus pulchritudinem respexit deus et visitavit humilitatem ejus

Ista est speciosa electa a domino cujus nativitatem celebremus ipsa intercedat pro nobis ad dominum deum nostrum