Haec est vera fraternitas quae numquam potuit violari certamine qui effuso sanguine secuti sunt dominum contemnentes aulas regias pervenerunt ad regna caelestia

Ecce quam bonum et quam jucundum habitare fratres in unum

Isti sunt sancti qui pro testamento de corporai sua tradiderunt et in sanguine agni laverunt stolas suas

Istorum est enim regnum caelorum qui contempserunt vitam mundi et pervenerunt ad praemia regni

Justorum animae in manu dei sunt et non tanget illos tormentum malitiae

Visi sunt oculis insipientium mori illi autem sunt in pace

Gloria patri et filio et spiritui sancto

Istorum est enim regnum caelorum qui contempserunt vitam mundi et pervenerunt ad praemia regni et laverunt stolas suas in sanguine agni

Justi autem in perpetuum vivent*

Propter testamentum domini et leges paternas sancti dei steterunt in amore fraternitatis quia unus fuit semper spiritus in eis et una fides

Fuerunt sine querela ante dominum et ab invicem non sunt separati

Martyres sancti per fidem vicerunt regna operati sunt justitiam adepti sunt promissiones obtulaverunt ora leonum et fortes facti sunt in bello