Nobilissimis siquidem natalibus ortus velut lucifer Nicolaus emicuit

Postquam domi puerilem decursat aetatem cunctis mundi hujus spretis oblectationibus Christi se jugo subiciens documentis sanctis suum praebuit auditum

Pudore bono repletus dei famulus sumptibus datis stupri nefas prohibuit

Amavit eum*

Justus ut palma*

Confessor dei Nicolaus nobilis progenie sed nobilior moribus ab ipso puerili aevo secutus dominum meruit divina revelatione ad summum provehi sacerdotium

Erat enim valde compatiens et super afflictos pia gestans viscera

Operibus sanctis Nicolao humiliter insistente revelatione divina provectus est ad summum sacerdotii gradum

Voce quippe de caelo lapsa quidam insinuat praesuli dignum episcopatu Nicolaum

Quadam die tempestate saevissima quassati nautae coeperunt sanctum vocare Nicolaum et statim cessavit tempestas

Mox illis clamantibus apparuit quidam dicens eis ecce adsum quid vocastis me

Gloria patri et filio et spiritus sancto

Auro virginum incestus auro patris earum inopiam auro prorsus utrorumque detestabilem infamiam dei servus ademit Nicolaus

Innocenter puerilia jura transcendens evangelicae institutionis discipulus effectus est

Gloriam mundi sprevit cum suis oblectationibus et ideo meruit provehi ad summum sacerdotii gradum

Audiens Christi confessor trium juvenum innocentium necem praecucurrit quantocius ad locum quo fuerant plectendi et liberavit eos

Statimque solutos a vinculis usque ad praetorium consulis secum adduxit

Qui cum audissent sancti Nicolai nomen statim expandunt manus utrasque ad caelum salvatoris laudantes clementiam

Clara quippe voce coram omnibus dignum referebant illum dei famulum

Beatus Nicolaus*

Pontifices almi divina revelatione laetificati Nicolaum tunc praesulem devotissime consecraverunt

Sanctus quidem triticum quod a nautis postulaverat acceptum et sagacitate distribuere et augeri precibus impetravit

Muneribus datis neci sunt juvenes innocenter addicti quibus domini servus fuit vitae praesidium festinanter

Dum Myrensium quidam antistes pulsus ob invidiam esset de sede sua stillicidium manare statim olei sacri desivit

Tamdiu quippe salutaris ille liquor manare cessavit quousque praesul idem cathedram suam reciperet

Summe dei praesul tuam catervam protege namque credimus tuis precibus nos semper esse salvandos

Qui tres pueros morti deditos illaesos abire fecisti tuis laudibus instantem conserva plebem

Ex ejus tumbae marmore sacrum resudat oleum quo liniti sanatur caeci surdis auditus redditur et debilis quisque sospes resiliet

Catervatim ruunt populi cernere cupientes quae per eum fiunt mirabilia

Sospitati reddit aegros olei perfusio | Nicolaus naufragantum affuit praesidio | Revelatur a defunctis defunctus in bivio |Baptizatur auri viso Judaeus indicio | Vas in mari mersum patri redditur cum filio | O quam sanctum dei probat farris augmentatio | Laudans ergo Nicolaum concinat haec concio | Nam qui corde quaerit illum propulsato vitio

Justus germinabit*

Beatus Nicolaus pontificatus infulis decoratus talem se exhibuit ut ab omnibus amaretur

Ecclesiae sanctae frequentans limina sacra pectori mandata condebat sagaciter

Infantia teneriori decursa corpus jejuniis macerabat

Sancte et juste vivendo ad honorem sacerdotii meruit revelari divinitus

O per omnia laudabilem virum cujus meritis ab omni clade liberantur qui ex toto corde quaerunt illum

Exsultet aula*

Justus germinabit*

O Christi pietas omni prosequenda laude qui sui famuli merita longe lateque declarat nam ex tumba ejus oleum manat cunctosque languidos sanat

Exsultet*

Ex ejus tumbae*

Sospitati*

Amavit*

O Christi*

Andreas Christi famulus dignus deo apostolus germanus Petri et in passione socius

Regem apostolorum dominum venite adoremus

Vidit dominus Petrum et Andream et vocavit eos

Venite post me dicit dominus faciam vos fieri piscatores hominum

Relictis retibus suis secuti sunt dominum redemptorem

Unus ex duobus qui secuti sunt dominum erat Andreas frater Simonis Petri alleluia

Christus me misit ad istam provinciam ubi non parvum populum acquisivi

Andreas Christi famulus dignus deo apostolus germanus Petri et in passione socius

Non me permittas domine famulum tuum a te separari tempus est ut commendes terrae corpus meum

Dignum sibi dominus computavit martyrem quem vocavit apostolum dum esset in mari alleluia

Maximilla Christo amabilis tulit corpus apostoli optimo loco cum aromatibus sepelivit

Expandi manus*

Dilexit Andream*

Vir iste*

Salve crux pretiosa suscipe discipulum ejus qui pependit in te magister meus Christus

Biduo*

Videntibus cunctis splendor (...)

LACUNA

Namque rubus incombustus Moyses qui terruit haec est virgo quae pudore salvo deum genuit

Virga Aaron fructifera Mariae typum gesserat quae nobis fructum attulit nostram qui famem dispulit

Isaias ille divus secretorum dei rivus virgae movens mentionem prodit hanc conceptionem

Sicut rosa inter spinas illis addit speciem sic venustat suam virgo Maria progeniem germinavit enim florem qui vitalem dat odorem

Cujus cunctorum laus promitur ore piorum

Prophetalis nubem levem vox dixit ascendere salvatorem Aegyptique tenebras invisere ut in mortis caligine sedentes lustret lumine

Diffugiunt tenebrae pandunt secreta latebrae

Patriarcharum semine prophetarum origine regum atque pontificum genus vernat magnificum unde virgo concipitur Christique mater eligitur

Nobilis et clara stirps est quoque clara

Gloria patri et filio et spiritus sancto

Abrahae fit promissio quod illius successio velut harena cresceret stellisque qualis fieret

Hoc promissum est impletum castae per Mariae fetum quae gignendo granum sevit de quo seges tanta crevit

Gratulare et laetare urbs optima Nazareth hodierno fecundaris ubertate gratiae casus mortis salus orbis spes datur et veniae

Celebris dies colitur in qua virgo concipitur quae per oboedientiam mundo refudit gratiam ut quod ruit per feminam relevetur per feminam

Ista fuit digna transgressus tergere signa

O beata progenies et veneranda series unde surgit ut aurora Maria virgo decora quae produxit mundo solem verum dei promit prolem

Haec merito dicta super omnes est benedicta

O Maria clausa porta quam nemo aperuit princeps ille qui transivit deus et homo fuit nec ingressu nec egressu violavit clausulam sed quam prius non habebat sumpsit carnis fibulam sic rogatus tamquam sponsus suo processit thalamo

Perfudit totam sacra virgo te theotocam decrevitque deus filius esse tuus

Gloria patri et filio et spiritus sancto

Stella maris o Maria tibi praesens contio odas solvit vota fundit summo cum tripudio ad conceptum te provexit hodiernum conditor per quam mundo factus homo subveniret perdito ergo pia nos commenda tuo prece filio alvo tuo virginali qui sponsus ut proprio

Conceptus hodiernus Mariae semper virginis naevum tersit nexum solvit vetustae originis maestis reddit laetitiam dat criminosis veniam

Gloriosa semper virgo Maria dulcissima precibus te venerantum annue piissima inoffensis ne labamur a te semper protegamur

Maria plena gratia stirpe concepta regia assistentes tuae laudi miserando nos exaudi

O quam larga te perfudit virgo benedictio qua deletur quam induxit Eva maledictio intende nostris laudibus beata in mulieribus

Dignare me laudare te virgo et puerpera te laudantes ab aerumnis leva super aethera potes enim ut domina poli pandere limina

O gloriosa*

Post partum*

Benedicta es Maria laus nostra spes et domina te collaudat colit tremit trina mundi machina in tua conceptione congaudentes confove profutura largiendo nocitura amove alleluia

Ave maris*

O Maria*

Stella*

Post partum*

Magnifica Christi mater regina clara caelorum reparatum se laetatur per te coetus beatorum in die tuae conceptionis confer opem intercessionis ut per tua suffragia collaetemur in gloria alleluia

Hymnidici sonent toni ut dulcisoni canora in Judoci laudanda sollemnia

Exsultet ecclesia turba fidelis laetetur praecipue occiduis mundus in horis patris Judoci illustratus radus recolens ejus festa in terris de cujus societate sancti congaudent in caelis

Laudemus summum et clementem dominum qui nobis piissimum Judocum voluit conferre patronum

Sanctus Judocus cathedram pestilentiae respuens velut lignum fructiferum secus decursus fructificavit aquarum