Qui sequitur me non ambulat in tenebris sed habebit lumen vitae dicit dominus

Si quis mihi ministraverit honorificabit eum pater meus qui est in caelis dicit dominus

Si quis per me intraverit salvabitur et pascua inveniet dicit dominus

Volo pater ut ubi ego sum ibi sit et minister meus

Hic vir despiciens mundum et terrena triumphans divitias caelo condidit ore manu

Justum deduxit dominus per vias rectas et ostendit illi regnum dei

Amavit eum dominus et ornavit eum stolam gloria induit eum

Qui mihi ministrat me sequatur et ubi ego sum ibi sit et minister meus

Qui odit animam suam in hoc mundo in vitam aeternam custodit eam

Qui perdiderit animam suam propter me inveniet eam in aeternam

Iste sanctus pro lege dei sui certavit usque ad mortem et a verbis impiorum non timuit fundatus enim erat firmam petram

Iste est qui pro lege dei sui morti se tradidit non dubitavit mori ab iniquis interfectus est et in aeternum vivit cum Christo agnum secutus est et invasit palmam

Hic est vere martyr qui pro Christi nomine sanguinem suum fudit qui minas judicium non timuit nec terrenae dignitatis gloriam quaesivit sed ad caelestia regna feliciter pervenit

Justus germinabit sicut lilium et florebit in aeternum ante dominum