Deus adjuvat me et dominus susceptor est animae meae

Factus sum sicut homo sine adjutorio inter mortuos liber

O mors ero mors tua morsus tuus ero inferne

Plangent eum quasi unigenitum quia innocens dominus occisus est

Attendite universi populi et videte dolorem meum

A porta inferi erue domine animam meam

O vos omnes qui transitis per viam attendite et videte si est dolor sicut dolor meus

Mulieres sedentes ad monumentum lamentabantur flentes dominum

Ululate pastores et clamate aspergite vos cinere quia completi sunt dies domini

Videbunt in quem transfixerunt et plangent super eum omnes tribus terrae

Joseph ab Arimathia petiit corpus Jesu et sepelivit eum in sepulcro suo

Sepulto domino signatum est monumentum ponentes milites qui custodirent eum

Alleluia alleluia alleluia alleluia alleluia alleluia alleluia alleluia alleluia alleluia

Vespere autem sabbati quae lucescit in prima sabbati venit Maria Magdalena et altera Maria videre sepulcrum alleluia

Ego sum qui sum et consilium meum non est cum impiis sed in lege domini voluntas mea est alleluia

Postulavi patrem meum alleluia dedit mihi gentes alleluia in hereditatem alleluia

Ego dormivi et somnum coepi et exsurrexi quoniam dominus suscepit me alleluia alleluia

Angelus autem domini descendit de caelo et accedens revolvit lapidem et sedebat super eum alleluia alleluia

Et ecce terraemotus factus est magnus angelus autem domini descendit de caelo alleluia

Erat autem aspectus ejus sicut fulgur vestimenta ejus sicut nix alleluia alleluia

Prae timore autem ejus exterriti sunt custodes et facti sunt velut mortui alleluia

Respondens autem angelus dixit mulieribus nolite timere scio enim quod Jesum quaeris alleluia

Et valde mane una sabbatorum veniunt ad monumentum orto jam sole alleluia

Surrexit enim sicut dixit dominus ecce praecedet vos in Galilaeam ibi eum videbitis alleluia alleluia

Surrexit dominus de sepulcro qui pro nobis pependit in ligno alleluia

Scio quod Jesum quaeritis crucifixum surrexit alleluia

In Galilaea Jesum videbitis sicut dixit vobis alleluia

Surrexit enim sicut dixit dominus ecce praecedet vos in Galilaeam ibi eum videbitis alleluia alleluia

Christus factus est pro nobis oboediens usque ad mortem mortem autem crucis

Christus resurgens ex mortuis jam non moritur mors illi ultra non dominabitur quod enim vivit vivit deo alleluia

Nolite expavescere Jesum Nazarenum quaeritis crucifixum non est hic surrexit alleluia

Et recordatae sunt verborum ejus et regressae a monumento nuntiaverunt haec omnia illis undecim et ceteris omnibus alleluia

Jesum quem quaeritis non est hic sed surrexit recordare qualiter locutus est vobis dum adhuc in Galilaea esset alleluia

Et dicebant ad invicem quis revolvet nobis lapidem ab ostio monumenti alleluia alleluia

Et respicientes viderunt revolutum lapidem erat quippe magnus valde alleluia

Cito euntes dicite discipulis quia surrexit dominus alleluia

Venite et videte locum ubi positus erat dominus alleluia alleluia

Ite nuntiate fratribus meis alleluia ut eant in Galilaeam ibi me videbunt alleluia alleluia alleluia

Jesus junxit se discipulis suis in via et ibat cum illis oculi eorum tenebantur ne eum agnoscerent et increpabat eos dicens o stulti et tardi corde ad credendum in his quae locuti sunt prophetae alleluia

Qui sunt hi sermones quos confertis ad invicem ambulantes et estis tristes alleluia alleluia respondens unus cui nomen Cleophas dixit ei tu solus peregrinus es in Jerusalem et non cognovisti quae facta sunt in illa diebus alleluia quibus ille dixit quae et dixerunt de Jesu Nazareno qui fuit vir propheta potens in opere et sermone coram deo et omni populo alleluia alleluia

Nonne sic oportuit pati Christum et intrare in gloriam suam alleluia

Tu solus peregrinus es et non audisti de Jesu quomodo tradiderunt eum in damnationem mortis

Et incipiens a Moyse et omnibus prophetis interpretabatur illis scripturas de omnibus quae de ipso erant alleluia

Et coegerunt illum dicentes mane nobiscum domine quia advesperascit alleluia

Mane nobiscum quoniam advesperascit et inclinata est jam dies alleluia alleluia

Et intravit cum illis et factum est dum recumberet cum illis accepit panem benedixit ac fregit et porrigebat illis alleluia

Ardens est cor meum desidero videre dominum meum quaero et non invenio ubi posuerunt eum alleluia

Nonne cor nostrum ardens erat in nobis de Jesu dum loqueretur nobis in via alleluia

Surrexit dominus vere alleluia et apparuit Simoni alleluia

Cognoverunt dominum alleluia in fractione panis alleluia

Stetit Jesus in medio discipulorum suorum et dixit eis pax vobis alleluia alleluia

Obtulerunt discipuli domino partem piscis assi et favum mellis alleluia alleluia

Conturbati vero et conterriti existimabant se spiritum videre et ait illis quid turbati estis et cogitationes ascendunt in corda vestra alleluia alleluia

Pax vobis ego sum alleluia nolite timere alleluia

Spiritus carnem et ossa non habet sicut me videtis habere jam credite alleluia

Videte manus meas et pedes meos quia ego ipse sum alleluia alleluia

Isti sunt sermones quos dicebam vobis cum essem vobiscum alleluia alleluia

Pax vobis ego sum alleluia nolite timere alleluia